JEREMIA 12:11 - OTSAO BAIBEL (BSI)

¹¹ Hwome ija laxli chitüikya haxtok ang achangdaoa; ku tunthoma ija khünak chingokya haxtok ang awüt thomle. Haxtok komkaile sak-hax ang achangdaoa, ilaxle ija pak owaechu müntik.

JEREMIA 12:11 ပူးပေါင်းရင်းမြစ်များ

JEREMIA 23:10

Haxtok a Jowanpa to mongong chitüikya khünakbue awangle tüile; hwom chichangchizangle ngole ilaxle hwom tsak-zong chichangkya lom to twonle. Jowanpa thuakzom khoma haxtok a sople ilaxle müitsüt fum zile zanle.

ISAIA 42:25

Ikhoma chixe kem to chix mongtsik po ang tom ilaxle azankya ma ziama lejao sikngün ang tom. Israel pangnu khato chix mongtsik a wün lailaile chua, ikoxle chempang changngopuix keme otuechu chiawan; ija makhange keme chemchu tsingle chikop.

JEREMIA 14:2

Judah a mang sople ngole; ija angkya tingnubu a zingole, ija angkya khünaknu a mongmaxle hax to jiple ngole, Jerusalem a fongmix lomle akhong ngole.

MALAKI 2:2

Hünzome chem mokpuix ija makhange hünzome ku achuak-achenle chang angkya changpu. Hünzome kue akaxkya to chiapa jangthüiba, kue hünzom hato othuak-ozom ngui ang tomüi. Hünzom juafong angkya hanpakma kopkya jalibu to kue thuakzomle changüi. Changle, hünzome ku kax ma khünzule chilaxkya khoma kue hwom to thuakzomle changdaoa.

ZEKARIA 7:5

Chixe thüi: “Haxtok angkya khünaknu üntoxle nguapabu hama, zanglao 70 bama chemtue hwome atsaole zangjop tamchu sople changpuix, ija a ku achuak-achenle mokkya chichang khato le thüikox.

JEREMIA 19:8

Le-zyenüi khünak noknusae ile changkya ngünlaxle abütle khosam tang kue ija tingnu hato thama apüiüi.

JEREMIA 10:25

Nang mongtsik a nang to chishwomkya nok chito apaokox ilaxle nang pongle chikopkya nok chito a. Hwome nang khünaknu langhudaoa; hwome kwom komkaile jao amütdaoa ilaxle kwom chaxwan pünle ama toxdaoa.

JEREMIA 10:22

Apalax! Kaxho hüidaoa! Shuakuxchi ma tüikya nok tokya zandün zing huanuma tüile; hwom süpahibue Judah tingnu a sak-hax ang achangüi, hijanbu ngokya onui tuita ang a.”

JEREMIA 9:11

Jowanpae thüi: “Kue Jerusalem a pünle amadaokya tamting ang achangüi, hijanbu ngwotnui ang achangüi; Judah tingnubu a sak-hax ang achangüi, owachu chingokya onui tuita ang a.”

JEREMIA 6:8

Jerusalem angkya khünaknu, ija sikngün a hünzom khünzai angkya hanpak khünzai kax ang naxchang, ile chichang thüiningle kue nang danle awütüi; kue hünzom tingnu a tuita sak-hax ang achangüi, ikhato owachu münngoüi.”

ISAIA 57:1

Müikya khünaknu zile paole, ikoxle owaechu ija müntik chichangba ija tuitexkya mix tuita chitüi. Ikoxle chemtue hwom zile paopuix, jaopo sikngün chemechu hwom to mak-kha ang chitho.

HWON-NWOT-JAONO 7:2

Puale püntux ngokya hom to nguikya füi sop-juale ngokya hom to nguikya wüi amüikya, chemthüikoxle zikmüt mangkhoe jento kem pangwüi tanle ngole le ozün ma tüikyabu hato mong ma texle atak ang tomle.

ROM NOK HATO ZAKYA POL LAIZA 8:22

Chemthüikoxle athax kopkya bama Zang chakzing pangnu wüi naongün pongma sikngün le akhongkya ningle sikngün laxle akhong ngokya keme awanle.

LIWI 26:32

Kue hünzom haxtokbu wandangjale chang ang tomüi ilaxle ikhama ngokya hünzom zongto zanpabu tüle abütüi.

JEREMIA 4:20

Thangshix tuita füima tuita azuile hüi; haxtok pangwüi pünle ama toxdaoa. Kem pombu allele pünle ama; ibu tuknyibu a akyetle akhix awüt.

JEREMIA 4:27

Zangfang pangwüi awütkya haxtok ang achang angkya Jowanpae akaxdaoa, ikoxle ijae ija komkaile amütüile münchang.)

JEREMIA 4:28

Chaxwannu ang nuzaokya tüiüi; zangkho to zangnake awangüi. Jowanpae ija akaxdaoa ilaxle chixe ija chix mong münalüix. Chixe chix mongzangwünle tsuakdaoa ilaxle tam aküile huüi münchang.

JEREMIA 25:11

Ija haxtok pangkha wüi amale dantoxüi ilaxle ija a mikngün ma za-adünkya tuita changüi, ilaxle tomzi nokbue zanglao puzom-bün hanpak ang wanghompa Nebukadnezar thothale changüi,

JOEL 1:10

Manzai haxtok kohwon ang changdaoa; saxziak komle thomjole chang koxle haxtok ang mongmale sop, grepbu pangwüi azandaoa, ilaxle olip pünbu a zile paoüna.

JEREMIA 9:9

Ibu khoma kue hwom sikangünle münchang puixnyi? Iningkya jat-libu to olüix khomle münchang puixnyi? Ku, Jowanpae ija kax akaxdaoa.”

JEREMIA 9:10

Kue akaxpu: “Kue haxhuabu mang sople changüi ilaxle müitsomnuibu hanpakma mikfi ajenüi, chemthüikoxle ibu a zile zandaoa, athaxpi ibu akaile owachu münaham. Tsom-pom ahamkya zing ikhato münatat; fao osa hia fao müibu pangwüi paole samdaoa.”