JEREMIA 11:14 - OTSAO BAIBEL (BSI)

¹⁴ Jeremia, ibu khünaknu hanpakma ku to jop-tole taxchangzi. Chemtue hwom thama ma tüiüihex ilaxle hwom to fong angkya bama ku nyakle changüihex, kue hwom kax to ojao na münthapu.”

JEREMIA 11:14 ပူးပေါင်းရင်းမြစ်များ

JEREMIA 7:16

Jowanpae thüi: “Jeremia, khünak ibu hanpakma zangjople taxchang. Hwom mün ma taxsop tamchu zangjople taxchang; ku ma tsaiju-kaxjule taxchang, chemthüikoxle kue nang tsai nang kax to apaüi münchang.

JEREMIA 11:11

Ikhoma, athax ku, Jowanpae hwom hato thama ahüi angkya kaxkhün koxpu, ilaxle hwom a azang ang münthopu. Ilaxle chemtue hwome ku hato ozing alaile, hwom to fong angkya akhongle changüihex, kue ija to ojao münapa.

1 JUHAN 5:16

Tüinao owawae mikmax tang chichangle achaxkya ngün pongma, owae chix ang khüzün kox angkya hex, ija Zang to hünzome jop angkya changle. Ija a mik max tang chichang le ochax lyenkya bu hanpak. Ikoxlechu mik max ang tom angkya ochaxbu tüile, ilaxle kue hünzom ang ibu bama Zang to joplax le münthüi.

JEREMIA 14:11

Jowanpae ku ang thüi: “Ibu khünaknu to fongle fahüile ku ma taxtik.

LAIPAO 32:10

Athaxpi nange ku to abax ang taxazong. Hwom füi ku ang mong zongbak tsiküna. Hwom tha kue ama angkya jao changpu. Ifüima kue nang üntoxle nang sixli tuita chongkya jat-li ang achangüi.”

MÜNCHUAK-TSAI 66:18

Kue ku ochaxbu ajao-ahaile jangchangdaoba, Jowanpa-e ku to münapase.

HOSIA 5:6

Hwome Jowanpa ang tö kox ang hwome chun hia maihubu apüile, ikoxlechu ijae hwom fün amüikyakha müntüi. Hwome chix chiataktsuak, chemthüikoxle chixe hwom dantox daokoxle.

JEREMIA 15:1

Ifüima Jowanpae ku füi akax: “Mosa hia Samuel hwom ikhama ku ma tsaiju-kaxjule ajongle tüikoxchu, kue ibu khünaknu to chingcha ojao münaho. Hwome pao ang tomkox; hwom ku miktho angkya apaokox.

ZEKARIA 7:13

Kue akax pongma hwome ku kax to na chitha, ikhoma hwome zangjop pongma kue chilan.

MALAKI 2:13

Ija hünzome mokkya mama mwot. Hünzome chix hato apüikya tö otuechu chixe pongle chikop. Ikhoma Jowanpa tö-tsap a sopkya hia mongmakya mikfi füi sing ang tomdaoa.

JEREMIA 14:12

Hwome chisax-chilingle atsaole zangjop koxle ngaxchu, hwome asun hüile sopkya zing to kue na müntha; ilaxle hwome ku ang zokle ashunkya to hia saxziak to, ibu koxle changkoxchu, ku ang hwom füi otuechu mong münmüi. Itülüi, kue zanhok ma tamchu woknuak hia kak-lak ma hwom mik max ang tomüi.”