JEREMIA 11:16 - OTSAO BAIBEL (BSI)

¹⁶ Hanpak tuita ma kue hwom ang ochakmua wüi pongmüikya, oziake awangle tüikya olip pünle nyakpu; ikoxle athax, zangchei zangwat ningle tsaktsakdungle kue ija ochakbu zokle ashunüi ilaxle okangbu zople awütüi.

JEREMIA 11:16 ပူးပေါင်းရင်းမြစ်များ

ISAIA 27:11

Pün okangbu a zile zan ilaxle pakle pao, ilaxle shekobue ibu ha ang zyenle athün. Chemthüikoxle khünakbue chemchu chitsing, Zang hwom zingpupae hwom to chingcha chichangba jajakya chitüiüi.

MÜNCHUAK-TSAI 52:8

Ikoxlechu ku a Zang homkha ma tsongkya olip pün ningle changpu; kue othuithuima chizakkya chix mongkün to mongongpu.

MÜNCHUAK-TSAI 80:16

Kwom zanpabue ija to wün füi zokle ilaxle hamle langle; ibu to mongtsik ashukle hule ilaxle thomjole chang ang tomle!

JUHAN 15:6

Ku ma chingokya mix a pünkang ngople awütkya ningle ngople awütüi ilaxle zi ang tomüi; ilaxle ija ningkya pünkangbu a afoxlaxle wün kha to awütüi üntoxle ibu ikhato shun ang tomüi.

MATHI 3:10

Ikoxle athax a otsing makhange dak angkya hanpakma püntong ma wa amyenle thomle; ija khoma müikya oziak chiziakkya pün dak üntoxle wün khato awüt angkya changle.

JEREMIA 21:14

Nange chem mokdaopuix ija khoma kue nang to sikangünüi. Kue nang wanghom homlo ma münlangüi, ilaxle ija hozui ma tüikya jali pangwüi ija wün füi zokle ashunüi. Ija kax, Jowanpa kue akaxdaoa.”

MÜNCHUAK-TSAI 83:2

Hulax! Nang zanpabu a nang zan to kale, nang to miktsakkyabue hyet lomle ngole.

MIKNGÜN-OHÜN 11:4

Hakhi anyi a chaxwannu Jowanpa thüntho ma ajongle tüikya olip pün anyi üntoxle wüntik anyi le changle.

TSAITONG-KAXTONG 28:40

Hünzom haxtok tüta khato hexle olip pün nyemhuüi, ikoxlechu hünzome olip münga chikoptsuaküi, chemthüikoxle olip ziak a dütle samünüi.

JOB LAIPEX 8:16

Zanghancha to zangdom awang hingtsak laikya ningle, Bao khünak ma osok dongle changüi.

JEREMIA 7:20

Ikhoma ku, Jowanpa Khüthak Zang-e za-adünkya ku mongtsik ija Zangshwom-Homnu ding ma thoküi. Kue ija khünakbu hia müibu ding ma tomwüi thokle adütüi, ilaxle pünzua hia tsaxsa-hikhabu pangwüi ding ma thoküi. Ku mongtsik a owaechu amüt ang chithokya wünnu ningle changüi.

HOSIA 14:6

Hwom a tsünzün ma tsongle ngoüi, ilaxle olip pünbu ningle osün müile ngoüi. Hwom a ongan müile changüi Lebanon angkya sedar pünbu ningle a.

MÜNCHUAK-TSAI 80:17

Nange zünle kopkya khünakbu panle thom hüi ilaxle hwom kho-awale changhüi, nange tsak-zong ang tomkya jat-li tuita a.

JEREMIA 2:21

Kue hünzom a sümüipu zu tuita ang küihupu püntsangbu kha angkya sümüipu otsang zünlaxle a. Ikoxle nang chem ang achangpuix hulax! Nang a laxli chitüile shanle maxünkya zu tuita ang achangdaoa.