JEREMIA 11:17 - OTSAO BAIBEL (BSI)

¹⁷ “Ku, Jowanpa Khüthak Zang-e Israel hia Judah nyi küi-thwomkya changpu; ikoxle athax kue hwom a thama füi azapu. Hwome achaxkya khoma hwom khangkho to ija thama alüile ahüilaxpu; hwome Bal ang töbu koxle shwomkya makhange ku mong atsik laxpu.”

JEREMIA 11:17 ပူးပေါင်းရင်းမြစ်များ

ISAIA 5:2

Chixe hax tho ilaxle ikha angkya longbu atsao; chixe sümüikya grep zubu küi. Ibu nye angkya hanpakma chixe ding homsabu zai, ilaxle grepbu nak ang tswomkha tho. Chixe grep jum angkya tanle ngo, ikoxle grep ziak pangwüi osik ang achang.

JEREMIA 12:2

Ibu nange küipu, ilaxle hwome otsing ajopu; hwom tsongpu ilaxle oziak ziakpu. Hwome jento nang müikya bama zangwünpu, ikoxlechu hwome nang bama tuitexkya chitüi.

JEREMIA 2:21

Kue hünzom a sümüipu zu tuita ang küihupu püntsangbu kha angkya sümüipu otsang zünlaxle a. Ikoxle nang chem ang achangpuix hulax! Nang a laxli chitüile shanle maxünkya zu tuita ang achangdaoa.

JEREMIA 19:15

ilaxle Khüthak Jowanpa, Israel nok Zang-e akaxkya kax ngaile thüi: “Ija tingnu hia tomzi tinglongbu pangwüi hato, kue ahüiüile tsaokya sikngün pangwüi kue apüiüi, chemthüikoxle hünzom mong khüidaoa ilaxle hünzome ku zangwün to nathaüi münchang.”

EZEKEL 17:5

Ifüima chixe Israel haxtok angkya pündom tuita apüi ilaxle ija atsün angkya hanpakma jento ti tüile ngokya haxzao tüikya haxtok to ija küi,

JEREMIA 45:4

“Ikoxle, Jowanpa, kue zingdaokyabu pangwüi pünle ama ngopu ilaxle kue küidaokyabu fuakle awüt ngopu. Ija kue zangfang pangnu to mok angkya changle.

JEREMIA 42:10

‘Hünzom ang ija haxtok ngole hüi angkya to mongtsukya jangtüi, kue hünzom zingle ajongüi ilaxle pünle münatsunüi; kue hünzom küi-thwomle changüi ilaxle file münawütüi. Kue hünzom hato ahüikya thama khoma ku ang huanuma mongma ang tomle.

JEREMIA 40:2

Süpahi lompa-e ku süile pao ilaxle akax: “Jowanpa, nang Zang-e ija nok to thama-thomshix apüi angkya kax füi sapu,

JEREMIA 36:7

Owatsing hwome Jowanpa to zangjopüi ilaxle chichang-chizangkya khatokya hwom mongchatle chang ang tsuak, chemthüikoxle zongbakbak ma chix mongtsik mongma ashukle Jowanpae khünaknu aza-anale changdaoa.”

JEREMIA 35:17

Ikhoma athaxpi, Jowanpa, Israel nok Khüthak Zang-e kue thama-thomshix chempang ahüi angkya tsaole thompuix, ibu pangwüi Judah hia Jerusalem hato ngui ang tomüi. Kue zangwün pongma hünzome chiapa, tamchu kue nyakpongma hünzom chitsa, ile changkya khokho ma kue ija mwot mok angkya wüi changpu.”

JEREMIA 26:19

Wanghompa Hezekiah hia Judah angkya khünaknue Mika a langle chiawüt. Itülüi, Hezekiah-e Jowanpa achuak-achen ilaxle chix chingcha kop ang azong. Ilaxle hwom hato ahüi angkya thama bama Jowanpa ang mong alüix. Athax kem a kem hato alüile khomtsikya thama-thomshix ahüiüi khakha.” (

JEREMIA 26:13

Hünzom ngole hüikya lomtang hia hünzome mokle hüikya mwot pangwüi hünzome lüi angkya wüi, ilaxle hünzome Jowanpa kax ma laxle chang angkya wüi. Hünzome mong alople jangchang, chixechu hünzom hato thama tsangmüt apüi angkya chix mongjang alüixüi.

JEREMIA 24:6

Kue hwom to humele thomüi ilaxle ija haxtok to tamchatle ngui ang tomüi. Kue hwom a zingle amüiüi, pünle münamaüi; kue hwom küiüi ikoxle file münawütüi.

JEREMIA 18:8

ikoxle hwom chichangchizang mwot dantoxlaxle ija jat-li mongchatle jangchangba, kue chem moksepa hex ija münmok.

JEREMIA 11:11

Ikhoma, athax ku, Jowanpae hwom hato thama ahüi angkya kaxkhün koxpu, ilaxle hwom a azang ang münthopu. Ilaxle chemtue hwome ku hato ozing alaile, hwom to fong angkya akhongle changüihex, kue ija to ojao münapa.

