JEREMIA 11:15 - OTSAO BAIBEL (BSI)

¹⁵ Jowanpae thüi: “Kue mongkünle changkya khünaknue ochax mwotbu mokle ngole. Hwom ang ku Zangshwom-Hom ma ngo angkya chifün chemchu müntüi. Hwome tsaosaxle changkya füi tamchu müibu tö koxle changkya füi thama abax ang thoüile texpia? Ifüima hwom mongmüi ang tho ang cha?

JEREMIA 11:15 ပူးပေါင်းရင်းမြစ်များ

WANWÜNKAX 2:14

opange thaikya mwot mokkya ma pwonladongle changpuix ilaxle owae zakmax-thünba mwot ma mongmüi atakpuix,

TITA 1:15

Ma alüile tsaole ngokyabu zong to pangnu wüi otsao; ikoxlechu mongong chitüikya hia achax le ngokyabu zong to tsaokya chemchu müntüi, chemthüikoxle hwom khangka hia tutex tsaotha le chitüi.

JAKOP 4:16

Ikoxle athax hünzom ngampu, üntoxle tsaichong-kaxbongpu; ibu bong-chongkya pangwüi othai changpu.

1 KORIN 13:6

thaikyakya pangnu füi mongkün ang mong münmüi ikoxle chem supuix ija füi tix mongmüile.

ROM NOK HATO ZAKYA POL LAIZA 11:28

Hwome Kaxho Müikya chilaxkya khoma, mixnokbu, hünzom khoma Jehudi khünakbu a Zang füi zan ang achangle. Ikoxlechu chixe zünle kopdaokya daile, putong hwom kuxmale hwom a chix zuikhui.

KAXHO MÜIKYA LUK 8:28

Otue chixe Jisu ngün, chix akhong, chix Jisu chitongma alüile tswonle awüt ilaxle azaxle thüi: “Jisu, Taitax Zang Hosa! Künyi bama chem tüikya? Kue chingcha jupu, ku ang sik taxangününfa!”

MATHI 22:11

“Wanghome mixwünbu to hule hüikya thoma aju-asomkya zapua chilax homtoxle mixsün tuita bang.

HOSIA 3:1

Jowanpae ku ang thüi: “Tamchatle paokox ilaxle ma mongkün hwom füi chinunchakkaile ngokya mixcha hato nang mongkün ahokox. Hwome mama baozangbu hato mong alople pao ilaxle grep zanbu töbu chapabu ang koxle chang koxle ngaxchu kue chizakle Israel nok to chemle mongkünpuix ija ningle nange she to mongkün angkya changpu.”

JEREMIA 15:1

Ifüima Jowanpae ku füi akax: “Mosa hia Samuel hwom ikhama ku ma tsaiju-kaxjule ajongle tüikoxchu, kue ibu khünaknu to chingcha ojao münaho. Hwome pao ang tomkox; hwom ku miktho angkya apaokox.

JEREMIA 12:7

Jowanpae thüi: “Kue Israel nok dantoxdaoa; Kue zünle kopkya jat-li kue dantoxdaoa. Kue mongkünkya khünakbu ang hwom zanpabu ang achang angkya tsak-zong koxdaoa.

JEREMIA 3:14

“Mongong chitüikya khünakbu, chatlax; hünzom a ku kux changle. Kue hünzom kha angkya tingnu foto khünak tuipong, saxthom foto khünak tuipongle laxüi ilaxle hünzom a kue Zaion Haxnu to chatle apüiüi.

JEREMIA 3:8

She a ku hato tok aho laxle tuita tsangtsa hangkya mixcha ang achangle paokya khoma kue Israel chilaxle jwonle apaokya Judah-echu ngünle lax. Ikoxle Judah, tuita mongong chitüikya Israel nanaonu ija ngünlaxle ojao chiza. She chuwüi tsangtsa hangkya mixcha ang achangle pao

JEREMIA 2:2

Jerusalem ma tüikya pangnusa hato ija kaxho fa angkya akax: “Nang naosom pongma chemtukux mongong ma chiale le tüikya hex kue münalak, künyi aju-asomle chang tanto owangpongma nange ku to tüle mongkünkya dai; sak-hax akaile nange ku mantole azüi, thomo-manzaile chichangkya haxtok akaile a.

ISAIA 50:1

Jowanpae thüi: “Khünak tuita chix kakonu apaokya ningle kue ku khünakbu apaopule nange thütpia? Jangchangba, afan angkya laiza ojong? Khünak tuitae masa da ang hangkya ningle kue hwom zanda ang koxle apaopule nange thütpia? Ile münchang, hünzom zanda ang hünzom ochax khoma paopu; hünzom mütkopbu khomale hünzom koxle apaopu.

WANWÜNKAX 28:9

Nange wanlom kax ma laxle chitüi thüiningle, Zang zongto nang zangjop ang nushix dongkya tuita ang changüi.

WANWÜNKAX 26:18

Owawae owawa to chichangle hwonle kop üntoxle chix abaokya changwüi le atsingkya khünak a thomzünle kopkya li chang-pax füi ahaoxkya ongat khünak changpu.

WANWÜNKAX 21:27

Chichangchizangkya khünakbue chix tö apüile koxpongma Jowanpa ang mong münmüi, tamnüile chu tutex oma füi hwome tö apüile changpongma chix a ija thua anule.

WANWÜNKAX 15:8

Müikya khünakbue zangjop pongma Jowanpa ang mongmüile, ikoxle chichang-chizangkya khünakbue chix hato tö apüikyabu thua chix anule.

WANWÜNKAX 10:23

Thaile mokkya ma mongzom müikya a ongat. Jetüi-hwonlangkya khünakbue hwon-je füi mongmüile.

MÜNCHUAK-TSAI 50:16

Ikoxlechu chichang-chizangkyabu füi Zang-e akax: “Hünzome büthüikoxle ku kaxtombu e-ngopu? Hünzome ku Tsaotsüt bama zang omalax ang wünngopu?

MÜNCHUAK-TSAI 60:5

Nang janzüi füi kwom khosünle changhüi; kwom zangjop to lanhüi, ile nange mongkünkya khünaknu khangkho sünkya naxtüi lax ang.

JEREMIA 13:27

Hünzome chixe anukya mwot mokle changkya chixe ngündaoa. Zwonpong tuita zwonnu tuita to achuale zikpupule hünzom a ma tomzi kakonubu füito zikle ilaxle haxkho hia kotho to hünzom a songsari baozangbu hato paole changkya chixe ngündaoa. Jerusalem angkya khünakbu, hünzom a maxdaoa! Hünzom a chemtue tsaotha laxüi?

JEREMIA 23:11

Jowanpae thüile: “Ajebu hia zompu-zangpabu ma Zang müntüi; kue hwom a Zangshwom-Hom jaoma ochax mwot mokle ngokya kue lople.