JEREMIA 13:16 - OTSAO BAIBEL (BSI)

¹⁶ Jowanpa, hünzom Zang achuak kox, chixe zangnaknu ahüiüi thoma, ilaxle haxnubu ma hünzom asuale changüi thoma; hünzome sungle monghom ngokya zangngai chixe zangnaknu ang achangüi thoto.

JEREMIA 13:16 ပူးပေါင်းရင်းမြစ်များ

ISAIA 59:9

Khünaknue thüi: “Kem to sikangünle ngokyabu chak tokya Zang-e kem büthüikoxle khosünle chikop puix tsingdaoa. Chitong ngünle aham angkya bama kwome wünnyan to ongpu, ikoxle ikhato zangnaknak wüi,

ISAIA 8:22

chichangba haxchi to hukoxlax, ikoxlechu hwome thangnak hia zangnak boma chemchu münngün, hwom jwonle ahüi ngokya zangnaknu kha a.

ISAIA 60:2

Mama mama chaxwannu nok a zangnake alule thomüi, ikoxlechu hünzom to a Jowanpa zangngaie nyanüi; Chix womle tüikya zangngai a hünzom füi ngoüi.

ISAIA 5:30

Chemtue ija nyix nguile hüiüihex, hwome Israel nok zongto tinu-tichap to kaile azaxle akhongüi. Ija chaxwan to hulax! Zangnak hia künmax-mongshan tata! Zangngai a zangnaknue lingdaoa.

WANWÜNKAX 4:19

Tüle wüi changlax, chichang-chizangkyabu lomtang a zangnak üntoxle awünning changle. Hwom atile, ikoxle hwom chem ma asuale atipuix ija ngün ang chitho.

JIHUSUA 7:19

Jihusua-e chix füi akax: “Ku sasün, ikhama Jowanpa, Israel nok Zang tunthoma otsingtsing ngailax. Nange chem mokdaopuix, ija ku hama ngaihüi. Nange ku miksho ma pyen ang taxazong.”

JEREMIA 23:12

Hwom lengokya lomtang a lomnün tamchu zangnak changpu; kue hwom chikho suale ati ang tomüi. Kue hwom hato thama-thomshix apüi angkya changpu; hwom to sikangün angkya hanpak nguile ngole. Ku, Jowanpae ija kax akaxdaoa.

JEREMIA 4:23

Kue chaxwannu to hu—ija a puamün chitüikya haxtok tuita changle; zangkho to hu—ikhato zangngaikya chitüi.

MÜNCHUAK-TSAI 44:19

Ikoxlechu nange kwom faomüibu khato fongle fa angkya mix owa chitüile dantoxpu; nange kwom zangnaknu othongdua to danle toxpu.

1 SAMUEL 6:5

Hünzom haxtok thomjole ngokya ija haknüi laikya kak hia juxsa mua hünzome zing angkya wüi changle, ilaxle ija füi hünzome Israel nok Zang achuak angkya changle. Ile changkox tix chixe hünzom to, hünzom baozangbu to tamchu hünzom haxtok to sikangünle ngokya zaküi.

LAIPAO 10:21

Jowanpae Mosa ang thüi: “Nang chak zangkho chito nwonkox ija füi tomle Ijip haxtok ma zimle haxshix-zangnakkya tüiüi.”

1 PITAR 2:8

Anaolechu Otsao Lai-e thüile, “Ija a tuita khünaknu asua angkya long; hwom ati ang koxkya longnu tuita changpu.” Hwome chiongkya khoma ija kax ma hwom asua; ikoxlechu ile chang angkya a hwom hanpakma laiua changkya.

JUHAN 12:35

Ikoxle Jisu-e hwom ang thüi: “Zangngai a noxta bama hünzom füi ngoüi. Zangnaknue chilop angkya kuxma, hünzom füi zangngai tüi pongma ahamlax; zangnak to ahamkya mixe, chix le ngokya lom müntsing.

MANGSOP 4:17

Fongkya ojong tochu chiatak angkhato, kwome mik-hu ngwomle shule hu. Fongkya ojao chifa angkya khato kwome onok tuita to ngwomtokle hule tan.

JEREMIA 14:19

Jowanpa, nange Judah nok owüiole awüt pia? Zaion angkya khünaknu thua nang anu pia? Nange kwom to chemkhoma ojao chimüi angkya maklaxle chang ang tompu? Kwome tumüi angkya to hule nuipu, ikoxle omüi chemchu chihüi; kwome kakmüi angkya to hule ngopu, ikoxle kwom hato chabüt-lasün angkya mix hüipu.

JEREMIA 8:15

Keme tumüi hia kak amüi angkya hanpak to monghomle ngopu, ikoxle chem mwot ang chichang; itülüi thama mix lüile hüipu.

