JEREMIA 13:18 - OTSAO BAIBEL (BSI)

¹⁸ Jowanpae ku füi akax: “Hwom ngwotnui angkya thai angkya wanghompa hia hotatüi wangchanu hama akaxkox, chemthüikoxle osün müikya khohom hia khüsünbu a hwom khangkho angkya dütdaoa.

JEREMIA 13:18 ပူးပေါင်းရင်းမြစ်များ

JEREMIA 22:26

Kue hünnu hünkhi to zanda ang pao angkya atsangüi. Hünkhi opupuchu ikha to chipuxkya haxtok to hünkhi a zanda ang kople pao ang tomüi, ilaxle hünkhi pangnyi wüi eto ziüi.

2 WANGHOMBU 24:12

ilaxle chix honu, chix sasün hwom, chix nguakax-wangkhobu, tamchu wanghom homlo ma okax-okhobu, ibu füi tomle wanghompa Jehoiakim-e Babilon nok chak to ma chak ajongle kox. Chixe apünkya zanglao 8 lükya to Nebukadnezar-e Jehoiakim a zanda ang laxlaxle pao,

2 WANGHOMBU 24:15

Nebukadnezar-e Jehoiakim a Babilon nok to koplaxle pao; chix füi tomle honu, chix kakonu, chix nguakax-wangkho hwom ilaxle Judah nok lompabu pangwüi pao.

2 PUKAX-PANGAO 33:19

Wanghompa zangjop hia ija to lankya Zang kaxlan, ilaxle chix künlop-monglüile changüi thoto chixe ochax lyenle: chichang-chizang mokkya changkya pukax, songsari baozangbu to shwomkya onuibu, chixe zaile alaikya baozangchanu Asherah muabu ilaxle chixe shwomle ngokya chapabu: ibu pangwüi bama Ajebu Pukax laipex ma tüile.

ISAIA 47:1

Jowanpae thüi: “Babilon, nang tüntongkho tokya juün, ilaxle haxkha to haxbu khato ngoün. Hanpak tuita ma nang naochasa ningle tüikya, tingtakle machangkya tingnu tuita ningle a, ikoxle athax nang puinaile hia tsaothale tüchitüi! Athax nang a da tuita changle!

2 PUKAX-PANGAO 33:12

Chix sikngün khato ngopongma chix puinaile chang, Jowanpa, chix Zang hato mongchat, ilaxle chix ma chingcha ju.

1 PITAR 5:6

Idaile thütkhak le hanpak nguile hüikya zuma Zange hünzom asale nwon angkya kuxma, hünzome ma alüile tsakzong füikya Zang fangto puinai le tüilax.

JAKOP 4:10

Jowanpa thüntho ma hünzom puinai le tüilax, ile jangchangba chixe hünzom asale nwonüi.

MATHI 18:4

Owa malualua to puinai le ija naosa ningle achangüi hex, Zang Wangting ma achongkya ang chix achangüi.

JONA 3:6

Chemtue Ninewi tingnu angkya wanghompa-e ija kax atatpuix, chix wanghom tüntong angkya thai, ma tsangtsa angkya wanghom zapua put, nyikhwon awun, ilaxle haxbu khato thung.

ISAIA 3:26

Tingnu panbu a mangtsakya hia sopkyae awangle tüiüi, ilaxle tingnu jaojao sheko mixnu tuita ohua ma haxkha to thungle ngokya ningle tüiüi.

2 PUKAX-PANGAO 33:23

Ikoxlechu chix a, hopa lailaile Jowanpa hato mongchatle chihüi, ikoxle hopa to kaile chix tuita ochax khünak ang achangle pao.

LAIPAO 10:3

Ikhoma Mosa hia Arun nyi pao üntoxle wanghompa ang thüi: “Jowanpa Ibri hwom Zang-e, nang a chix tong to münpuipule chemtukux ngotho angkya lüta? Chix khünakbu chix shwom ang pao ang dankox lüta.

