JEREMIA 13:19 - OTSAO BAIBEL (BSI)

¹⁹ Shuathong angkya Judah tingnubu a hwople kopüi khakha ma tüile; hwom kai laxle owachu le ang müntho. Judah angkya khünaknu pangwüi a zanda ang koplaxle paodaoa.”

JEREMIA 13:19 ပူးပေါင်းရင်းမြစ်များ

JEREMIA 52:27

Riblah tingnu ma tüile asukya. Ikhato wanghompa-e hwom to fit-müile chang ilaxle langle awüt. Ile Judah angkya khünaknu a hwom haxtok angkya zanda ang koplaxle pao.

JEREMIA 52:30

ilaxle chix wanghom ang ngokya zanglao tsaba azom to 745 khünak—Nebuzaradan-e tswonle pao. Pangnu athütle,4,600 khünaknu tswonle pao.

JEREMIA 39:9

Oshukma Nebuzaradan, süpahi lompa-e, tingnu ma dantoxkya khünakbu Babilon nok to zanda ang laxlaxle pao, ikhato chix hato tok aho laxle paokya thom chuwüi tüikya.

2 WANGHOMBU 25:21

Ipongma wanghompa a Hamath haxtok angkya tingnu Riblah ma tüikya. Ikhato wanghompa-e hwom to chakmok ilaxle langle awüt. Ile Judah angkya khünaknu a hwom haxtok angkya zanda ang tsuile pao.

TSAITONG-KAXTONG 28:52

Jowanpa hünzom Zang-e hünzom ang kox angkya haxtok ma atüitüi tingsho pangwüi to hwome single changüi ilaxle tüle chuakkya long katuk pan, ojabu to hünzome tüle mongongle tüikya hex, ibu bakle atsunüi.

JEREMIA 33:13

Haxhua tokya, haxcha tokya hia shuathongchi Judah tokya, Benjamin haxsüt ma tüikya tinglongbu, Jerusalem akhople tüikya tingkhuabu ilaxle Judah angkya tinglongbu ma chunnyetmixbue tamchatle hwom chunbu akiakle changüi. Ija kax Jowanpa, kue akaxdaoa.”

JEREMIA 20:4

Jowanpa chixjao-e ku ang akaxdaoa, ‘Nang a, nang hanpakma ilaxle zuikhuibu hanpakma tuita tuwuk ang achangüi, ilaxle nange hwom pangwüi zan nok changlobu chak fang ma lamkya ngünüi. Judah angkya khünaknu kue Babilon wanghom chak to kox angkya changpu; chixe züizüi a chix chaxwan to zanda ang koplaxle paoüi ilaxle mamabu a langle toxüi.

JEREMIA 17:26

Judah tingnu hia Jerusalem akhople tüikya tingkhuabu tokhange khünakbu nguiüi; hwom a Benjamin haxsüt tokyabu nguiüi, haxchabu tokya, haxhuabu tokya, ilaxle shuathong Judah tokyabu nguiüi. Hwome ku Zangshwom-Homnu to zokle ashunkya tö hia zangjang tö saxziak tö, ongan müikya so, ibu pangwüi apüiüi. Hwome münchong fakya töbu chuwüi apüiüi.

JOB LAIPEX 12:14

Chemtue Zang-e pünle amaüihex, owaechu chatle zing ang müntho; Zang-e kun ma shokya khünak owaechu dan ang tho!

JIHUSUA 18:5

Haxtok a hwom bama othom anüt ang ahanüi; Judah a shuathong chikao hwom haxsüt ma ngoüi, ilaxle Jusep a shuakuxchi chix haxsüt ma ngoüi.

TSAITONG-KAXTONG 28:15

“Ikoxlechu hünzome anyix kue hünzom ang koxle ngokya, Jowanpa hünzom Zang wanlombu hia kaxtombu chemchu mongong tüikya füi thomkya chitüi tamchu Jowanpa kax ma laxkya chitüi, jangchang thüiningle ibibi ochax pangwüi hünzom hato nguiüi:

JEREMIA 32:44

Ibu a khünaknue shakle laxüi, ilaxle shakkya laiza sohi shingle zaüi, ilaxle ngünmixbu kaxkhün laiza tüiüi. Ija a Benjamin haxsüt, Jerusalem akhople tüikya tingkhuabu, Judah tinglongbu, ilaxle haxhua tokya tinglongbu, haxcha tokya tinglongbu, ilaxle shuathongchi Judah, ibu onuibu ma changle hüiüi. Kue khünaknu a hwom chaxwan towüi chatle ating-anokle chang ang tomüi. Ku, Jowanpae ija kax akaxdaoa.”

MANGSOP 1:3

Judah angkya khünaknu a chingcha ashukle dabu ang hwomkha angkya atsangle pao. Hwom a mixnok chaxwanbu to ngo, mamixle nyak angkya owa chitüikya nok to— Zanbue akhoplaxle, paole azang angkya olom jao chitüile.

ZEKARIA 7:7

Ija a pongwang angkya nguapabu makhange Jowanpae akaxkya kax. Hepongma Jerusalem ahak-aluale tamchu khünaknue awang laxle tüikya. Tingnu akhople tüikya ting-nok to tata le chichangle shuathongchi angkya haxnu chabu to lünle khünaknu huanuma tüikya.

1 PUKAX-PANGAO 9:1

Israel khünaknu pangwüi züjen-züjen ma athütle mün za, üntoxle ija kaxho a Israel nok Wanghombu Laipex ma zale tüile. Hwom ochaxbu khoma sikngün koxkya tuita ang Judah khünakbu a Babilon nok to zanda ang pao ang tom.

JEREMIA 24:1

Jowanpae ku hama fupsa ziak awangle sholaxle Zangshwom-Hom tunthoma tsong anyi aho. (Ija a Babilon wanghom Nebukadnezar-e Jehoiakim sasün, wanghompa Jehoiakin, Jerusalem angkya Babilon nok to zanda ang kople paokya füima changkya. Chix füi tomle Judah nok lompabu, zingzing mankya khünakbu tamchu mwot olom awanle mokkya khünakbu tüihukya.)

JEREMIA 28:4

Kue, Jehoiakin sasün Jehoiakin, Judah nok wanghompa chuwüi, Babilon nok to zanda ang kople paothomkya chix khünaknu pangwüi koplaxle ikhato chat ang tomüi. Changle, kue Babilon nok wanghompa tsak-zong pünle ama angkya changpu. Ku, Jowanpae ija kax akaxdaoa.”

JEREMIA 52:28

Ibibi a Nebukadnezar-e zanda ang kople paokya khünaknu mowün laiza ma thomkya changle: chix wanghom ang ngokya zanglao anüt to wanghompa-e 3, 023 khünak tsui pao;