JEREMIA 12:1 - OTSAO BAIBEL (BSI)

¹ “Jowanpa, kue nang füi ku zangwün bama alale jangchang, nang wüi sukya ang bangüijao. Ikoxle kue sukya kaxfün bama nang ma kax tuita atüi angkya wüi. Chichangchizangkya khünakbu mix büthüikoxle huanuma ahak-aluale tüipu? Chisax-chisukya khünakbu khünakbue mix chemle tholünpuix?

JEREMIA 12:1 ပူးပေါင်းရင်းမြစ်များ

MALAKI 3:15

Keme ngünle ngopu, mongmüi mixbu a mongngam füikya khünakbu tix changpu. Ochax khünakbu a ahak-aluakya tata chichangle hwom ochax mwotbu füi Zang to thwontsingle changpu üntoxle ikha tokya hwom azangle pao tsuakpu’ le Jowanpae thüi:”

MÜNCHUAK-TSAI 92:7

chichang-chizangkya hingzang ningle tsongle chu tüikoxlax, thaikya mwot mokle ngokyabu ahak-aluale chu tüikoxlax; ikoxlechu hwom a komkaile amütdaoa angkya changle,

MÜNCHUAK-TSAI 37:1

Chichangchizangkyabu khoma hexle nang taxaban; othai mwot mokkyabu to zalole taxchang.

DANEL 9:7

Jowanpa, nange jento sukyakya wüi mokpu, ikoxle kwome kwom hato alüile thünkhux-thajao apüipu. Judah hia Jerusalem ma ngole tüikya hia nang kax ma chilaxle tüikya khoma zangfang ma pangnu chaxwan tok to chiakle tüikya Israel nok pangwüi zongto ija a otsing tomtata changpu.

JOB LAIPEX 12:6

Hwome baozang a matsak mazong ang thomkoxlechu, ahuxmix hia Zang chitüikya khünakbu mongsom ma ngotüi.

HABAKUK 1:4

Wanlom ma zong müntüi tamchu laxli müntüi, ilaxle otuechu sukya mokle münchang. Otsao khünakbu füi ochax khünakbu fün sümüi, ikhoma sukya zangwün a anong-achangle changdaoa.

MÜNCHUAK-TSAI 51:4

Kue nang zongto ochax lyenle tüidaoa: nang tata zongto a: ilaxle nange chem münsule thüipuix, kue ija mokdaoa. Idaile nange ku to kaxfün fa angkya asule tüile; ku thaikya ang achangkya tokhange nang sukya ang achangle.

MÜNCHUAK-TSAI 37:35

Hanpak tuita ma, chichang-chizangkya khünak tuita owa zadünkya mix changkya hex, kue chix tsingle ngokya; chix a pangnu to akaile Lebanon haxnu angkya sedar pünnulailaile tüikya.

ZEFANIA 3:5

Ikoxlechu Jowanpa a ija tingnu mawüi tüile ngo; Chixe chem supuix ija mok ikoxle chem chisupuix ija otuechu chimok. Nopfokya to chixe chix khünaknu ang sukya kaxfün fa. Ikoxlechu ikhama tüikya ochax khünakbue ojao chiazakle chisukya mwotbu mokle ngo.

JEREMIA 11:20

Ifüima kue zangjop: “Jowanpa Khüthak Zang, nang a sukya kaxfünpa tuita; khünaknu tuthüt mongjang nange wanle ngopu. Ku zangwün otong kue hünzom chak ma danpu; idaile hünzome ibu khünakbu to olüix khomle changkya to kue hule ngofang.”

JEREMIA 12:6

Hünzom haxnu homsabu ngaxchu, hünzom homkha khünakbu, hwome ngaxchu nang pongle chikop; hwom nang zan to ka ang mix füi womtüi. Hwom to mong taxong, hwome kaxmüi zangchu kangnaxwün.”

JEREMIA 5:11

Israel hia Judah khünaknue ku kho abakle hangle tsuakdaoa. Ku, Jowanpae ija akaxdaoa.”

JOB LAIPEX 13:3

Ikoxle ku alakya a Zang füi alawüi, hünzom füi alakya münchang; kue ku zangwün bama chix füi alat-se texwüi.

IZRA 9:15

Jowanpa Israel nok Zang, nang a sukya changle, ikoxlechu nange kwom ozün ma ngo ang tompu. Kwome nang zongto kwom thaidaokya ngaipu; kwom ang nang ngwotnui to ngui angkya chifün ojao müntüi.”

HOSIA 6:7

“Ikoxlechu hwom Adam ma, ija haxtok to nguikya füi tomle hwome ku füi zingle thomkya tsaotsüt ama.

ISAIA 48:8

Kue awan ngopu hünzom to mongong angkya jao müntüi, hünzom a apüipüile tüikyabu le awan ngopu. Ikhoma hünzome ija chemtuechu atat ang chikoppu, chemthüikoxle hünzom na ma ija kax tuita chu chiwang.

ISAIA 41:21

Jowanpa, Israel nok wanghom, chixe ija akax angkya tüile: “Hünzom mixnok baozangbu, hünzom zangwün apüilax. Hünzom ma tüikya atsi-alakya zangwün sümüikya apüihüi!

