JEREMIA 12:10 - OTSAO BAIBEL (BSI)

¹⁰ Mixnok apün-awangkyabue ku grep haxtok huanuma amadaoa; hwome ku haxtok to cha füi nakle amadaoa; mongkünkaikya ku haxtok hwome sak-hax ang achangdaoa.

JEREMIA 12:10 ပူးပေါင်းရင်းမြစ်များ

JEREMIA 23:1

Opange chix khünaknu amüt laxle chiakle sam ang tompuix, ibu apün-awangkyabu hanpakma Jowanpa kaxfün chemkuxma khomtsikya changüihex!

ISAIA 63:18

Kwom, nang otsao khünakbu, kwom a noxta bama zanpabue jwonle asam: hwome nang shwomkya nui to tingle ama.

JEREMIA 6:3

wanghombue ikhato süpahibu füi tomle pom zaile ngoüi. Hwome tingnu akhople hwom nyihombu ajongüi, ilaxle hwom pangnusae ma mong atsutsu ma pom zaile athongüi.

JEREMIA 3:19

Jowanpae thüi: “Israel, kue nang kusa ang pongle kopse tsupu ilaxle nang a mongtex ma nguikya haxtok koxse tsupu, chaxwan tok ma osün sümüikya haxtok a. Hünzome ku ang apale namnyakbae texpu ilaxle ku hato tamchatle tok chiahole changbae le thütpu.

MIKNGÜN-OHÜN 11:2

Ikoxlechu nya-o taxthüt ngohom, chemthüikoxle ibu a lyet punyi ali Otsao Tingnu to cha füi nak angkya Zang chitsingkya khunakbu ang koxdaokya changle.

KAXHO MÜIKYA LUK 21:14

Ijakoxle hünzome makho chemle sünüihex le hanpak manguiba khosamle chingo angkya kax mong ma akhün koplax.

JEREMIA 39:3

Chemtue Jerusalem hwople koppuix, Babilon nok angkya wanghompa nguakax-wangkhobu achongchong pangwüi ngui ilaxle Osungkha angkya Zünkai ziakop, ikhama Nergal Sharezar, Samgar Nebo, Sarsekim, hia mama Nergal Sharezar ibu womle.)

JEREMIA 25:9

‘Kue noknusa hanpakma shuakux chitokya khünakbu ahüiüi ilaxle ku da hanpak ang Babilon nok wanghompa Nebukadnezar ahüiüi. Kue hwom a Judah hia ima tüile ngokya khünaknu tamchu tomzi nok pangnusa füi azan ang apüiüi. Kue ija jat-li hia tomzi nokbu pangwüi amütüi ilaxle othuithui hanpak ang olithule amatoxüi, ija a mikngün ma tuita khomtsikya hia abüt angkya oli changüi. Ija kax, Jowanpa kue akaxdaoa.

ISAIA 43:28

ilaxle hünzom lompabue Zang mün ama zangshwomnui. Ikhoma kue Israel nok hato thama ahüi; kue ku khünaknu ajao-adale chang ang kox.”

JEREMIA 9:10

Kue akaxpu: “Kue haxhuabu mang sople changüi ilaxle müitsomnuibu hanpakma mikfi ajenüi, chemthüikoxle ibu a zile zandaoa, athaxpi ibu akaile owachu münaham. Tsom-pom ahamkya zing ikhato münatat; fao osa hia fao müibu pangwüi paole samdaoa.”

EZEKEL 34:2

Chixe ku ang thüi: “Ziün angkya khünak, Israel nok pünpa-chongwangbu tha ajaokox. Hwom hanpakma aje-kox, ilaxle Jowanpa Khüthak Zang-e, kue hwom füi akaxse kax ija hwom füi akaxle changkox: Hünzom Israel nok chunnyetmixbu, hünzom a maxdaoa! Hünzome hünzom mo wünle ikoxle chemtuechu chunbu paktikle münchang.

DANEL 8:13

Ifüima kue kaxtaimix tuitae ata kaxtaimix ma ile atüikya atat: “Ija mikngün-ohün ma ngünle ngokyabu chemtukux okuilole ngoüi? Nushix dongkya ochax nyixfokya to koxkya tö füi chemtue alüixle ngünüi? Zangkangting süpahibu hia Zangshwom-Hom to chemtukux cha füi tingle thomüi?”

ZEKARIA 7:14

Zangchei ningle kue hwom mixnok chaxwan to ngo ang jeple pao. Ipong müikya haxtok ija a, ngo angkya mix owachu chitüile awütle tox.”

ISAIA 3:14

Onok tüichong mixmüibu hia lompabu a Jowanpae kaxfün hato apüi ngole, Chixe hwom ma ile kaxhux fele: “Grep haxtok hünzome amapu, ilaxle hünzom homkha a mixshix-zasabu kux pale laxkyae awangle tüile.

JEREMIA 25:38

Jowanpae chix khünaknu chilaxle dantoxle mailang tuitae longlua danle toxkya ningle. Khompuatsikya zan ilaxle zadünkya Jowanpa mongtsike haxtok a tuita sak-hax ang achangle tox.

EZEKEL 34:5

Chunbu ang chunnyetpa chitüikya khoma, hwom chiakle sam, ikoxle faomüibue ibu langle sax.