JEREMIA 11:12 - OTSAO BAIBEL (BSI)

¹² Ifüima Judah hia Jerusalem angkya khünaknu a hwome tö koxle shwom-to ngokya baozangbu hato paoüi ilaxle hwom to fonghüile ibu sele akhongüi. Ikoxle ija thama hüikya zuma ibu baozangbue hwom azün ang müntho angkya changle.

JEREMIA 11:12 ပူးပေါင်းရင်းမြစ်များ

JEREMIA 2:28

“Hünzom hanpak ang zingle alaikya hünzom baozangbu omaün? Hünzom sikngün-tuitaile changpongma ibu ang azünhüile thüilax—hwome tsuak angkya oli jangchangba! Judah, hünzom ang tüile ngokya tingnu büta hünzom ang baozangbu tüihupu.

TSAITONG-KAXTONG 32:37

Ifüima Jowanpae chix khünaknu ma atüiüi: ‘Hünzome mongongle changkya janzüi füikya baozangbu omaxüi?

ISAIA 45:20

Jowanpae thüi: “pangnusa asox hüi, chaxwannu nok angkya khünakbu, wangting max pongma azangle tüikyabu pangwüi; hünzom a thwonle ano ang koxlax! Khünaknu opange hwom kux pün chapabu füi tüipuix opange hwom azün ang chitho angkya baozangbu to shwomle ngopuix — khünaknu opange chemchu chitik-chiwanle tüipuix!

2 PUKAX-PANGAO 28:22

Chix tingtuibu huanu ziama ma changpong khae, ija mixsün Ahaz-e ozangjang to kaile Jowanpa zongto ochax lyen.

KAXFÜNPA-HWOM 10:14

Hünzome zünle kopkya baozangbu hato sople nguilax. Hünzome thangnak apong pongma hwome hünzom khosünle naxchangfa.”

TSAITONG-KAXTONG 32:38

Hünzome tö ang koxkya müizaobu füi hünzome hwom tux ilaxle hwom ang ju thokle kox. Athax hwom nguilaxle hünzom to asunhüi thüilax; hünzom kho awa ang hwom zik ang tomkox.

JEREMIA 44:8

Hünzom ngo ang nguikya Ijip haxtok, ikhato hünzome chapabu to shwom ilaxle mama baozangbu ang töbu koxkya füi ku ang mong büthüikoxle atsikpu? Zangfang angkya khünaknue hünzom chanyi-wanjaile tamchu hünzom mün othuak-ozom lom to lünle changkya füi hünzom alüile olithule naxmax ang ile mok pia?

ISAIA 46:7

Hwome ija hwom suakto ma dan ilaxle azya; hwome ija onui ma dan, ilaxle ija ikhama ajongle ngo, ikha angkya ija achexle pao ang chitho. Owawae ija to jop-tole jangchangba, ijae chemle chu chilan chichangba thama chak tokya chix azün ang chitho.

JEREMIA 18:15

Ikoxlechu ku khünaknue ku alakle asam; hwome chapabu tuntho to ongan müikya sobu zok. Hwome müile lehaxkux lom ma hwom chikho thu; hwome athaxpi kaikya baozangbu lom ojao chito; hwom a oshua chitüikya lombu to aham.