Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




JEREMIA 14:7 - OTSAO BAIBEL (BSI)

7 Ku khünakbue ku sele akhong: “Kwom ochaxbue kwom ma tsaihux-kaxhux fe angkya tüingokoxchu, kwom to asunhüi, Jowanpa, ami nange tsaodaokya ningle a. Kwome nang hato tok obithomthom ma hexle ahole changdaoa; kwome nang zongto ochax mwot mokle changdaoa.

အခန်းကိုကြည့်ပါ။ ကော်ပီ




JEREMIA 14:7
30 ပူးပေါင်းရင်းမြစ်များ  

Israel khünaknue hwom kax-kax ma chilaxlaxba le tüikya tutexe hwom zongto apüile akhong ngole. Hwom ochax hwom asu ang tamchu ati ang tomle, ilaxle Judah angkya khünakbu chuwüi hwom füi tomtomle atile.


Nang tsaosüt thom hüi Jowanpa, üntoxle ku ochaxbu thailak tüihüi, chemthüikoxle ibu a huanu changle.


Ikhoma faokha tokya mailang tuitae hwom langüi, faokha tokya shwonbue hwom ashikle akhixüi, ilaxle fuachaxbu hwom tinglong afünle leüi. Khünak ibu kotok to laile jangchang, hwom a ashikle akhixüi chemthüikoxle hwom ochaxbu a huanu changle ilaxle onoxnox to hwome Zang hato tok ahole.


“Jowanpa, nang zongto kwom thaikya a huanu. Kwom ochaxbue kwom ma kaxhux fele. Kwome ibu pangwüi tiklax ngopu.


Hünzom ochaxe hünzom towüi sikngün fa angkya changpu, ilaxle hünzome ku hato tok ahokyae hünzome wüi thajao kop angkya changpu. Jowanpa hünzom Zang ku awütle toxkya chemtukux khaxkya hex tamchu thaikya hex ija hünzome awanle laxüi, ilaxle hünzom mongong tüikya füi ku ma ngo ang chikople changüi. Ku, Jowanpa Khüthak Zang-e ija akaxdaoa.”


Idaile, hai, pongwang ma Khrista to mongong thomkyabu, keme Zang fuazangkya achuak-hax.


Chix chingcha fuazang, chix mongkün Hosa ma kem ang amuamua le koxkya chix hingho, ibu hanpakma keme Zang achuak hax!


Hwom kaxkax ma wüi lax angkya le angamkya Israel nok mongngame hwom zongto apüile sop. Ipongpong le changle hüidaokoxle chu, Jowanpa hwom Zang, ku hato hwom chichat.


Ile mokkoxle, Ijip nok tokya Israel khünaknu kue zunle apüikya ngünle laxdaokya jat-libu tunthoma ku mün oma ang changüi changpue kue ile chimok,


Ile chang koxle ku münma angwüi changüile thütlaxle kue ile chimok, chemthüikoxle hwom tomwüi ngole tüikya mixnokbu tunthoma Israel nok hato kue hwom Ijip chaxwan tokya alaile pao angkya kax ngaile kop.


Ile chang koxle ku münma angwüi changüile thütlaxle kue ile chimok, chemthüikoxle hwom tomwüi ngole tüikya mixnokbu tunthoma Israel nok hato kue hwom Ijip chaxwan tokya alaile pao angkya kax ngaile kop.


Josiah wanghom ang ngotanto Jowanpae ku füi akax: “Eja mongong chitüikya mixcha, Israel-e chem mokdaopuix, ija nange ngünchami? She-e ku hato tok ahodaoa, ilaxle haxnukho hex athüithüi to ilaxle pünnu tong hex athüithüi to she-e tsangtsa hangkya mwot mokdaoa.


Ojem chifünkya mongkün hia chialekya mongong nang ma tüingokoxle, nang tata ang, O Jowanpa, nang tata ang tix; fuazangkya kwom ang kox angkya jao münchang.


Jowanpa Israel nok Zang, nang a sukya changle, ikoxlechu nange kwom ozün ma ngo ang tompu. Kwome nang zongto kwom thaidaokya ngaipu; kwom ang nang ngwotnui to ngui angkya chifün ojao müntüi.”


Kanan nok hia ija haxtok ma tüipupu pangnusae ija zing atatüi. Hwome kwom akhople koplaxle kwom pangwüi langle awüt angkya changle! Ifüima nange ma münchong-ngampai khosün ang chem moklaxüi?”


Ikoxlechu ku khünaknu to anaole tsuakdaoale kue hwom zanpabu ang mongngam ang tomse chitsu, chemthüikoxle hwom a ku jaojaoe thuple akhixkya changpu.’


Zang khünaknue atüi: “Kem büthüikoxle dangle thung-ngopu? Hai paohax, kem a ziakople thomkya tingnubu to nguilaxle ikhato zihax. Jowanpa, kem Zang-e kem a zilax-maxlaxle ahaidaoa; chixe kem ang zik-hing ling ang koxdaoa, chemthüikoxle keme chix zongto ochax mwot mokdao koxle.


O Zang, kwom to asunhüi ilaxle kwom khosünle kop-hüi; nang mün-mün wüi achuak-achenle naxngofa, kwom azünhüi ilaxle kwom ochaxbu thailak tüihüi.


Kue chem mokpuix ija a ku hanpakma mokpu — kue ku mün ahaile chang ang müntom chichangba owawa füi ku fuazang ahanle lax ang müntom ija a ku tata kux changüi.”


Kem a zakkop ma jiplaxle thünzake kem to thünzak füi chwop ang tomkya li. Keme ilaxle kem pupa hwome Jowanpa kem Zang zongto jento achaxle hüidaoa; keme otuechu chix kaxtombu kax ma chilax.”


Jangchangba, ku khünaknu, chemthüikoxle hünzom ku hato ojao tamchichatle tok ahole paopu? Hünzom a hünzom chapabu füi mongkün shingmongle chang ilaxle ku hato anongle münchatpule angam.


Ku mikngünohün ma kue, chaxwantok ma hingle tüikya oli pangwüi kuknubue saxle awütkya ngün, ifüima kue akax: “Jowanpa Khüthak Zang, nang khünaknu thaikya alak-hüi! Chichang thüikoxle hwom ozün ma chemle ngothoüi? Hwom a hidaole wüi tamchu shonaile tüile!”


Itülüi, hünzom ochaxbu khoma müikya oli ibu hünzome kop ang chitomle abaxle tüile.


Jerusalem angkya khünaknu akhong, “Kwom to ziamale jao maklaxdaoa! Kwom man tam müitoxüi münchang. Kwome ija a adu ang thoüi tukux thüt!


Keme Jowanpa zongto ochax lyendaoa, ikhoma keme noxtakya hanpakma keme kem füikya chix mongtsik adu angkya changle. Ikoxlechu oshuk ma chixe kem kho-awaüi ilaxle kem to thaile mokdaokyabu pangwüi achangle zingüi. Chixe kem zangngai to alaiüi; chixe kem khosünle kopkya ngün ang kem ozün ma ngoüi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