JEREMIA 13:13 - OTSAO BAIBEL (BSI)

¹³ Ilaxle Jowanpa, kue ija haxtok ma tüikya khünaknu: Dawid su-sa wanghom hwom, zompu-zangpabu, ajebu, ilaxle Jerusalem ma ngokya pangwüi, hwom to owüiole tokle machang machangle kue hwom a grepti-ju füi awang ang tom angkya kax hwom hama wünkox.

JEREMIA 13:13 ပူးပေါင်းရင်းမြစ်များ

ISAIA 63:6

Ku mongtsik füi kue chaxwannu nok to cha füi nak ilaxle hwom tingle akhün. Kue hwom aji a hax ma thokle ajen.”

ISAIA 51:17

Jerusalem, zolax! Nang lualua to nang laoxle zolax! Nange sikngün pe lingdaoa ija a Jowanpae chix mongtsik ma nang ang alingle; nange ija lingle jok, ilaxle ijae nang shu-shüile achangpu.

MÜNCHUAK-TSAI 75:8

Jowanpa-echix chak ma wansa tuita twonlaxle tüile. Ija ma chix mongtsik jue awang laxle tüile. Chixe ija thokle kox, ilaxle chichang-chizangkya khünak noke ling; hwome ija othongkim to lünle ling.

MÜNCHUAK-TSAI 60:3

Nange nang khünaknue sikngün huanu apong ang tomle; kwom a jutokmixbu lailaile khotukhonguile ahamle.

HABAKUK 2:16

Hünzome münchong lüi ma thünzak mix kople changüi. Hünzome alüile juling saxsaxle changüi ilaxle jutok saxngat mix to hukya ningle mixe hünzom to huüi. Jowanpa chix jaoe hünzom mongtsik pe hünzom ang wüi alingüi, ilaxle hünzom münchong a thajao wünhai ang changüi.

JEREMIA 51:7

Babilon a ku chak ma hun wansa tuita ningle, zangfang pangnu to tokle ngokya dai. Chaxwannu noke ija ju ling ilaxle hwom ang khangka samle pao.

JEREMIA 25:27

Ipongma Jowanpae ku füi akax: “Ku Israel nok Jowanpa Khüthak Zang-e, tokle hia fatle machang machangle tamchu hwom nguak laxle zo ang chithole machang machangle ling angkya kaxtom koxle le khünaknu hama wünkox, chemthüikoxle kue hwom hato ochax-ozan ahüile ngole.

ISAIA 49:26

Kue hünzom to zothuple ngokya lüile tata alangle chang ang tomüi; hwom a mix-lang mix-huakkya hia chichangchizangle tüikyae mwote tokle changüi. Ifüima khünaknüsa noke wüi ku a Jowanpa changpule awanüi, hünzom khosün üntoxle hünzom danle changkya mix lea. Hwome ku a tsak-zongle tüikya Israel nok Zang changpule awan ang kopüi.”

JEREMIA 51:57

Ija ma apün-awangkyabu to kue jutok ang tomüi— jetüi-hwonlangkya khünakbu, lompabu, ilaxle süpahibu, ibu pangwüi to. Hwom jipkya tamchatle zo ang müntom. Ku, wanghompa-e ija akaxdaoa; Ku a Jowanpa Khüthak Zang changle.

ISAIA 51:21

Sikngün ma ngokya hünzom Jerusalem khünaknu, hünzom jutok mixbu ningle shu-shüile tüikyabu,

ISAIA 29:9

Aham ngokox ilaxle ongat ma ngokox! Aham ngokox ilaxle mik apwomle ngokox! Ju ngax chiling homtoxle tokle ngokox! Ofun tuita chiling homtoxle shu-shüile ngokox!

JEREMIA 13:12

Jowanpae ku ang thüi: “Jeremia, Israel khünaknu hama grepti-ju jekya pe pangwüi grepti-ju füi awang angkya akaxkox. Ti pe ibu pangwüi grepti-ju füi awangle chang angkya hwome awan ngopule hwome lanüi.

JEREMIA 25:29

Kue pünle ama angkya mwottho ku tingnu makhange jao owang wangle changüi. Hwom to sikngün chifa homtoxle alyetüihexle hwome thütpia? Ile otuechu münchang, hwom to sikangün angkya wüi changpu, chemthüikoxle zangfang angkya khünaknu noknusa hato kue ochax-ozan ahüi angkya changle. Jowanpa Khüthak Zang, kue ija kax akaxdaoa.