JEREMIA 13:10 - OTSAO BAIBEL (BSI)

¹⁰ Ochax khünak ibue ku kax ma münlaxpule angamle. Hwom a amikya to kaile mongkhüile, ilaxle mama baozangbu to shwom ilaxle ibu thothale changle. Ikhoma ibu a, laxli chitüile nyilo ibu kyetle makya ningle maüi.

JEREMIA 13:10 ပူးပေါင်းရင်းမြစ်များ

JEREMIA 16:12

Ikoxle hünzom hünpu-hünpa hwom to kaile chimüikya mwot mokle hüi. Hünzom pangwüi mongkhüi ilaxle chichangchizangle tüi, ilaxle hünzome ku kax ma ojao chilax.

JEREMIA 9:14

Itülüi, hwom pupa hwome hwom hama anwot-anole toxkya ningle hwom ang mongkhüi ilaxle Bal chapabu to mix shwom.

HUAKE LAIPEX 14:11

Jowanpae Mosa ang thüi: “Khünak ibue chemtukux ku chilaxle awüt angkya? Kue hwom tu ma ibibile ohünotün mwotbu mokle aho, ikoxngaxchu hwome ku to mongong chitüile chemtukux ngole hom angkya?

WANGSHEMBU MWOT 7:51

“Hünzom a otukux kheba chithüikya thom hex!” Stefen-e akaxle pao: “Zang kaxho zongto hünzom a kün-hi-mong chitüikya ilaxle na chizaikya songsaribu ningle büle sütpuix. Hünzom chuwüi hünzom putong hwom lailai. Hwomechu othuithuima Otsao Chasa zünte!

JEREMIA 13:7

Ikhoma ku chatle chat, ilaxle kue ibu khomle toxkya onui alopkya zuma, ku thoma ibu tuita chu lax ang chimüile kyetle male bang.

JEREMIA 3:17

Chemtue ija hanpak nguile hüipuix, Jerusalem ang ‘Jowanpa Tüntong’ le nyaküi, ilaxle pangnu jat-li ikhato ku to shwom ang asoxüi. Athaxpi hwome hwom mongkhüikya hia ochax kün-monge hwom füi chemle akaxpuix ija kax ma münlaxüi.

IBRI 12:25

Kaxzexkya mix kax ma chilaxle chitüi angkya bama hünzom likhün lax, chemthüikoxle chaxwannu ma likhün angkya kax owae zexpuix, ija kax ma chilaxkyabu ngaxchu paole azang ang chitho, jangchangba zangkangting tokhange kaxkhün zexkya mix thüntho angkya tomning chemle paole azang thoüi!

JEREMIA 16:4

Hwome khompua-zadünkya kaknu-laknu ma zile paoüi, ilaxle owaechu hwom mang münsop chichangba münakhün. Hwom mangbu a haxkha to haxzao thokle athünkya ningle thomüi. Hwom a zan ma maxüi chichangba woknuak ma maxüi, ilaxle hwom mangbu a osabu hia faomüibu süt ang changüi.

JEREMIA 11:18

Ku zanpabue ku zan to ka ang atsingle ngokya Jowanpae ku hama apuapu.

JEREMIA 8:5

Jangchangba, ku khünaknu, chemthüikoxle hünzom ku hato ojao tamchichatle tok ahole paopu? Hünzom a hünzom chapabu füi mongkün shingmongle chang ilaxle ku hato anongle münchatpule angam.

JEREMIA 5:23

Ikoxle hünzom khünaknu! Hünzom a mongkhüi tamchu zan-mong füikyabu; hünzom a ku dantoxlaxle mama chito jüile pao.

ISAIA 3:24

Ongan müikya twonhaxkux lüima, hwom onom-osya ang changüi; müikya züpakbu laxtülüi ma pak zu awitüi; kho-wan müile changhaxkux ma, hwom khangko ang changüi; nyi-za lüima, hwome nyikhwon laxüi; hwom sünmüi a zakkop ang changüi!

