JEREMIA 14:2 - OTSAO BAIBEL (BSI)

² Judah a mang sople ngole; ija angkya tingnubu a zingole, ija angkya khünaknu a mongmaxle hax to jiple ngole, Jerusalem a fongmix lomle akhong ngole.

JEREMIA 14:2 ပူးပေါင်းရင်းမြစ်များ

ISAIA 3:26

Tingnu panbu a mangtsakya hia sopkyae awangle tüiüi, ilaxle tingnu jaojao sheko mixnu tuita ohua ma haxkha to thungle ngokya ningle tüiüi.

JEREMIA 8:21

Ku mongkha thuple akhixle chemthüikoxle ku khünaknu a thuple akhixdaoa; ku soppu; ku a komkaile khosampu.

1 SAMUEL 5:12

Chizikyabu ang chuwüi haknüi laikya kak lai ilaxle khünaknu pangnue hwom to asun ang ma baozangbu to nyakle sop.

ZEKARIA 7:13

Kue akax pongma hwome ku kax to na chitha, ikhoma hwome zangjop pongma kue chilan.

JEREMIA 11:11

Ikhoma, athax ku, Jowanpae hwom hato thama ahüi angkya kaxkhün koxpu, ilaxle hwom a azang ang münthopu. Ilaxle chemtue hwome ku hato ozing alaile, hwom to fong angkya akhongle changüihex, kue ija to ojao münapa.

JOEL 2:6

Ibu süsox-süsoxle soxkya zuma, pangnusa wüi abüt-aban; pangnusa ang wüi thünza huishole chang.

JOEL 1:10

Manzai haxtok kohwon ang changdaoa; saxziak komle thomjole chang koxle haxtok ang mongmale sop, grepbu pangwüi azandaoa, ilaxle olip pünbu a zile paoüna.

HOSIA 4:3

Ikhoma haxtok a zanle paoüi, ilaxle ima ngokya pangwüi zile paoüi. Faomüi hia o-jux pangwüi, janyax to lünle zile paoüi.”

MANGSOP 5:10

Woknuake kwom tundün kak ang achangle ilaxle kwom tsangtsa khwon a fongbak tukuxle akhamle.

MANGSOP 2:9

Zünkaibu to pan-katuk tsunkyae sheple kop, ibu luapoxbu thuple akhix awüt. Wanghom hia pünlix-wangchong hwom a zanda ang koplaxle paole tüi. Wanlom anwot-anokya athax chitüi, ilaxle ajebu angJowanpa tokhange kaxho hüikya chitüi.

JEREMIA 18:22

Kaxkhün chemchu chitüi homtoxle hwom hom-hax tsui pao angkya khünak othom tuita ahüikox; hwom a chabüt-lasünle akhong ang tomkox. Hwome ku naxdüt ang tswomkha thodaoa ilaxle aman ang kam thale changdaoa.

JEREMIA 12:4

Kem haxtok a chemtukux zuale zan-ngoüi, ilaxle haxsha angkya hingzang pangwüi azanle aziküi? Müi hia osabu a zingole ija a kem khünaknu chichangchizangle tüikya khoma changle. Khünak ibue thüile, ‘Keme mokkya mwot Zang-e münngün.’”

JEREMIA 4:28

Chaxwannu ang nuzaokya tüiüi; zangkho to zangnake awangüi. Jowanpae ija akaxdaoa ilaxle chixe ija chix mong münalüix. Chixe chix mongzangwünle tsuakdaoa ilaxle tam aküile huüi münchang.

ISAIA 33:9

Haxtok a owachu chingole ngat-to dantoxdaoa. Lebanon angkya faonu kohwon ang changdaoa. Haxzao füikya Sharon haxsha a sak-hax ang changdaoa, ilaxle Bashan ma tamchu Karmel Haxnu ma pün ang pünchakbu dütle.

ISAIA 24:7

Grep zubu zanle pao, ilaxle grepti-ju ma sütüi-sütüile tüi. Ami mongmüi atungle ngokyabu pangwüi ang athax a mongma,

ISAIA 24:4

Chaxwannu a zanle pao ilaxle zile paole; zangfang pangwüi ashole max; chaxwannu hia zangding pangnyi sumle pao.