JEREMIA 7:9

Hünzome ahuxle, mix langle, chinunchakkaile, tsaosaxle kaxthai zang wünle, Bal ang töbu koxle, ilaxle amipongma hünzome chitikkya baozangbu to hünzome shwomle.

ISAIA 61:3

Zaion ma künmax-mongshanle ngokyabu ang kox ang Mongma lüix ma künsom hia mongmüi kox ang, Mongma lüix to mongmüi tsai ngao ang. Hwom a pünbu ningle changüi Jowanpa chix jaoe küikya pünbu ningle. Hwom pangnusae chem changpuix ija moküi, Chixe chem mokdaopuix ija hanpakma Zang achuaküi.

MÜNCHUAK-TSAI 80:15

Nange küitoxkya ija grep zu khosünle kop-hüi, nange owan müile tsong ang tomkya ija zusa a!

MÜNCHUAK-TSAI 80:8

Nange Ijip nok tokya grep zu apüipu; nange mixnokbu jwonle apaolaxle ibu hwom haxtok ma thwompu.

MÜNCHUAK-TSAI 44:2

nang tatae chemle songsari khünakbu jwonle apaopuix üntoxle chemle hwom haxtok ma nang khünaknu ating-anok ang tompuix; nange jat-libu mamabu to chemle sikngün ang tompuix üntoxle nang mamixbu a ahak-aluale chang ang tompuix, ibu pangwüi a.

2 SAMUEL 7:10

Kue ku khünaknu Israel nok hanpakma onui kamdaoa ilaxle hwom a ima tingtan nokzingle ngo ang tomdaoa. Ikhato mixnok owaechu hwom to apün-awangkya chitüile ngo ang tomüi. Hwom ija haxtok to namnguikya makhange chang-nong pünthomle tüikya khünakbue hwom to single hüipu, ikoxle iningkya tamchatle chitüiüi. Kue hünzom a hünzom zanpabu pangwüi chak tokya sünle thomüi ilaxle hünzom ang simüi-limüikya faüile tsaosaxpu.

JEREMIA 1:14

Chixe ku ang thüi: “Ija haxtok ma ngole tüikya pangnu hato thama a shuakuxchi makhange tole hüiüi,

JEREMIA 7:18

Naosombue ha afox, mixpabue wüntak, ilaxle hwome baozangchanu le nyakkya baozang ang kox angkya hanpakma mixnu hwome an atswomle atsan. Hwome ku mong thomzünle chang angkya hanpakma mama baozangbu ang chuwüi ju apüile töbu kox.

JEREMIA 11:13

Judah angkya khünaknu hanpakma hwom ang tüikya tingnubu tukuxle jao baozangbu tüihule, ilaxle Jerusalem ma ngole tüikya khünakbuechu tingjang lomnu büta zakkop baozang Bal tö-tsapbu okhonguile ajongle tüile.

JEREMIA 32:29

ilaxle ija to wün langüi. Hwome homkho to Bal ang ongai müikya so zokle changkya hia mama baozangbu ang töbu koxkya füi ku ang mongtsik adünle changkya hom-haxbu füi afomle, hwome ija tingnu zokle ashunüi.

JEREMIA 32:30

Israel hia Judah nok pukax pongwang tokhange wüi, hwom mwot makhange ku ang mong amale hüipu.

JEREMIA 44:8

Hünzom ngo ang nguikya Ijip haxtok, ikhato hünzome chapabu to shwom ilaxle mama baozangbu ang töbu koxkya füi ku ang mong büthüikoxle atsikpu? Zangfang angkya khünaknue hünzom chanyi-wanjaile tamchu hünzom mün othuak-ozom lom to lünle changkya füi hünzom alüile olithule naxmax ang ile mok pia?

2 PUKAX-PANGAO 28:25

Judah haxtok angkya tingnu hia tinglong pangkha towüi chixe songsari baozangbu to shwom angkya onui zaile alai, ikhato hwome mixnok baozangbu ang ongan müikya sobu zokle tö kox. Ija ningle chixe ma hato alüile, hwom putong hwom Zang, Jowanpa mongtsik ahyenle lax.

JEREMIA 18:15

Ikoxlechu ku khünaknue ku alakle asam; hwome chapabu tuntho to ongan müikya sobu zok. Hwome müile lehaxkux lom ma hwom chikho thu; hwome athaxpi kaikya baozangbu lom ojao chito; hwom a oshua chitüikya lombu to aham.

JEREMIA 40:3

ilaxle athax a chixe moküile akaxkya chixe mokle tsuakdaoa. Ibu pangwüi ile changkya a hünzom khünakbue Jowanpa zongto ochax lyen ilaxle chix kax ma chilaxle changkya khoma changpu.

JEREMIA 44:5

Ikoxle hünzome chiapa ilaxle ojao mong chikox. Hünzome mama baozangbu ang zokle ashunle töbu koxle ngokya tamchizaktox.

HOSIA 10:1

Israel khünakbu a oziak füikya grep zu ningle tüikya. Hwom chemtukux ahak-aluale tüipuix, itukux lüile hwome tö-tsapbu zing. Hwom haxtok ma chemtukux puamün ang koppuix, itukuxle osün amüile hwome shwomle ngokya longlobu zing.