HWON-NWOT-JAONO 11:8

Nang ozün ma ngole hüikya zanglao pangnu füi mongmüikya tüikox. Nang tsünlole ngokya ma tüikya münchang, ija füi sülole nang zingo angkya changpu, ija tikle koplax. Thochi to achale hungo angkya olom chemchu müntüi.

JOB LAIPEX 3:5

Ija nyix a zangnaktukle shixkya nyix ang achangfa; zangfwom füi joxle ikha angkya zanghan apaofa.

MÜNCHUAK-TSAI 107:10

Züizüi a thün huishole zangnak fangto ngole tüikya, janbüi füi khalaxle kun-khato a.

MÜNCHUAK-TSAI 107:14

Hwome thün naktakle zangnak fangto ngokya chifün tokya chixe alai ilaxle hwom to khale thomkya janbüibu akhixle pao ang tom.

JEREMIA 2:6

Hwome ku tüi jaojao chitex. Ijip nok tokya hwom kue sünle apüihupu ilaxle sak-hax faokha akaile kue hwom azuipu: Sak hia sak haxbange awangle tüikya haxtok, zuazoxkya hia thomzün tüikya haxtok ojong khato owachu chingo ilaxle owa ngaxchu ahamle chichangkya haxtok.

JEREMIA 6:21

Ikhoma kue ibu khünak ang chikho thule nguak ang tomüi. Nu-pa hia su-sa hwom zile paoüi, ija lailaile zuikhui hia tomzi-longzibu chuwüi changüi.”

JEREMIA 50:6

“Ku khünaknu a chunnyetmixe haxnu to asamle toxkya chunbu ningle changpu. Chun lailaile hwom tuita haxnu makhange ata haxnu to laile samle aham ngo, ilaxle hwome hwom hom ochichi to tüikya dai, ija alakle asam.

EZEKEL 21:15

Ijae ku khünaknu ang mong ahik tamchu chikho suale chang ang tomle. Kue hwom tingnubu changlo tuita füi aza-ana ngopu Ija a zangchangjep ningle jikjeple tamchu mik amüt ang achwonle tüile.

EZEKEL 34:12

Chunnyetmixbue samle ngokya hwom chunbu tamchatle lomle apüilaxle apu-achangle humekya ningle hwom to kue huüi. Thama apongkya ja zangnak fangto samle tüikya pangkha tokya wüi kue lomle apüiüi.

EZEKEL 36:15

Haxtoke she tha ajaole ngokya onok kax ma laxle chang angkya chichangba ija angkya khünaknue tsuile paokya ngün angkya oli chemchu müntüi. Haxtoke she ma tüikya khünak sasün hwom pale paokya müntüiüi. Ija kax, Jowanpa Khüthak Zang, kue akaxdaoa.”

AMOS 4:13

Zang a tuita haxhuabu zingkya mix changpu ilaxle chixe zangwinbu zing. Chixe chix mongtex khünaknu ang awan ang tom; chixe anyixning a awünning ang achang. Chix a chaxwannu pangnu füi sütsua le aham. Jowanpa Khüthak Zang: Ija a chix mün!

AMOS 5:18

Hünzom Jowanpa Hanpak Nyix sungle ngokyabu hanpakma khomtsi angkya chongle tüile! Ija hanpak nyixe nang zongto müikya chem mokle faüi? Chemthüikoxle ija nyix a zangngai hanpak chichangle zangnaknu nyix ang changüi.

MÜNCHUAK-TSAI 29:2

Jowanpa fuazangkya mün achuak-achen kox; chix ngaikya zuma Otsaopa tunthoma akhuxle changkox.

ISAIA 59:10

ilaxle kwom pangwüi mikpwompabu ningle pwomle aham. Tungto-sejale kwom chikho thu; ija a zangnak-kha ningle tamchu amalumfang zangnak fang ningle süt.

JOEL 2:2

Ija a zangnak tamchu kochidongkya nyix ang changüi, naktukle zangfwom atyenkya nyix a. Zazwop-kuknu süpahibu chongkya süsox-süsoxle soxle hüi haxnubu to alumle zangnaknu hüikya ningle. Ija ningle chemchu machangtox, ilaxle füichimachu ile münchangtoxüi.

MALAKI 2:2

Hünzome chem mokpuix ija makhange hünzome ku achuak-achenle chang angkya changpu. Hünzome kue akaxkya to chiapa jangthüiba, kue hünzom hato othuak-ozom ngui ang tomüi. Hünzom juafong angkya hanpakma kopkya jalibu to kue thuakzomle changüi. Changle, hünzome ku kax ma khünzule chilaxkya khoma kue hwom to thuakzomle changdaoa.