JEREMIA 14:12 - OTSAO BAIBEL (BSI)

¹² Hwome chisax-chilingle atsaole zangjop koxle ngaxchu, hwome asun hüile sopkya zing to kue na müntha; ilaxle hwome ku ang zokle ashunkya to hia saxziak to, ibu koxle changkoxchu, ku ang hwom füi otuechu mong münmüi. Itülüi, kue zanhok ma tamchu woknuak hia kak-lak ma hwom mik max ang tomüi.”

JEREMIA 14:12 ပူးပေါင်းရင်းမြစ်များ

EZEKEL 8:18

Hwome ku mongtsik janzüi bakle awan ang kop angkya changle. Kue hwom to münshan chichangba chingcha ahole münchangüi. Hwome tsuakkya tukuxle akhongle ku to jopüi, ikoxlechu kue hwom zangjop to münapaüi.”

JEREMIA 11:11

Ikhoma, athax ku, Jowanpae hwom hato thama ahüi angkya kaxkhün koxpu, ilaxle hwom a azang ang münthopu. Ilaxle chemtue hwome ku hato ozing alaile, hwom to fong angkya akhongle changüihex, kue ija to ojao münapa.

JEREMIA 6:20

Hwome ku hato Sheba tokya ongan müikya so apüile zokkya to, chichangba tsailo nok tokya suingan amüikyali apüikya to kue hume angkya chemtüi? Hwome koxkya töbu kue pongle münkop ilaxle hwome koxkya zokle ashunkyabu füi ku ang mong müiüi münchang.

WANWÜNKAX 1:28

Ipongma hünzome je-hwon to nyaküi, ikoxlechu kue münlanüi. Hünzome ku pangnu chito lomüi, ikoxlechu hünzome ku münatak.

ZEKARIA 7:13

Kue akax pongma hwome ku kax to na chitha, ikhoma hwome zangjop pongma kue chilan.

MIKA 3:4

Hünzome Jowanpa to nyakle akhong angkya hanpak hüile ngole, ikoxlechu chixe hünzom to apaüi münchang. Chixe hünzom zangjop to münlanüi, chemthüikoxle hünzome ochax mwot mokdaoa.

EZEKEL 14:21

Jowanpa Khüthak Zang-e akax ngokya kax a ija changle: “Kue khünak hia müibu mik tomwüi amüt ang, Jerusalem hato ku thama akhokya ali ahüiüi: ochax-ozan, otui-onuak, faomüi, ilaxle kaklak, ibu a.

JEREMIA 24:10

Kue hwom hato ochax-ozan, woknuak-tilan, ilaxle okak-olak, ibu apüiüi ilaxle hwom pupa hwom ang koxkya hwom haxtok ma hwom tuita chu chingole chang ang tomüi.”

JEREMIA 16:4

Hwome khompua-zadünkya kaknu-laknu ma zile paoüi, ilaxle owaechu hwom mang münsop chichangba münakhün. Hwom mangbu a haxkha to haxzao thokle athünkya ningle thomüi. Hwom a zan ma maxüi chichangba woknuak ma maxüi, ilaxle hwom mangbu a osabu hia faomüibu süt ang changüi.

JEREMIA 9:16

Hwome chu tamchu hwom pupa hwome ngaxchu chemtuechu atat ang chikopkya nok to kue hwom chiakle sam ang tomüi, ilaxle hwom komkaile amütle machang machangle kue hwom amüt ang süpahibu akatüi.”

ISAIA 58:3

Hwome atüile: “Jowanpae chingünangba keme omalax ang chisax-chilingle atsao ngoüi? Chixe kem to mongkoxkya chitüiba kem chisax-chilingle ngo angkya chem mwot tüi?” Jowanpae hwom ang thüi: “Kaxtsing tomtata a ija changle, hünzome chisax-chilingle atsaokya füi tomtomle hünzom ma mongtextex lomle ilaxle hünzom mwot mokle ngokyabu to zothuple.