ISAIA 15:5

Moab hanpakma ku ang mongkha tokhange sopdong! Khünaknu a Zoar tinglong hia Eglath Shelishijah tinglongbu to paole azang. Züizüi a Luhith lomnu to dong, lomba to hwom sopngale aham; züizüi a akhongle sople Horonaim to paole azang.

ISAIA 5:7

Israel nok a Khüthak Jowanpa haxtok changle; Judah angkya khünaknu a küi angkya zubu changle. Chem müipuix ija moküile chixe hwom to mongong, ikoxle hwom mixe mixmik amütle chang. Chem supuix ija moküile chixe hwom to mongong, ikoxle hwome chakmokle changdaokyabue sukya kaxfün fahüile akhong.

JOB LAIPEX 34:28

Hwome mixshix-zasabu Zang nyakle akhong ang atsangle, ilaxle asunle fa angkya mix lomle hwom akhongkya Zang-e atatle.

1 SAMUEL 9:16

“Ngainyix kue itukhae Benjamin homjen angkya mixsün tuita nang hato ahüiüi; ku khünaknu Israel nok thakma apün-awangle chang angkya mix ang nange chix to münga füi pale kamkox, ilaxle chixe hwom Filistia chak tokya khosünüi. Kue ku khünakbu sikngünle ngokya ngünle laxdaoa ilaxle hwom to asunfa angkya mix lomle sopkya kue atatdaoa.”

LAIPAO 2:24

Zang-e hwom mongsople nuzaokya ozing atat ilaxle chixe Abraham, Isak hia Jakop hwom füi Tsaotsüt laxkya texle atak.

MÜNCHUAK-TSAI 144:14

Kwom tsom-pombue ojao ashix-akhaxkya chitüile okhonguile pu-tsa ang tomkox. Kwom tingjang lomnu to mangsople nuzaokya tüi ang taxtom.

ISAIA 24:11

Grep-ti chitüikya khoma athaxpi tingjang lomnu to khünakbu akhong-akha. Othuithui hanpak ang mongmüi a samdaoa; ija a chaxwantok angkya jao maxdaoa.

JEREMIA 12:11

Hwome ija laxli chitüikya haxtok ang achangdaoa; ku tunthoma ija khünak chingokya haxtok ang awüt thomle. Haxtok komkaile sak-hax ang achangdaoa, ilaxle ija pak owaechu müntik.

JEREMIA 46:12

Hünzom zakkop bama chaxwannu noke atatdaoa; hünzom sopkya zing noknusae atatdaoa. Süpahi tuita süpahi tuita füi athut, ilaxle hokhi pangnyi wüi haxkha to nguak.

MANGSOP 2:8

Zaion angkya pan-katuk atsunle adüt angkya bamaJowanpae mongzangwünle tsuak; Ibu komkaile ama angkya kuxmale chixe ibu thütle tsuakle. Zanhu nui hia pan-katuk athaxpi tomwüile tsunle nguak ngo.

HAGAI 1:11

Kue haxtok hato otui-onuak apüipu--ija haxhuabu hato, saxziak zimfa ma, grep haxtok ma, ilaxlechu olip haxtok--haxtok ma alailai saxziak pangwüi hato, khünaknu hia müi-nyax pangwüi hato, hünzome küi-thwomle alai ang azongkya pangnuli hato zanle zi angkya apüipu.”

JOEL 1:11

Mongmalax, hünzom manzai mixbu; soplax, hünzom opange grep zutong molaxpuix, chemthüikoxle wonglai tsax, tsaxsa tula, changle saxziak pangwüi amütdaoa.

JOEL 1:14

Chisax-chilingle atsao angkya kax koxlax; khünaknu sele asoxlax! Lompabu asox ang tomlax ilaxlechu Judah angkya khünaknu pangwüi Jowanpa hünzom Zang Zangshwom-Hom to nguilaxle chix hato sople ozing adün ang a!