JEREMIA 12:14 - OTSAO BAIBEL (BSI)

¹⁴ Jowanpae thüi: “Kue ku khünaknu Israel ang koxkya haxtok amakya hwom tomzi nokbu bama kue zangwün angkya hidaole tüile. Fum file awütpupule kue ibu chichang-chizangkya khünakbu hwom chaxwan angkya file awütüi, ilaxle hwom chak tokya Judah nok kue sünüi.

JEREMIA 12:14 ပူးပေါင်းရင်းမြစ်များ

ZEKARIA 2:8

Owawae hünzom to honghe le jangchang, ku zongto akhokya thalix to honghekya ang changpu.” Ikhoma Jowanpa Khüthak Zang-e chix khünaknu max-sam ang tomkyabu jat-libu hato ija kaxho füi ku tomle ahüipu:

JEREMIA 3:18

Israel nok a Judah füi athütüi, ilaxle hwom tomtomle shuakuxchi nok to zanda ang ngole hüikya haxtok tokya, kue hwom pupa hwom ang onyem ang hwom haxtok ang lax ang koxkya haxtok to chatüi.”

JEREMIA 49:7

Ija a Jowanpa Khüthak Zang-e Edom nok bama akaxkya kax changle: “Edom noke hwom sukya kaxfün asamdao pia? Adangpabue hwom hama chemle mok angkya hex akax ang müntho hia? Hwom je-hwon pangwüi amuale samdao pia?

JEREMIA 2:3

Israel, nang a ku tata kux changle; nang a ku otsao tüi jaojao changhupu. Kue sikngün zothup ahüipu nang to chakmok janlangle changkyabu pangnu hato. Jowanpa, kue akaxdaoa.”

MÜNCHUAK-TSAI 106:47

Jowanpa, kwom Zang, kwom khosünfa, ilaxle chaxwannu chak tokya kwom chatle chat ang tomhüi, kwome nang ang münchong fatsuak angkya kuxma tamchu nang otsao mün achuakle tsuak angkya kuxma.

TSAITONG-KAXTONG 30:3

Jowanpa hünzom Zang-e hünzom to chingchakya tüiüi. Hünzom chiakle asam thomkya haxtok tokya chixe hünzom tamchatle apüiüi, ilaxle tamchatle chixe hünzom ahak-aluale chang ang tomüi.

ZEKARIA 1:15

dangjajale hia somdangle ngo angkya kopkya jat-libu füi ku ang tüle mongtsikle. Chemthüikoxle kue ku khünaknu füikya ku mongtsik abaxle thompongma, ibu khünaknue ku khünakbu sikngün sisi ziamale chang ang tom.

HOSIA 1:11

Judah angkya khünaknu hia Israel angkya khünaknu tuita ang achangdaoüi. Hwome hwom obama lompa tuita wüi zünle laxüi, ilaxle hwom a hwom haxtok ma tamchatle putsale ahak-aluaüi. Changle, Jezril tsün chaxwan-zanghan a huanu chongkya changüi!

EZEKEL 37:21

Hwom hama akaxkox, Jowanpa Khüthak Zang-e pangnu khato chiakle sam ngokya chix khünaknu, ta ma asüilaxle, hwom a hwom chaxwan to tamchatle apüi angkya changle.

EZEKEL 36:24

Pangnok jating tokya kue hünzom chatle hünzom chaxwan to apüiüi.

EZEKEL 28:25

Jowanpa Khüthak Zang-e thüi: “Kue chiakle asam thomkya onok tokya Israel khünaknu kue tamchatle apüiüi, ilaxle chaxwannu noke ku a otsao changle le awan ang kopüi. Israel khünaknu a ma haxtok, haxtok oja kue ku dapa Jakop ang koxle thompuix, ikhato ngoüi.

JEREMIA 48:1

Ija a Moab bama Jowanpa Khüthak Zang-e akaxkya kax: “Nebo khünaknu to chingchahu a— hwom tinglong a amadaoa! Kiriathaim a kopdaoa, shingmongkya hwom zanhunuibu pünle awütdaoa, ilaxle ija angkya khünaknu ang zak-akople;

JEREMIA 32:37

Ku mongtsik-mongma tokhange kue hwom chiakle asam thomkya chaxwan pangkha tokya wüi kue khünaknu asox-asaüi angkya changle, ilaxle kue hwom ija haxtok to tamchatle ngui ang tomüi ilaxle ija khama chem chaza angkya chitüile ngo ang tomüi.

MÜNCHUAK-TSAI 105:15

“Kue zünle kopkya ku dabu to thomzün maklaxle chang ang taxtom; ku ajebu to chake taxtwon”

TSAITONG-KAXTONG 28:63

Hünzom ahak-aluale changkya tamchu pu-tsale changkya to chix mongzom chemle müile changpuix ilailaile hünzom olithule tamchu maxle paokya to chix ang mongzom müikya tüiüi. Hünzome kop angkya haxtok angkya hünzom tsaothale faokha to awütüi.

JEREMIA 48:47

Ikoxlechu athax füichima Moab nok a Jowanpae tamchatle ahak-alua ang tomüi. Ibu chempang Jowanpae akaxle changdaopuix, ibu pangwüi Moab noke apongle hüi angkya changpu.

JEREMIA 49:1

Ija a Amon nok bama akaxkya Jowanpa kax changle: “Israel khünakbu omaxün? Hwom haxtok khose ang owachu müntüi hia? Hwome büthüikoxle Molek baozang to shwomkyabu ang Gad hwom haxsüt koplaxle ikhato ngo ang tompu?

JEREMIA 25:9

‘Kue noknusa hanpakma shuakux chitokya khünakbu ahüiüi ilaxle ku da hanpak ang Babilon nok wanghompa Nebukadnezar ahüiüi. Kue hwom a Judah hia ima tüile ngokya khünaknu tamchu tomzi nok pangnusa füi azan ang apüiüi. Kue ija jat-li hia tomzi nokbu pangwüi amütüi ilaxle othuithui hanpak ang olithule amatoxüi, ija a mikngün ma tuita khomtsikya hia abüt angkya oli changüi. Ija kax, Jowanpa kue akaxdaoa.

EZEKEL 28:26

Hwom ikhato chaza angkya chemchu chitüile mongsom ma ngoüi. Hwome hom-haxbu zaile tamchu grep-ziak manzaile changüi. Hwom tomzi nokbu opange hwom aza-anale ngopuix, ibu to kue sikangünüi, ilaxle Israel a ochax-ozan ojao chitüile ngoüi. Ipongma hwome ku a hwom Jowanpa changpule awan ang kopüi.”

EZEKEL 36:5

“Ku, Jowanpa Khüthak Zang-e, ku mongtsik zangkham abakle tomzi nokbu füi akaxdaoa, tamnüile chu Edom nok füi akaxpu. Hünzome ajao-adakya füi tamchu zong ma laxle ku haxtok hia müi tsomnuibu laxle changpu.