JEREMIA 13:9 - OTSAO BAIBEL (BSI)

⁹ “Ija lailaile Judah hia Jerusalem ngamle ngokya kue ama angkya changle.

JEREMIA 13:9 ပူးပေါင်းရင်းမြစ်များ

LIWI 26:19

Kue ningle-khokhe chithüile tüikya hünzom mongngam apakle awütüi; zangwatkya chitüiüi ilaxle hünzom haxtok a tüle zuale zanle jan lailaile achangüi.

ZEFANIA 3:11

Ipongma hünzom, ku khünakbu, hünzome ku zan to kale changdaokya bama azak angkya mwot müntüi. Ngamkya hia mix to asongle hukya khünakbu kue apaoüi, ifüima hünzome tamchatle ku otsao haxnu ma ku zan to kale münchangüi.

ISAIA 23:9

Ija a Jowanpa Khüthak Zang mwot changle. Hwome mokdaokya mwot bama tüikya hwom mongngam oshuk hato ahüi angkya hanpakma tamchu hwome achuak-achenle tüikyabu tha ajao angkya hanpakmale chixe ile mokkya changle.

WANWÜNKAX 16:18

Mongngame olithule max angkya lom to zunüi, ilaxle mix to asongle hukyae ma adüt angkya lom to zunüi.

1 PITAR 5:5

Ilailaile hünzom tsünzün thomchu tüichong-mixmüi hwom fang ma ngohüi. Üntoxle hünzom pangwüie, apu-achangle tata thotha ang puinaikya züpak laxhüi; chemthüikoxle Otsao Lai-e akaxle, “Ngamkya mix to Zange abaxle; puinaikya mix ang chingcha koxle.”

JAKOP 4:6

Ikoxlechu chixe fakya chingcha ifüi sütsexkya changle. Chemthüikoxle Otsao Lai-e thüile: “Ngamkyabu to Zange abaxle, ikoxle puinaikybu ang chixe chingcha fale.”

KAXHO MÜIKYA LUK 18:14

Jisu-e thüi: ‘kue hünzom ang thüipu, Farisi mixsün füi süisai mix wüi Zang miksho ma sule hom to chat. Chemthüikoxle owa malualua to bong-chongüi hex, chix ahixkya ang achangüi; ikoxle owa malualua to hixkya ang achangüihex, chix chongkya ang achangüi.’”

NAHUM 2:2

Zan-nokbue hwom pünle amaüi thoto chemle tüikya hex, ija ningle, Jowanpae Israel nok fuazang chatle zingle achatüi khakha.)

EZEKEL 16:56

Nang mongngamle ngopongma nange Sodom bama nyi-jaile changdaicha;

EZEKEL 16:50

Hwom ang tüle mongngam ilaxle kheba chithüi anaolechu mwot oja thua ku anupuix ija mwot hwome mokle alyet, ikhoma kue hwom oli thupu, ija nange müile tikle ngopu.

JEREMIA 48:29

Moab a müimamale ngamle! Ibu khünakbu chemtukux ngamle, künngam-mongngame awangle, tamchu mixdyen-mixlale tüipuix, hwome hwom hanpakma alüile chemtukux ajangtüipuix, ibu kue atatle hüidaoa.

ISAIA 16:6

Judah angkya khünakbue thüi: “Moab nok a tüle ngamkya nok ta kwome atatdaoa. Hwom a mongngam hia mix ajao adakya khünakbu changpule kwome awanle, ikoxlechu hwom tsaichong-kaxbongkya chem angchu münchang.”

JEREMIA 13:8

Ifüima Jowanpae ku füi tamchatle akax. Chixe thüi:

JEREMIA 25:18

Jerusalem hia Judah angkya tinglongbu pangnu, ija wanghombu hia lompabu chu pangwüi womle, ija angkya ling ang tom, ilaxle hwom a awütle toxkya kha, khomtsikya hia za-adünkya nui ang achang, ilaxle athax kople twonkya ningle khünaknue hwom mün a othuak-ozom ang twon