JEREMIA 11:20 - OTSAO BAIBEL (BSI)

²⁰ Ifüima kue zangjop: “Jowanpa Khüthak Zang, nang a sukya kaxfünpa tuita; khünaknu tuthüt mongjang nange wanle ngopu. Ku zangwün otong kue hünzom chak ma danpu; idaile hünzome ibu khünakbu to olüix khomle changkya to kue hule ngofang.”

JEREMIA 11:20 ပူးပေါင်းရင်းမြစ်များ

JEREMIA 20:12

Ikoxle, Jowanpa Khüthak Zang, nange khünaknu to zukya lom ma thwontsingpu; hwom kün-hi-mongkha ma chem tüipuix nang tikle ngopu. Ikhoma nange ku zanpabu to olüix khomle changkya kue ngün ang tomhüi, chemthüikoxle ku künduk mongthang kue nang chak to koxdaoa.

JEREMIA 17:10

Ku, Jowanpae kün-hi-mong lomle ilaxle khünaknu mong wanle anole. Hwom chemle ngopuix ija olom ma kue pangwüi füi asax-amokpu, hwome mokkya mwot füifüile a.”

MÜNCHUAK-TSAI 7:9

Nang a otsao Zang changle üntoxle kwom tutex hia küntsu-monglua kaxfün fale. Chichangchizangkyabue mokkya ochax mwot zak ang tomkox üntoxle sukyabu ang hingho fakox.

1 SAMUEL 16:7

Ikoxle Jowanpae chix ang thüi: “Nange chix pum-tsa hia osün müikya to taxhu. Kue chix münlax, chemthüikoxle kue khünake hukya lailaile kotok to hukya münchang ikoxle kue kün-hi-mong khato hupu.”

MIKNGÜN-OHÜN 2:23

She füito azuikyabuchu wüi kue langüi, ifüima tix ku a pangnusa küntex mongjang awankya mix changpu le müimüithombue awan ang kopüi. Owae chemle mokdaopuix ima thütle kue hünzom pangnu ang omün achatle faüi.

JEREMIA 17:18

Ku zan to kale changkyabu hato thünzak apüile laxkox, ikoxle ku a shantoxhüi, Jowanpa. Hwom a thomshixe awangle chang ang tomkox, ikoxlechu ku a chabüt-lasünle chang ang taxtom. Hwom hato thama apüile laxkox ilaxle hwom a thuple akhixkox.

JEREMIA 15:15

Ifüima kue akax: “Jowanpa, nange awanpu. Ku texle ataklax ilaxle ku to fonglax. Ku zothuple changdaokyabu to kue olüix khomle chang ang tomhüi. Hwome ku lang ang tho angkya kuxmale nange hwom shanle taxchang. Kue zakkopkya a nang mün khoma kopkya changpule texle atak-hüi.

1 PUKAX-PANGAO 29:17

Nange pangnusa kün-mongto thwontsing ilaxle khünak opang thajao wünhai chitüile tüilaxpuix, ibu füi nang mongzom müikya kue awanpu. Sukya hia mongkoxkya makhange ibu pangwüi kue nang chak to danpu, ilaxle ikhama tüikya nang khünaknu ibu tö chemtukux mongmüi atungle asox ngotüipuix, ija kue ngün ang kople.

PONGWANG LAIPEX 18:25

Nange müikya khünak ochax khünakbu füi tomle max ang müntomüi. Ija atsingsho! Nange ile otuechu münmok angkya changle. Nange ile jangmok thüiningle müikya khünakbu chu ochaxbu füi tomle sikngün ang tom angkya changle. Ija a tsuak angkya oli münchang. Zangfang angkya kaxfün mixbue kaxfün changle fang angkya olom.”

MIKNGÜN-OHÜN 18:20

She amütkya khoma, zangkangting to mongmüikox! Zang khünakbu, wangshembu hia ajebu, hünzom pangwüi mongmüikox! Hünzom to chisumüile hwonkya khoma, she max ang tomkya changle!”

1 PITAR 2:23

Chix adix-ada pongma anongle chixe adix-adale chichang; chix sikangün pongma chixe aza-anale chichang; ikoxlechu otsingtsing kaxfünpa, Zang ma chix monghom thom.

2 TIMOTHI 4:14

Janthup mix Alekjendar-e ku to chisumüile hwonle; chixe mokdaokya lailaile chix ang Zange hingho fa angkya changle.

FILIPI 4:6

Tütali bamachu taxaban, ikoxle nang zongma khütle tüikya laxli pangnu hanpakma nange zangjop makhange Zang ma atüikox, othuithuima münchong fakya kün-mong füi chix ma atüikox.

