JEREMIA 13:25 - OTSAO BAIBEL (BSI)

²⁵ Chixe ija a hünzom osho ang changüile thüidaoa. Ija a chixe hünzom to ile moküile chix mong ma zangwün tsuakkya olom changpu, chemthüikoxle hünzome chix alakle asam ilaxle mixnok baozangbu to mongong ang sütkoxkha.

JEREMIA 13:25 ပူးပေါင်းရင်းမြစ်များ

JOB LAIPEX 20:29

Ija a Zang-e hwom ang koxkya, chichangchizangkya khünakbu shoma changle.

MATHI 24:51

Opunue chix texle akhixüi ilaxle chix ang künkux-mongkwombu süntswon ang tomüi. Ikhato chix sopkya tamchu wa azyakkya tüiüi.

JEREMIA 2:32

Hünzom nok naocha tuitae she likwünbu alakcha, chichangba tuipa tuitae chix za-pua alakcha? Ikoxle ku khünakbuepi hanpak o-echithole ku alak-asam daoa.

MÜNCHUAK-TSAI 11:6

Ochax khünakbu ding to adütle chixe wün füikya wündix üntoxle chuale ngokya khat; tamchu zokle ashunkya zangwin ibu füi chixe hwom sikangünle.

MÜNCHUAK-TSAI 9:17

Chichangchizangle tüikya hia Zang pongle chikopkyabu pangwüi oshuk a zik changle.

MIKA 3:11

Tingnu angkya pünpa-chongwangbue zuizun kop angkya hanpakmale khünaknu to apün, nguapabue Wanlom a kop ang taile kox, ajebue hwom mikngün ngun hanpak ang tix ngai: ikoxle hwom pange wüi Jowanpa a hwom füi tüile le akax. Hwome thüi: “Kwom hato thomzün chemchu münhüiüi. Jowanpa a kwom füi tüile.”

JEREMIA 10:14

Ija ngünle changkya zuma, khünaknu a ongat ang achangle jepa; opangsae ibu chapabu zingle changlaxpuix hwom pangwüi ongat hia kaxux ang achang, chemthüikoxle hwome zingkya baozangbu a othai tamchu khüzün chitüi.

JEREMIA 2:13

chemthüikoxle ku khünakbu ochax oli anyi lyendaoa: hwome ku hato, tsaothakya tümik hato tok ahodaoa, ilaxle hwome titungbu thole changdaoa, ti kople thom ang chimüikya titungbu a.

ISAIA 28:15

Hünzom a zikmüt-mangkho füi muamüi laxle amalum füi zangwün azutle tsuakdaoale ngamtüi. Thama hüikya tuk ma hünzom a ijae tsiakle toxüile mong chongtüi; ija a hünzome ma khangkhom man angkya bama kaxthai zangwün hia dyen-ngankya to onglaxle ngokya khoma changpu.

ISAIA 17:4

Jowanpae thüi: “Israel chuak-chongle ngokya ashuk angkya din hüile ngole, ilaxle hwom tuinabu tüile ngokya a otui-onuak füi alüixüi.

ROM NOK HATO ZAKYA POL LAIZA 1:25

Hwome Zang otsingtsing othai füi alüix; achuak afua koxle asule tüikya zingpupa Zang! Amen. Chix achuak haxkux lüixto hwome Zange zingle alaikyabu shwom ilaxle ibu thotha.

ISAIA 34:17

Hwom bama haxtok ahanle kox angkya a Jowanpa ilaxle hwom pangwüi ang süntom kox angkya changle. Tsün-tok to-tsünle ibu ikhama ngoüi, ilaxle ija haxtok a jento hwom kux ang ngoüi.

ISAIA 65:7

hwom ochax hia hwom pupa hwome achaxkya ochaxbu hanpakma. Hwome songsaribu zomtong haxnukho to töbu zokle changdaoa ilaxle ku mün amale akaxdaoa. Ikhoma hwom mwote lomkya ningle kue hwom to sikangünüi.”

JEREMIA 3:21

Haxnukho to ozing tuita atat: ija a Israel khünaknu sopkya hia chingcha jukya zing changle chemthüikoxle hwom a ochax ma ngole hüilaxle Jowanpa hwom Zang alakle changdao kox a.

ZEFANIA 3:2

Ijae Jowanpa kax to najao chitha ilaxle chix wanlombu pongle chikop. Ijae Jowanpa to mongong chalomkya chitüi chichangba chix ang asunhüile chithüi.

JEREMIA 18:15

Ikoxlechu ku khünaknue ku alakle asam; hwome chapabu tuntho to ongan müikya sobu zok. Hwome müile lehaxkux lom ma hwom chikho thu; hwome athaxpi kaikya baozangbu lom ojao chito; hwom a oshua chitüikya lombu to aham.

EZEKEL 23:35

Athax Jowanpa Khüthak Zang-e akaxkya a ija changle: “Hünzom ku alakle awüt ilaxle ku hato tok ahole changkya khoma, hünzom a hünzom mongzok hia ma tsangtsa hangle changkya khoma sikngün angkya changpu.”