JEREMIA 14:14 - OTSAO BAIBEL (BSI)

¹⁴ Ikoxle Jowanpae lan: “Ku mün male ajebu othai akax ngopu; hwom a kue ajokyabu chichang, chichangba kue hwom ang akax angkya kaxtom koxkya chitüi chichangba kue hwom füi kaxfa tuita chiakax. Hwome akax ngokya mikza wünmang a kuchi tokhange ahüikya münchang; hwome ajekya hia hwome ajangkya tüta angchu münchang.

JEREMIA 14:14 ပူးပေါင်းရင်းမြစ်များ

EZEKEL 12:24

“Israel khünaknu khato othai mikngünbu hia othai jekaxbu müntüi angkya changle.

JEREMIA 29:31

Shemaiah bama kaxho ija Babilon nok to tüikya zanda ang ngokya khünaknu pangnusa hato akax angkya akax: “Ku, Jowanpae Shemaiah hia chix sixli hwom pangwüi to sikangün angkya changle. Kue chix chiakat, ikoxle chix a tuita ajepa tangtang ningle chixe hünzom füi akax, ilaxle chixe hünzom ang othai to mongong ang tom. Hünzom khama chix ang osix-oli chemchu müntüi angkya changle. Ku khünaknu hanpakma kue müikya mwot mokkya ngün angkya hanpakma chix ozün ma münngoüi chemthüikoxle chixe hwom ang ku zan to ka angkya akax. Ija kax, Jowanpa, kue akaxdaoa.”

MANGSOP 2:14

Nang ajebue nang hama kaxthai zangwün boma mama kaxho angkya chitüi; Hwom hwon-nwote nang ochaxbu kotok to chialaile nang dyenle thom. Hwome nang ang künlop-monglüi angkya mwot müntüile ajang ang tom.

MIKA 3:11

Tingnu angkya pünpa-chongwangbue zuizun kop angkya hanpakmale khünaknu to apün, nguapabue Wanlom a kop ang taile kox, ajebue hwom mikngün ngun hanpak ang tix ngai: ikoxle hwom pange wüi Jowanpa a hwom füi tüile le akax. Hwome thüi: “Kwom hato thomzün chemchu münhüiüi. Jowanpa a kwom füi tüile.”

JEREMIA 5:31

ajebue kaxthai zangwünkya boma chemchu münwün; nguapabue ajebu kaxtom ningle apünle, ilaxle ku khünakbue ija to münchangle chithüi. Ikoxle ibu pangwüi ashukle hüikya zuma hwome chemle thüithüi?”

EZEKEL 21:29

Hünzome ngünkya mikngün-ohünbu a othai changpu, ilaxle hünzome ajele thomkyabu a othai. Hünzom a chichang-chizangkya tamchu ochax khünakbu, ilaxle hünzom hanpak nguile hüile, hünzome oshuk sikngün apong angkya hanpak a. Changlo a hünzom dingkux ma ate angkya changle.

1 TIMOTHI 4:2

Ija ningkya hwon-nwot a atsele dyen-ngankyabu, opang khangka jankhik füi akhamkya ningle omang ma tüilaxpuix, hwome apuküi.

ZEKARIA 13:3

Ifüimachu owawae aje angkya wüi changle le zongpankya mix jangtüi, honu hia hopa nyie chix a mik max ang tom angkya wüi akax angkya changle, chemthüikoxle chixe Jowanpa kax akaxpu le thüilaxle othai kax taile. Chemtue chixe ajele ngopuix ipongma honu hia hopa nyie chix tople langüi.

ZEKARIA 10:2

Khünaknue jenu-shipa hia chapabu ma tiktole changtüia, ikoxle hwome kopkya kaxlan a chemchu chichangkya othaibu. Züizüie wünmang taile ikoxlechu ija a othai lom to nang zun angkya hanpak zaza; hwome koxkya mongsom ma laxli chemchu müntüi. Ikhoma khünaknu a chun samkya lailaile samle aham ngopu. Hwom a thama ma tüile chemthüikoxle hwom ang lompa müntüi.

EZEKEL 13:23

Athaxpi hünzome othai mikngün ngünle ngokya hia othai ajele ngokya zangwünbu pangwüi kaitox daoa. Kue hünzom chak tokya ku khünakbu sünle koppu, ikoxtix hünzome ku a Jowanpa changle le awan ang kopüi.”

