JEREMIA 14:13 - OTSAO BAIBEL (BSI)

¹³ Ifüima kue akax: “Jowanpa Khüthak Zang, ajebue khünaknu hama ochax-ozan chichangba woknuak tilan müntüipua, chemthüikoxle kem haxtok ma tumüi-lomkhao lanle ngo angkya nange tsaosaxle akaxdaoale hwome akax ngokya nange awan ngopu.”

JEREMIA 14:13 ပူးပေါင်းရင်းမြစ်များ

JEREMIA 6:14

Hwome ku khünaknu janthün a muale büizüikya man ningle ahole. Chemli chu müile chitüikya tuke, hwome pangwüi müile tüile le thüile.

2 PITAR 2:1

Kaikya khünaknu tu ma othai ajebu lai, ilailaile hünzom khamachu othai nwotmixbu lai angkya changle. Hwome max angkya othai hwon-nwot lai ang tomüi, üntoxle hwom shakle kopkya hopupa müntsing hex le thüiüi, ile alüile osünto ma max angkya thama apüiüi.

MIKA 3:11

Tingnu angkya pünpa-chongwangbue zuizun kop angkya hanpakmale khünaknu to apün, nguapabue Wanlom a kop ang taile kox, ajebue hwom mikngün ngun hanpak ang tix ngai: ikoxle hwom pange wüi Jowanpa a hwom füi tüile le akax. Hwome thüi: “Kwom hato thomzün chemchu münhüiüi. Jowanpa a kwom füi tüile.”

JEREMIA 23:17

Kue akax daokya kax to mün-apapule angamkya khünaknu füi, hwome chizakle, hwome oma chemchu münapongpule akax ngo. Mongkhüile ngokya khünakbu ang chuwüi hwome thomshix-thama chemechu hwom to nun-maokya müntüipule akax.”

JEREMIA 4:10

Ifüima kue akax: “Khüthak Jowanpa, nang Jerusalem angkya khünaknu komkaile dyendaoa! Nang tumüi tüiüihex-ole thüi: ikoxle hwom dingkux ma changlo tüile.”

JEREMIA 8:11

Hwome ku khünaknu angkya makthünbu a muakya büizüikya ang laxle. Müimüi-zangngaile chitüikya khato ‘Pangwüi müimüi-zangngaile tüile’, le hwome thüitüi.

EZEKEL 13:22

“Hünzom kaxthai zangwün makhange müikya khünakbu ang hünzome mong ahik. Ibu a kue mong amase lejao chitsukya khünakbu changle. Ochax khünakbue hwom ochaxbu danle toxlaxle khosün atak angkya hünzome abaxle thom.

JEREMIA 5:31

ajebue kaxthai zangwünkya boma chemchu münwün; nguapabue ajebu kaxtom ningle apünle, ilaxle ku khünakbue ija to münchangle chithüi. Ikoxle ibu pangwüi ashukle hüikya zuma hwome chemle thüithüi?”

JEREMIA 5:12

Jowanpa khünakbue chix pongle chikop ilaxle akax: “Chixe chemli-chemlichu münmok.”

JEREMIA 1:6

Kue lan: “Jowanpa Khüthak Zang, kue zang chemle wünüihex ngaxchu matik; ku a naosa tomtata changle.”

ISAIA 56:10

Chixe thüi: “Lompabu pangnu, opange ku khünaknu azale changsepa hex, hwom a miksutbu changle! Hwome chemchu müntik. Hwom a hom nye ang thomkya chitwomkya hi ningle changle — hwome wünmang bama atse zaza ang awanle. Hwome jiple ngosele chemtukux tsupuix!

JEREMIA 5:13

Ajebu a chemchu münchang ikoxle zangwin nyitsong changpu ilaxle hwom ma Jowanpa tokhange hüikya kaxho chemchu müntüile hwome thüile. Jowanpa Khüthak Zang-e ku füi akaxle thüi: “Jeremia, ibu khünakbue ile akaxkya khoma, kue ku kax a nang wikha ma wün ningle achangüi. Khünaknu a ha ningle changüi ilaxle ija wün füi hwom zokle ashunüi.”

EZEKEL 12:24

“Israel khünaknu khato othai mikngünbu hia othai jekaxbu müntüi angkya changle.

JEREMIA 20:6

Ikoxle nang hanpakma, Pushhur, nang üntoxle nang homkha khünak pangwüi kopüi ilaxle Babilon nok to paoüi. Nang ikhato ziüi ilaxle ikhato akhünüi, nang kaxthai zangwün füi dyenlale thomkya nang zuikhuibu chu pangwüi nang füi womle tüiüi.’”

JEREMIA 37:19

Nang to tamchu ija haxtok to Babilon noke single münchangpule nang hama ajekya nang ajepabu to chemthüi?