JEREMIA 13:11 - OTSAO BAIBEL (BSI)

¹¹ Chemle ibu nyilo hitle ke ma nguipuix, ilailaile Israel hia Judah nok pangnusae ku to mongle naxkople texpu. Hwom ku khünaknu ang achang ilaxle ku hato achua-achenkya hia münchong apüile chang angkya hanpakma mok-hupu; ikoxlechu hwome ku kax ma chilax.”

JEREMIA 13:11 ပူးပေါင်းရင်းမြစ်များ

JEREMIA 33:9

Jerusalem a ku hanpakma mongmüi, achuak-achenkya hia mongngam otong ang changüi; Jerusalem angkya khünaknu to kue mwotmüi mokle koxkya hia ija tingnu hato ahak-aluakya apüile fakya atatkya zuma zangfang angkya onok pangwüi zaüi ilaxle chikux ahongle changüi.”

ISAIA 43:21

Ibu a kue ku hanpakma zingkya khünakbu changle, ilaxle hwome ku achuakle tsai ngaoüi!”

MÜNCHUAK-TSAI 81:11

“Ikoxlechu ku khünakbue ku kax to chiapa; Israel noke ku kax ma chilax.

1 PITAR 2:9

Ikoxlechu zangnaknu khatokya khompua atsikkya zangngai hato Zang ohünotün mwotbu apuk-apua angkya hanpakma kamle kopkya jat-li, chongwang nguapabu, otsao ting-nok, Zang zongto ma khünaknu a hünzom changle.

JEREMIA 32:20

Kaitanto Ijip nok to nange ohünotün hia khomtsikya mwotbu mokpu, ilaxle nange ibu chizakle anyix chuwüi mokle hüipu, Israel haxtok machu tamchu mixjat-mixli hwom khato chuwüi, ikhoma athax nang mün a pangnu khato awan ang koppu.

JEREMIA 13:10

Ochax khünak ibue ku kax ma münlaxpule angamle. Hwom a amikya to kaile mongkhüile, ilaxle mama baozangbu to shwom ilaxle ibu thothale changle. Ikhoma ibu a, laxli chitüile nyilo ibu kyetle makya ningle maüi.

JEREMIA 7:26

Ikoxlechu khünak tuitata ngaxchu apakya hia nathakya chitüi. Itülüi thüikox, hünpu-hünpa hwom to kaile hünzom sisi mix mongkhüi tamchu alün-aloxle tüitüi.

JEREMIA 6:17

Ifüima kaxkhün fakya nyazong zing to apa angkya hanpakma Jowanpae humixbu kam. Ikoxle hwome thüi: “Kwome ija to münapa.”

ISAIA 62:12

Hünzom ang a “Zang Otsao Khünakbu”, “Jowanpae Sünle kopkya Khünakbu”, le a. Jerusalem ang a “Zang-e Mongkünkya Tingnu”, “Zang-e awütle Chitoxkya Tingnu”, le nyaküi.

MÜNCHUAK-TSAI 147:20

Chixe mixjat-mixlibu hanpakma ile chimok; hwome chix wanlombu chitsing. Jowanpa achuak kox!

MÜNCHUAK-TSAI 135:4

Chemthüikoxle Jowanpae Jakop a chix hanpak ang kamdaoa, Israel khünaknu a chix kux ang kamdaoa.

TSAITONG-KAXTONG 26:18

Chixe hünzom füi tsaosaxkya lailaile, Jowanpae anyix hünzom ma khünaknu ang pongle laxdaoa; ilaxle chix wanlom pangwüi kax ma laxle ngo angkya chixe hünzom ang kaxtom koxle.

TSAITONG-KAXTONG 4:7

“Jat-li owa angchu, hwom tütatukux chongle tüikoxchu, keme lom pongma Jowanpa kem Zang kem hato nguikya lailaile, hwome lom pongma hwom hato soxle hüikya baozang owa angchu müntüi changa.

KAXHO MÜIKYA LUK 10:11

‘Kwom cha to myenkya labu to apüile kwome hünzom füikya mongmae sakle toxpu. Ikoxlechu ija kax akhax koplax, Zang Wangting a hünzom hato soxle nguile tüile.’

JEREMIA 7:13

Hünzome ibu ochaxbu pangwüi mokle hüidaoa, ilaxle kue hünzome füi chatwüi chatle akax ngokoxchu, hünzome ija to mün-apapule angam. Kue hünzom se pongma hünzome chilan.

JEREMIA 7:23

Ikoxle kue hwom ang ku kax ma laxle tüi angkya kaxtom koxpu, ile ku hwom Zang ang ngo angkya hanpakma tamchu hwom a ku khünaknu ang ngo angkya hanpakma. Ilaxle kue hwom ang koxkya kax ningle hwom ngo angkya kue hwom füi akaxpu, ile chang koxle jalinusa hwom hanpakma ma omüimüi angwüi naxchang kox ang.

JEREMIA 7:24

Ikoxlechu hwom ija kax ma chilax chichangba na thale chiapa. Itülüi, hwom mongkhüi hia ochax kün-mong ma chem mongkho dongpuix, ibibi ma hwome mokle hüipu. Ikhoma hwom fün süma-sümale male paopu.

JEREMIA 13:1

Jowanpae ku ang thüi: “Paolax üntoxle jaknyibu shaklax ilaxle ibu tholax, ikoxlechu ibu ti to taxsom.”

JEREMIA 13:12

Jowanpae ku ang thüi: “Jeremia, Israel khünaknu hama grepti-ju jekya pe pangwüi grepti-ju füi awang angkya akaxkox. Ti pe ibu pangwüi grepti-ju füi awangle chang angkya hwome awan ngopule hwome lanüi.

AMOS 3:1

Israel khünaknu, ija kaxho, oja Jowanpae hünzom hanpak ang akaxle tüipuix, ija to apakoplax, Ijip nok tokya chixe apüikya khünaknu pangnusae wüi a:

TSAITONG-KAXTONG 26:19

Chixe hünzom a, chixe zingkya mama jat-libu pangwüi thak to achongkya ang zingüi, ilaxle hünzome chix mün achuak-achenle changüi. Chix kaxtsao ningle hünzom a chix khünaknu ang changüi.”

JEREMIA 19:15

ilaxle Khüthak Jowanpa, Israel nok Zang-e akaxkya kax ngaile thüi: “Ija tingnu hia tomzi tinglongbu pangwüi hato, kue ahüiüile tsaokya sikngün pangwüi kue apüiüi, chemthüikoxle hünzom mong khüidaoa ilaxle hünzome ku zangwün to nathaüi münchang.”