JEREMIA 37:19

Nang to tamchu ija haxtok to Babilon noke single münchangpule nang hama ajekya nang ajepabu to chemthüi?

JEREMIA 29:21

“Chix mün ma othai kaxho fale ngokya Ahap sasün Kolaiah hia Maseiah sasün Zedekiah nyi bama Jowanpa, Israel nok Khüthak Zang-e akaxdaoa. Ibu a chixe wanghompa Nebukadnezar tsak-zong chak to koxüi ilaxle wanghompa-e hünzom mikngün ma hwom langle chang angkya kax chixe akaxle.

JEREMIA 28:15

Ifüima kue ija Hananiah hama wün ilaxle chizakle akax: “Apakoplax, Hananiah! Nang a Jowanpae tsanle ahüikya chichang, ikoxle hünzome khünaknu ang othai to ong angkya atsing ngotüi.

JEREMIA 28:13

Hananiah hato nguilaxle ija akax angkya kaxkox: “Nange pün danglang apak-akhix ang thokoxlax, ikoxle chixe ija jan füi lüile zingüile Jowanpae thüile.

ISAIA 9:15

Zunu-zupa hia tüichong mixmüibu a okhang: ilaxle othai hwon-nwot apüikya ajebu a omüikuachi changüi!

1 JUHAN 4:1

Kutüi kunaohom, chasa tüipule athüithüi nok to taxong, ikoxle hwom ma tüikya chasa Zang tokhange hüikya changcha hex le wanle anolax. Chemthüikoxle othai ajebu pangkha towüi paoüna.

TSAITONG-KAXTONG 18:20

Ikoxle kue chiwünkya kax ajepa owawae ku mün lünlaxle wünle jangchang, ija khoma kue chix mik max ang tomüi; iningkya mama baozangbu mün ma zangwünkya aje mamabu chuwüi mik max ang tomüi.’

ISAIA 56:10

Chixe thüi: “Lompabu pangnu, opange ku khünaknu azale changsepa hex, hwom a miksutbu changle! Hwome chemchu müntik. Hwom a hom nye ang thomkya chitwomkya hi ningle changle — hwome wünmang bama atse zaza ang awanle. Hwome jiple ngosele chemtukux tsupuix!

JEREMIA 8:11

Hwome ku khünaknu angkya makthünbu a muakya büizüikya ang laxle. Müimüi-zangngaile chitüikya khato ‘Pangwüi müimüi-zangngaile tüile’, le hwome thüitüi.

JEREMIA 20:6

Ikoxle nang hanpakma, Pushhur, nang üntoxle nang homkha khünak pangwüi kopüi ilaxle Babilon nok to paoüi. Nang ikhato ziüi ilaxle ikhato akhünüi, nang kaxthai zangwün füi dyenlale thomkya nang zuikhuibu chu pangwüi nang füi womle tüiüi.’”

JEREMIA 28:11

ilaxle khünaknu tunthoma akax: “Wanghompa Nebukadnezar-e pangnu jat-li dingkux ma alikle thomkya danglangbu a chixe ija danglang lailaile apak-akhixüi; ilaxle ija a chixe zanglao anyi mong ma wüi moküi.” Ifüima ku achexle pao.

MANGSOP 2:9

Zünkaibu to pan-katuk tsunkyae sheple kop, ibu luapoxbu thuple akhix awüt. Wanghom hia pünlix-wangchong hwom a zanda ang koplaxle paole tüi. Wanlom anwot-anokya athax chitüi, ilaxle ajebu angJowanpa tokhange kaxho hüikya chitüi.

JEREMIA 8:10

Ikhoma kue hwom haxtokbu a haxpu ozünbu ang koxüi ilaxle hwom kakonubu a mix ang koxüi. Chongkya hixkya noknusae wüi thaikya olom tokhange ngun athün ang azongle. Nguapabu hia ajebue ngaxchu khünaknu dyenle.

EZEKEL 13:2

Chixe thüi: “Ziün angkya khünak, malualua to ajele ngokya Israel nok ajepabu awütdao. Hwom ang Jowanpa kax to apale chang angkya akaxkox.”