JEREMIA 11:13 - OTSAO BAIBEL (BSI)

¹³ Judah angkya khünaknu hanpakma hwom ang tüikya tingnubu tukuxle jao baozangbu tüihule, ilaxle Jerusalem ma ngole tüikya khünakbuechu tingjang lomnu büta zakkop baozang Bal tö-tsapbu okhonguile ajongle tüile.

JEREMIA 11:13 ပူးပေါင်းရင်းမြစ်များ

JEREMIA 2:28

“Hünzom hanpak ang zingle alaikya hünzom baozangbu omaün? Hünzom sikngün-tuitaile changpongma ibu ang azünhüile thüilax—hwome tsuak angkya oli jangchangba! Judah, hünzom ang tüile ngokya tingnu büta hünzom ang baozangbu tüihupu.

2 WANGHOMBU 23:13

Sidon nok baozangchanu Astarte, Moab nok baozang Molek, nushix dongkya ibu chapabu to sho angkya hanpakma, Olip Haxhua zong ma shuathongchi; handünchi Jerusalem ma wanghompa Solomon-e zingkya tö-tsapbu Josiah-e atsunle awüt.

HOSIA 12:11

Ikoxlechu Gilid ma chapabu to shwom, ilaxle opange ibu to shwompuix hwom ziüi. Gilgal ma maihupongbu tö koxle hüi, ikoxlechu tö-tsap ibu a kothofa to longthün tuita ang ngole hüiüi.”

JEREMIA 32:35

Hwom baozang Molek ang hwomsu-hwomsabu tö ang kox angkya hanpakma Hinnom Haxsha ma hwome Bal ang tö-tsapbu zingle kox. Ija mok angkya kue hwom ang kaxtom chifa, ilaxle hwom ija ningkya mwot mokle Judah khünaknu ang ochax lyen ang tom angkya ku mongkho ma jao chidong.”

JEREMIA 19:5

ilaxle hwom naosombu wün ma zokle tö ang kox angkya hanpakma hwome Bal ang tö-tsapbu zingle koxle. Ijaningle mok angkya otuechu kue hwom ang kaxtom chifa; ijaningkya bama ku mongkho ma ngaxchu chidong.

JEREMIA 7:9

Hünzome ahuxle, mix langle, chinunchakkaile, tsaosaxle kaxthai zang wünle, Bal ang töbu koxle, ilaxle amipongma hünzome chitikkya baozangbu to hünzome shwomle.

JEREMIA 3:24

Ikoxle kaitan tokhange kwom pupa hwome mokle hüikya pangnuli: zakkop baozang Bal to shwomkyae kwom a samle ngokya chun othom, sasün hia sachabu ang achangle.

ISAIA 2:8

Hwom haxtok a chapabue awangle tüile, ilaxle hwom chakbu füi zingle alaikya mwot-katbu to hwome shwomle.

JEREMIA 11:17

“Ku, Jowanpa Khüthak Zang-e Israel hia Judah nyi küi-thwomkya changpu; ikoxle athax kue hwom a thama füi azapu. Hwome achaxkya khoma hwom khangkho to ija thama alüile ahüilaxpu; hwome Bal ang töbu koxle shwomkya makhange ku mong atsik laxpu.”

JEREMIA 19:4

Khünaknue ku chilaxle awütdaoa ilaxle ija onui ma mama baozangbu: baozangbu oja hwomechu chitik, hwom pupabue chitik ilaxle Judah nok wanghombue chuwüi chitik, ibu ang hwome töbu apüile koxkya tokhange ija onui akhudaoa, ikhoma kue iningle mok angkya jao changle. Hwome ijongkha a chemngax chichangkya khünakbu ajie awangdaoa,

JEREMIA 44:21

“Hünzome tamchu hünpu hünpa hwome, hünzom wanghom hwom hia lompabue tamchu khünaknue Judah tinglongbu hia Jerusalem tingjang lomnu to töbu koxkya: ibu a Jowanpae awanle münngo tamchu alakle awütdaoale hünzome thütdaicha?

JEREMIA 48:35

Moab noke zokle ashunkya töbu koxkya hia hwom zangshwom nuibu tokhange hwom baozangbu ang tö koxle changkyabu kue azaküi. Ku, Jowanpae ija akaxdaoa.

EZEKEL 16:24

lomnu kax ma nange chapabu to shwom angkya onui zingle alai ilaxle ikhato nange chinunchakkai mwot mok.

HOSIA 9:10

Jowanpae thüi: “Chemtue kue pongwang ma Israel atakkya hex, ija a sak-hax to nyemle ngokya tuita grep zu ningle changkya. Chemtue kue hünzom putong hwom owangole ngünpuix, ija a jumtukhae pongwang ma jumkya fupsa jum lailaile tüikya. Ikoxlechu chemtue hwom Peor Haxnu to nguipuix, hwome Bal to shwom ang süt ilaxle lebama wüi hwome mongkünkya baozang Bal lailaile hwom ku dyenkyabu ang achang.

2 PUKAX-PANGAO 28:25

Judah haxtok angkya tingnu hia tinglong pangkha towüi chixe songsari baozangbu to shwom angkya onui zaile alai, ikhato hwome mixnok baozangbu ang ongan müikya sobu zokle tö kox. Ija ningle chixe ma hato alüile, hwom putong hwom Zang, Jowanpa mongtsik ahyenle lax.

JEREMIA 3:25

Kem a zakkop ma jiplaxle thünzake kem to thünzak füi chwop ang tomkya li. Keme ilaxle kem pupa hwome Jowanpa kem Zang zongto jento achaxle hüidaoa; keme otuechu chix kaxtombu kax ma chilax.”

JEREMIA 17:1

Jowanpae akax: “Judah angkya khünaknu, hünzom ochax a jan zatkia füi zadaoa; ilaxle ija a hünzom künkha-mongkha ma thalix long jun füi takle zadaoa ilaxle nang tö-tsapbu angkya müizongbu ma ija saosa füi takle zadaoa.

JEREMIA 18:15

Ikoxlechu ku khünaknue ku alakle asam; hwome chapabu tuntho to ongan müikya sobu zok. Hwome müile lehaxkux lom ma hwom chikho thu; hwome athaxpi kaikya baozangbu lom ojao chito; hwom a oshua chitüikya lombu to aham.

JEREMIA 44:5

Ikoxle hünzome chiapa ilaxle ojao mong chikox. Hünzome mama baozangbu ang zokle ashunle töbu koxle ngokya tamchizaktox.

HOSIA 10:1

Israel khünakbu a oziak füikya grep zu ningle tüikya. Hwom chemtukux ahak-aluale tüipuix, itukux lüile hwome tö-tsapbu zing. Hwom haxtok ma chemtukux puamün ang koppuix, itukuxle osün amüile hwome shwomle ngokya longlobu zing.