MANGSOP 2:10

Jerusalem angkya zupabu hax ma dangjale thungle ngo, Hwom khangbu to haxbu fu ilaxle tsangtsa ma nyikhwon awunlaxle. Naochabu hwom khang haxchi to akhux.

LAIPAO 39:28

Jowanpae Mosa ang kaxtom koxkya lailaile hwome khang-ngüi-nyi, khüsünbu, fang ma laxkya jaknyi,

WANWÜNKAX 27:24

chemthüikoxle tuina a othuithuima ngo angkya oli münchang. Onok-chaxwan ngaxchu tamchimaxle ngo ang müntho.

ISAIA 3:20

ilaxle khüsünbu; hwom suakto hia kebu ma thokya chajik-muashem hingbu;

JEREMIA 29:2

Kue ija laiza, wanghompa Jehoiakin, chix honu, chongwanghom khwa angkya okax-okhobu, Judah hia Jerusalem angkya lompabu, long zingpabu hia mama zingpabu opang zanda ang kople paopuix, hwom tokfüi ma zakya changle.

JEREMIA 36:16

Chixe ija e-le tsuak füima, hwome na nwonle tata chito hu ilaxle Baruk ang thüi: “Kwome ija wanghompa hato kaxkox angkya wüi changpu.”

MANGSOP 1:6

Jerusalem sünmüi a kaile toxdaokya zangwün ang achang. Hwom lompabu a woknuake lopkya müikhibu ningle, Hwom a müihap mixbu zantho to fütle paokya bama huanuma zongsho.

MANGSOP 1:9

She chitsaokya ochwon ma ngünle lax, ikoxle she shoma hanpakma she to ojao chikak. She asongle dütkya a khomtsikya tuita; owaechu she joxle amüi ang chitho. She zanpabue lütdaoa, ilaxle she a Jowanpa ma chingcha jule akhong.

MANGSOP 5:16

Kwom mongngamle ngokya oli chemchu danle chitox. Kwome ochax lyen, ilaxle athax kwom a maxdaoa.

EZEKEL 16:12

Kue nang ang bingbün nasax hia khüsün, ibu füi aza-apuale kox.

EZEKEL 21:26

Jowanpa Khüthak Zang, kue akaxdaoa. Hünzom khohom hia khang-ngüi-nyi suklax. Otyatya ma chemchu münngoüi. Chitüi-chinangbu asale nwonle tsak-zong ang tomkox! Apün-awangle ngokyabu hax to athai kox!

EZEKEL 24:17

Nang asutle sopkya atat ang taxtom. Nang mongma aho ang khang onglaxle chichangba cha hua ma ahamle taxchang. Nange khang akhole taxchang chichangba mangsop mixbue saxkya süt saxle taxchang.”

EZEKEL 24:23

Hünzom a khanghua ma chichangba cha hua ma chichangba mang sople chichangba awaole münngoüi. Hünzom ochaxbu khoma hünzom a azuk-atsyale paoüi, ilaxle hünzom a tata zongto wotüi.

EZEKEL 44:18

Hwom ang zangmukti dütle chichang angkya hanpakma hwome nyidax füi khang ma ngüile tamchu nyidax nyipong apongle kopüi ilaxle züpak apakle chichangüi.

DANEL 5:20

Ikoxlechu chix huanuma mongngamle changkya khoma, mongtsakle changkya khoma, tamchu mongtsik mongma huanuma tüikya khoma, chix a chix chongwang tüntong angkya athai ilaxle chix münchong-ngampai amüt.

JEREMIA 22:24

Jowanpae wanghompa Jehoiakin, Judah nok wanghompa Jehoiakim sasün füi akax: “Ku chemle khochisamkya khüzün Zang hex, ilaxle nang a ku tsaxchi chak ma shintop khoptüt ang ngokya chang koxlechu, kue nang file awütüi