WANWÜNKAX 1:32

Jali lople hüidaokya khünakbue ku je-hwon chilaxle changkya khoma hwom mik max angkya ataküi. Ongat khünakbu a ija to mongkoxle chitüikya khoma thama apongle maxüi.

MÜNCHUAK-TSAI 145:17

Chix mwot pangnusa towüi Jowanpa a otsao changle, chix mwot pangwüi chixe chingchajaja füi mokle.

MÜNCHUAK-TSAI 119:137

Jowanpa, nang a otsao changle, ilaxle nang wanlombu sukya changle.

MÜNCHUAK-TSAI 119:75

Jowanpa, nang kaxfünbu a otsao changpule kue awanpu, ilaxle nang ma chialekya mongong tüikya khoma nange ku to sikangünpu.

TSAITONG-KAXTONG 32:4

“Jowanpa a pangnu tsuakkya hünzom khowapa changpu, chix lom ma nguiwangkya hia sukyakya wüi; hünzom Zang a mongong tüikya tamchu otsingtsing changpu; chixe chem supuix ilaxle oja otyatya hex ija mokle.

PONGWANG LAIPEX 18:25

Nange müikya khünak ochax khünakbu füi tomle max ang müntomüi. Ija atsingsho! Nange ile otuechu münmok angkya changle. Nange ile jangmok thüiningle müikya khünakbu chu ochaxbu füi tomle sikngün ang tom angkya changle. Ija a tsuak angkya oli münchang. Zangfang angkya kaxfün mixbue kaxfün changle fang angkya olom.”

NEHEMIA 9:33

Kwom to sikangünkya bama nange sukya mwot mokpu; Kwome ochax lyenle changkox ngaxchu, nang mongong ma chiale.

MÜNCHUAK-TSAI 116:5

Jowanpa a chingcha hia müikya changle; kem Zang a chingchajaja füikya changle.

HWON-NWOT-JAONO 8:14

Ikoxle ija a laxli chitüikya. Chaxwannu ma chempangle changpuix hule anolax: tamtampong a otsao khünakbue ochax khünakbu chak to sikngün apong angkya laile, ilaxle chichangchizangle tüikyabue mix otsaobu hingho pongle laxle. Kue thüipu, ija ma laxli müntüi.

JEREMIA 3:7

Kue thütpu, she-e ibu pangnu mokle tsuak füima, she a ku hato chat angkya changle. Ikoxle she a tamchichat, ilaxle mongong chitüikya she nanao Judah-e ibu ngünle lax.

JEREMIA 3:20

Ikoxlechu mongong chithomkya kakonu tuita lailaile, hünzome ku to mongong chithomtsuak. Ku, Jowanpae ija akaxdaoa.”

JEREMIA 9:2

Sak-hax to ku ang ngwotnui tuita namtüikoxba ku khünaknu füi atsaile ku ikhato ngose dai. Hwom pangwüi mongong chitüikya khünakbu, mixkho hang ang mwopkya othom.

JEREMIA 32:16

Shakkya laiza Baruk chak to koxle changkya füima kue zangjop,

MANGSOP 1:18

“Ikoxlechu Jowanpa a sukya changle, chemthüikoxle kue chix kax ma chilax. Ku kax to apalax, khünaknue pangnu khato; ku tsütle kakle ngokya to hulax. Ku naosom sheko hia lüka pangwüi zanda ang kople paodaoa.

EZEKEL 18:25

“Ikoxle nang thüipu, ‘Zang-e chem mokpuix ija a sukya münchang.’ Ku kax to apalax, hünzom Israel nok. Kue mokkya olom münsule hünzome thütpuix nyi? Chisukya a hünzome ajangkya olom mix changpu.

JOB LAIPEX 8:17

Ibu otsing long to chwople juüi, Ijae longnu to shingmongle khexüi.

JOB LAIPEX 24:12

Tingnu ma thomzünkyabu hia zik suakyabu akhong, ikoxlechu Zang-e hwom zangjopbu ahaile awüt.

JOB LAIPEX 24:23

Zang-e chix kuimüi-zangmale ngo ang tomkoxlax; ikoxlechu chix chito mike hukya tam-münzak.

MÜNCHUAK-TSAI 51:6

Mongkoxkya hia otsingtsing a nange lomkya changle; nang je-hwone ku khangka awang fale.

DANEL 9:14

O Jowanpa, kwom Zang, nang a kwom to sikangün ang achwonle ngo, ilaxle nange ile mokpu, chemthüikoxle nange chem supuix ija mokpu, ilaxle kwome nang zangwün to ojao na chitha koxpu.

MALAKI 2:17

Hünzome hünzom zangwün füi Jowanpa ang mongngwom ang tom. Ikoxlechu hünzome atüi: “Kwome chemle chix mongngwom ang tomle? Jowanpae ochax mwot mokle tüikya khünakbu pangwüi mixmüi changle chichangba chixe hwom to mongkünle le thüikya ma hia chichangba sukya mwot moksepa Zang omaün le atüikya ma?”