WANGSHEMBU MWOT 17:31

Chemthüikoxle chixe zünle kopkya khünak tuita makhange chixe chaxwannu pangnu otsingtsing kaxfün ma kaxfün angkya chixe Hanpak Nyixta tyale thomdaoa. Chixe ija otsingtsing changpule, ija mixsün chatle azangle zo ang tomkya tokhange pangnusa ang wüi angaile fadaoa.”

JEREMIA 12:1

“Jowanpa, kue nang füi ku zangwün bama alale jangchang, nang wüi sukya ang bangüijao. Ikoxle kue sukya kaxfün bama nang ma kax tuita atüi angkya wüi. Chichangchizangkya khünakbu mix büthüikoxle huanuma ahak-aluale tüipu? Chisax-chisukya khünakbu khünakbue mix chemle tholünpuix?

MÜNCHUAK-TSAI 98:9

chemthüikoxle chix a chaxwannu to apün ang nguile. Sukya kaxfün füi tamchu masüi-mix-chilüile chixe chaxwannu angkya khünaknu to apünüi.

MÜNCHUAK-TSAI 57:1

Ku to chingcha hüi, O Zang, ku to chingcha hüi, chemthüikoxle ku a nang hato khosün lomle nguipu. Tüle zongkya tinu-tichap madang-madangle, nang zangkhung ma kue khosün koppu.

MÜNCHUAK-TSAI 43:1

O Zang, ku a chemmün chiawankya changle le ngaifa, üntoxle Zang chilaxle tüikyabue ku ma tsaitox-kaxfele tüikya chak tokya ku kho-awale thomfa; tsetwon-khualop hia ochax khünakbu chak tokya azünfa!

MÜNCHUAK-TSAI 35:2

Nang di hia chang-pax koplax ilaxle ku khose ang nguihüi.

JOB LAIPEX 5:8

Ku nanghex thüikoxba Zang hato chatdaose, Ma khosam chix pomtho to apüidaose.

1 PUKAX-PANGAO 28:9

Anaole chixe Solomon ang thüi: “Ku sasün, nange hünpa ku Zang to otsing changpule ngaitsuak angkya oli changpu ilaxle mong züizüihanle chichang homtoxle mongtsutsule chix thotha angkya changpu. Chixe kem küntex-mongsung komkaile tsingle. Nang chix hato hüile jangchang thüiningle, chixe nang a pongle kopüijao; ikoxlechu nange chix hato tok ahole jangchang, chixe othuithui hanpak ang nang a awütüi.

1 SAMUEL 24:15

Jowanpae kaxfün faüi, chixe künyi opupu thaipuix ija bama chixe zünüi. Zangwün tsaitong-kaxza to chixe hulaxle, nang chak tokya chixe ku khosele tamchu khosünle naxchang.”

MÜNCHUAK-TSAI 7:8

Nang a khünaknu pangnu kaxfünpa changle. Kuchi ma sele kaxfün fahüi, O Jowanpa; nange awan ngopu ku a chemmün chiawankya mix changpule.

MÜNCHUAK-TSAI 58:10

Ochax khünakbu to sikangünkya ngünpongma otsao khünakbu a mongmüiüi; hwom a ochax khünakbu aji ma somüi.

MÜNCHUAK-TSAI 139:23

O Zang, ku lomlax, ilaxle ku kün-mong awanlax! Wanle anolax ilaxle ku tutexbu tsingle koplax!

JEREMIA 12:3

Ikoxle, Jowanpa, nange ku tsingle ngopu; kue chem mokpuix ija nange ngünpu tamchu kue nang to mongkünkya a. Lang angkya chun linle paopu ningle ibu ochax khünakbu linle paodao; hwom lang angkya tu nguikya kople hwom to nyele thomkox.

EZEKEL 11:5

Jowanpa chasae ku to akumathum, ilaxle Jowanpae ija kaxho khünakbu hato apua angkya ku hama akax: “Israel khünaknu, hünzome chem akaxpuix tamchu chempang mwotlom zingle ngopuix kue awan ngopu.

2 WANGHOMBU 19:14

Wanghompa Hezekiah-e kaxhomix angkya laiza lax ilaxle ija e, ifüima chix Zangshwom-Hom to pao, ija laiza a Jowanpa tunthoma dan,

MÜNCHUAK-TSAI 7:10

Zang a ku kho-awapa changle; chix kax ma laxle tüikyabu chixe sünle.

MANGSOP 3:58

“Jowanpa, nang a ku azün ang ngui ilaxle ku kho sünle kop.

MANGSOP 3:59

Kuchi ma sele kaxfün fahüi; ku zongto thaile mokkya nange awan-ngopu.

MANGSOP 3:64

“O Jowanpa, hwome mokle tsuakdaokya bama hwom ang sikngün fakox;