JEREMIA 13:17 - OTSAO BAIBEL (BSI)

¹⁷ Hünzome chiapa jangthüi: Hünzom mongngam khoma ku huxsa ma sopüi; ku mongmaxle sopüi, ilaxle ku mikfi jenle juüi chemthüikoxle Jowanpa khünaknu a zanda ang kople paodao koxle.

JEREMIA 13:17 ပူးပေါင်းရင်းမြစ်များ

MALAKI 2:2

Hünzome chem mokpuix ija makhange hünzome ku achuak-achenle chang angkya changpu. Hünzome kue akaxkya to chiapa jangthüiba, kue hünzom hato othuak-ozom ngui ang tomüi. Hünzom juafong angkya hanpakma kopkya jalibu to kue thuakzomle changüi. Changle, hünzome ku kax ma khünzule chilaxkya khoma kue hwom to thuakzomle changdaoa.

JEREMIA 14:17

Jowanpae ku ang kaxtom koxle ku mongtsik bama khünaknu hama apua angkya tamchu: “Ku mik ma zangnak zangngaile mikfi jenle naxngo, ku sopkya tamchizakle naxchang, chemthüikoxle ku khünaknu to zule mak-kha laxle tüile ilaxle hwom to chisumüile thomzünle.

JEREMIA 9:1

Ku khang a tüküi tuita namchang koxba, tamchu ku mik a mikfi tümik namchang koxba, zangnak zangngai ku sopngose dai langdaokyanu ku khünakbu hanpakma a.

MÜNCHUAK-TSAI 80:1

Kwom to apahüi, O Israel Chunnyetpa; kwom zing atatlax, nang chun zyem lompabu zing a. Hozang füikya zünmok okho ma nang ngwotnui ma thung laxle,

EZEKEL 34:31

“Hünzom ku chunbu, kue tsomle thomkya müizyem, hünzom a ku khünaknu changle ilaxle ku a hünzom Zang changpu”, le Jowanpa Khüthak Zang-e akaxdaoa.

MANGSOP 2:18

O Jerusalem, nang pan-katuke Jowanpa hato akhong kox! Nang mikfibu a zangnak zangngai shuajen ningle jen ang laxkox; Mangsopkya hia mongmaxkyae malailai to zoshunle changkox

MANGSOP 1:16

“Ikhoma ku mikbu a mikfie awangle tüile. Ku mong owaechu asomle fa ang müntho; owaechu ku mong achenle chichang. Zanpa ku to anaole changdaoa; ku khünaknu chak ma chemchu müntox.

MÜNCHUAK-TSAI 119:136

Ku mikfibu shuajen ningle jenle ju, khünaknue nang wanlom kax ma chilaxkya ngünlaxle.

1 SAMUEL 15:35

Samuel ozün ma ngokya kople chixe wanghompa Sol sün chatle tam chingün; ikoxlechu chix hanpakma chix tüle sop. Israel ma wanghompa ang Sol kamle kopkya khoma Jowanpa ang huanuma mongma.

EZEKEL 36:38

Anyix pünle ama thomkya tingnubu a, pangpwon tuk ma, tö ang kox ang apüikya chunbue Jerusalem awang pupule khünaknue awangle chang ang tomüi. Ifüima hwome ku a Jowanpa changpule awan ang kopüi.”

MANGSOP 1:2

She a jamütungle sople apüi; she bwomzong to mikfi jenle ju. She üinu ozang hwom khama, she mong asom ang tuita ngaxchu chitüi. She füi nokmüile changkyabue she ale ilaxle athax a hwom pangwüi she zongto zan ang chang.

JEREMIA 23:1

Opange chix khünaknu amüt laxle chiakle sam ang tompuix, ibu apün-awangkyabu hanpakma Jowanpa kaxfün chemkuxma khomtsikya changüihex!

JEREMIA 22:5

Ikoxle nange ku kaxtombu kax ma chilaxle jangchang, kue nang füi tsaosaxle thüipu, ija wanghom homlo a pünle amaüi. Ija kax, Jowanpa kue akaxdaoa.

JEREMIA 17:16

Ikoxle, Jowanpa, hwom hato othom-ojo apüi angkya kue otuechu nang mong asa ang müntom; kue hwome thangnak apong angkya to münlua. Jowanpa, nange ija awan ngopu; kue akaxdaoale nange awan ngopu.

ISAIA 63:11

Ikoxlechu hwomeledaokyabu texle atak, Jowanpa dapa Mosa din tokyabu a, ilaxle hwome atüi: “Tinu chak tokya chix khünaknu khosünle kopkya Jowanpa a ojong? Mosa ang chix chasa koxkya Jowanpa a ojongto tüi?

1 SAMUEL 15:11

“Kue Sol wanghom ang kamle koplaxle ku ang mong münmüi; chixe ku hato tok aho üntoxle ku kaxtombu kax ma münlax.” Samuel ang mongtsik ilaxle zang angaile Jowanpa ma chingcha ju.

JEREMIA 15:17

Kue ku hanpak mix füi nyinyo tamchu mongmüi tungle chiashix. Nang kax ma laxle ku a ku tata mongtsik ashukle ngole hompu.

JEREMIA 23:2

Chix khünaknu to akox-akomle hu-mese pa, apün-awangle hüikya lompabu hanpakma, Jowanpa, Israel nok Zang-e akaxkya kax ija changle: “Hünzome ku khünaknu to chihu-chime; hünzome hwom chiakle asam ilaxle jwonle apao. Athax a kue, ija hünzom ochax mwot khokho ma hünzom to sikangün angkya changle.

MANGSOP 1:9

She chitsaokya ochwon ma ngünle lax, ikoxle she shoma hanpakma she to ojao chikak. She asongle dütkya a khomtsikya tuita; owaechu she joxle amüi ang chitho. She zanpabue lütdaoa, ilaxle she a Jowanpa ma chingcha jule akhong.

EZEKEL 9:4

“Jerusalem tingnu apatle lekox ilaxle tingnu ma mokle tüikya ochaxbu khoma fuxtsüile sikngün apongle ngokya pangnusa khangpong ma manwan tople laxkox.”

EZEKEL 24:16

“Ziün angkya khünak, chakthom tuita fang ma wüi nange mong sükünkya khünak kue paodao angkya changle. Nange ija bama kaxthup-ngaotünle chichangüi, chisopüi chichangba mikfi ti ajenle chichangüi.

MANGSOP 3:48

Ku khünaknu thama ngünkya zuma ku mikfiti shuajen ningle jenle ju.