HWON-NWOT-JAONO 11:9

Tsünzünbu, naocha-naosün pongma mongmüile ngolax. Nang tsongtan tüipongma mongmüi ngolax. Nange chem mokse tsupuix moklax, ilaxle nang mong atsutsu ma lelax. Ikoxlechu nange mokle hüikya pangwüi hanpakma Zang-e kaxfün angkya changpu, ija taxalak.

MÜNCHUAK-TSAI 78:8

Hwom a hwom pupa hwom lailaile, alünle ajongle hia kax ma chilaxkya khünakbu ang chichangüi, chemthüikoxle Zang tokya hwom mongong ma chemtuechu shingmongle chichang ilaxle hwom a chialekya mongong füi chingotsuak.

JEREMIA 7:6

Pünpao, khaxsa hia zomnu hwom to adix-adakya zakün. Ija haxtok ma chemngax chichangkya khünakbu lang-huakle ngokya zakün. Mixnok baozangbu to shwomkya zakün, chemthüikoxle ijae hünzom olithuüi.

JEREMIA 11:10

Hwom a, kue akaxkya kax ma münlaxpule angamle tüikya hwom pupa hwom ochaxbu hato chatle chatdaoa; hwome ibu baozangbu to shwomle changdaoa. Kue hwom pupa hwom füi zingkya Tsaotsüt, Judah hia Israel nok pangnyie wüi amadaoa.

JEREMIA 20:4

Jowanpa chixjao-e ku ang akaxdaoa, ‘Nang a, nang hanpakma ilaxle zuikhuibu hanpakma tuita tuwuk ang achangüi, ilaxle nange hwom pangwüi zan nok changlobu chak fang ma lamkya ngünüi. Judah angkya khünaknu kue Babilon wanghom chak to kox angkya changpu; chixe züizüi a chix chaxwan to zanda ang koplaxle paoüi ilaxle mamabu a langle toxüi.

JEREMIA 22:21

Nang ahak-aluale tüipongma Jowanpae nang füi zangwünpu, ikoxle nange mün-apapule angam. Nange nang tsün-tsün ma ilele wüi mokle hüipu; nange Jowanpa kax ma otuechu chilaxpu.

JEREMIA 23:17

Kue akax daokya kax to mün-apapule angamkya khünaknu füi, hwome chizakle, hwome oma chemchu münapongpule akax ngo. Mongkhüile ngokya khünakbu ang chuwüi hwome thomshix-thama chemechu hwom to nun-maokya müntüipule akax.”

JEREMIA 35:15

Kue chizakle hünzom hato ku da ajebu ahüile ngopu, ilaxle hwome hünzom ang chichangchizangle ngokya ochax lom dantoxlaxle sukya mwot mokle hüi angkya akaxpu. Kue hünpu hünpa hwom ang tamchu hünzom ang koxle thomkya haxtok ma hünzom ngole hüi angkya kux male, hünzome baozangbu to shwom-töle hia ibu thothale chichang angkya hünzom ang kaxkhün koxle hüipu. Ikoxle hünzome ku kax chiapa chichangba ku kax to mongjao chikox.

JEREMIA 44:5

Ikoxle hünzome chiapa ilaxle ojao mong chikox. Hünzome mama baozangbu ang zokle ashunle töbu koxle ngokya tamchizaktox.

JEREMIA 44:16

“Jowanpa mün ma nange kwom füi akaxkya zangwün to mün-apale kwom angampu.

JEREMIA 7:13

Hünzome ibu ochaxbu pangwüi mokle hüidaoa, ilaxle kue hünzome füi chatwüi chatle akax ngokoxchu, hünzome ija to mün-apapule angam. Kue hünzom se pongma hünzome chilan.

JEREMIA 9:13

Jowanpae lan: “Kue hwom ang koxkya hwon-nwot ku khünakbue chilaxle changkya khoma ibu ile changpu. Hwome ku kax ma chilax chichangba kue akaxkya ningle hwome chimok.