WANWÜNKAX 28:9

Nange wanlom kax ma laxle chitüi thüiningle, Zang zongto nang zangjop ang nushix dongkya tuita ang changüi.

WANWÜNKAX 21:27

Chichangchizangkya khünakbue chix tö apüile koxpongma Jowanpa ang mong münmüi, tamnüile chu tutex oma füi hwome tö apüile changpongma chix a ija thua anule.

WANWÜNKAX 15:8

Müikya khünakbue zangjop pongma Jowanpa ang mongmüile, ikoxle chichang-chizangkya khünakbue chix hato tö apüikyabu thua chix anule.

MIKNGÜN-OHÜN 6:8

Kue hukoxle huishokya man tuita tüikya. Ija mankho ma ngakya mix ang Omang le amün, üntoxle haolum a chix füito azui. Achax-azankya, otui-onuak, okak-olak üntoxle müima nyaxshix, ibu füi lang ang tomle, chaxwannu othom ali ma ahankya thom tuita thakma apün-ada angkya zong kox.

JOB LAIPEX 27:9

Sikngün hüikya zuma, Zang-e, hwom sopkya zing to apaüi lea?

JEREMIA 8:13

“Manzaimix tuitae sax afoxkya ningle kue ku khünaknu asox-atomse tsuhupu; ikoxle hwom a oziak chitüikya grep zu tuita ningle, oziak chitüikya fupsa pün tuita ningle; ochak ngaxchu wüi zile hüidaoa. Ikhoma, haxtok a kue mixnokbu ang lax ang tompu.”

JEREMIA 21:6

Ija tingnu ma ngokya pangwüi kue langüi; khünaknu hia müi tomwüile za-adünkya kak-lak ma zi ang tomüi.

JEREMIA 32:24

“Babilon noke tingnu akhople hax thokle atsua ilaxle hwome single ngo. Ochax-ozan, woknuak-tilan hia okak-olak ibue ija tingnu a hwom chak to adün-saxpu. Nange chem akaxpuix ibu pangwüi changle ngaikya nange ngün ang kople.

EZEKEL 14:19

“Kue ija haxtok hato okak-olak ahüile jangchang ilaxle ku mongtsiktsik ma khünaknu hia müibu mik amütle khüzün huanuma laxle jangchang,

HOSIA 5:6

Hwome Jowanpa ang tö kox ang hwome chun hia maihubu apüile, ikoxlechu ijae hwom fün amüikyakha müntüi. Hwome chix chiataktsuak, chemthüikoxle chixe hwom dantox daokoxle.

AMOS 5:21

Jowanpae thüi: “Kue hünzom zanglom pangpwonbu to anule; kue ibu to hule ajong ang müntho!

MALAKI 1:10

Jowanpa Khüthak Zang-e thüile: “Hünzome ku tö-tsap ma chilaxli wün atsople changkya füi, ija abax angkya hanpakma owawae Zangshwom-Hom kahakle namchangbae le kue thütle. Ku hünzom füi mong münmüi; nange ku hato apüikya tö kue pongle münkop.

MALAKI 2:13

Ija hünzome mokkya mama mwot. Hünzome chix hato apüikya tö otuechu chixe pongle chikop. Ikhoma Jowanpa tö-tsap a sopkya hia mongmakya mikfi füi sing ang tomdaoa.

JEREMIA 11:14

Jeremia, ibu khünaknu hanpakma ku to jop-tole taxchangzi. Chemtue hwom thama ma tüiüihex ilaxle hwom to fong angkya bama ku nyakle changüihex, kue hwom kax to ojao na münthapu.”

JEREMIA 15:1

Ifüima Jowanpae ku füi akax: “Mosa hia Samuel hwom ikhama ku ma tsaiju-kaxjule ajongle tüikoxchu, kue ibu khünaknu to chingcha ojao münaho. Hwome pao ang tomkox; hwom ku miktho angkya apaokox.