JEREMIA 11:11 - OTSAO BAIBEL (BSI)

¹¹ Ikhoma, athax ku, Jowanpae hwom hato thama ahüi angkya kaxkhün koxpu, ilaxle hwom a azang ang münthopu. Ilaxle chemtue hwome ku hato ozing alaile, hwom to fong angkya akhongle changüihex, kue ija to ojao münapa.

JEREMIA 11:11 ပူးပေါင်းရင်းမြစ်များ

EZEKEL 8:18

Hwome ku mongtsik janzüi bakle awan ang kop angkya changle. Kue hwom to münshan chichangba chingcha ahole münchangüi. Hwome tsuakkya tukuxle akhongle ku to jopüi, ikoxlechu kue hwom zangjop to münapaüi.”

ISAIA 1:15

“Chemtue hünzome zangjop ang hünzom chak nwonle changpuix, kue hünzom to ojao münhu. Hünzome obukux wüi jopkoxlax, kue münapa chemthüikoxle hünzom chakbu a ajie awangle tüile.

WANWÜNKAX 1:28

Ipongma hünzome je-hwon to nyaküi, ikoxlechu kue münlanüi. Hünzome ku pangnu chito lomüi, ikoxlechu hünzome ku münatak.

ZEKARIA 7:13

Kue akax pongma hwome ku kax to na chitha, ikhoma hwome zangjop pongma kue chilan.

MIKA 3:4

Hünzome Jowanpa to nyakle akhong angkya hanpak hüile ngole, ikoxlechu chixe hünzom to apaüi münchang. Chixe hünzom zangjop to münlanüi, chemthüikoxle hünzome ochax mwot mokdaoa.

JEREMIA 14:12

Hwome chisax-chilingle atsaole zangjop koxle ngaxchu, hwome asun hüile sopkya zing to kue na müntha; ilaxle hwome ku ang zokle ashunkya to hia saxziak to, ibu koxle changkoxchu, ku ang hwom füi otuechu mong münmüi. Itülüi, kue zanhok ma tamchu woknuak hia kak-lak ma hwom mik max ang tomüi.”

2 WANGHOMBU 22:16

Jowanpa tokhange hüikya kaxho ija chix ang kox angkya akax: “Kue Jerusalem tamchu ikhama tüikya khünakbu to sikangünüi. Ija a wanghompa-e edaokya laipex ma zale tüikya ningle changüi.

JEREMIA 11:17

“Ku, Jowanpa Khüthak Zang-e Israel hia Judah nyi küi-thwomkya changpu; ikoxle athax kue hwom a thama füi azapu. Hwome achaxkya khoma hwom khangkho to ija thama alüile ahüilaxpu; hwome Bal ang töbu koxle shwomkya makhange ku mong atsik laxpu.”

JEREMIA 6:19

Apalax, Chaxwannu! Hwom mongjang mwot pangwüi ama angkya hanpakma kue ibu khünaknu hato thama apüiüi, chemthüikoxle hwome ku hwon-nwot pongle münkop ilaxle ku zangwünbu kax ma münlax.

ISAIA 24:17

Ku kax apahüi, pangnusae wüi! Thama, tswomkha, tai, ibue nang tanle ngole.

MÜNCHUAK-TSAI 18:41

Fong angkya lomle hwom soppu, ikoxlechu hwom kho owaechu chisünpu; hwome Jowanpa to nyakkoxlechu chixe chilanpu.

IBRI 1:3

Zang fuazangle fakya chix makhange aho üntoxle chix kax makhange Zange ding hia hax ozün ma thomkya chix a Zang jaojao changpu le aho. Khünaknüsae ochax thailak atak ang kop füima, chix zangkangting to Zang, thüikoxle pangnu thak angkya Zang tsaxchi ma thungle tüile.

1 THESALONIKA 5:3

Otue khünakbue “Pangnu wüi khuakhomle müile tüile”, le thüiüihex, ipong khae allele thama apongle. Sheko tuita hato naongün wokkak allele chemle ngangle hüipuix, ija lailaile ijachu ngangle hüiüi, ilaxle khünakbu azang ang münkopüi.

AMOS 5:19

Ija a owawa mailang thoto paokya mixe chep apongle laxkya ningle changüi! Chichangba owawa hom to nguilaxle katuk ma achuakle changkya füi tomle pue tule laxkya ningle changüi!

EZEKEL 7:5

Ija a Jowanpa Khüthak Zang-e akaxle ngokya kax changle: “Hünzom hato thama tuita füima tuitale hüile ngole.

JEREMIA 36:31

Hünzome mokkya ochax mwot pangwüi khoma kue nang to, nang sixli hwom to, nang pünlix-wangchong hwom pangwüi to sikangünüi. Nangechu ilaxle Jerusalem hia Judah ma tüikya khünaknu owaechu kue kaxkhün fakya to na chitha, ikhoma chempang thama-thomshix bama kue hünzom khünzai ang koxdaoa puix, ibu thama hünzom pangwüi khangkho ma adütüi.”

JEREMIA 35:17

Ikhoma athaxpi, Jowanpa, Israel nok Khüthak Zang-e kue thama-thomshix chempang ahüi angkya tsaole thompuix, ibu pangwüi Judah hia Jerusalem hato ngui ang tomüi. Kue zangwün pongma hünzome chiapa, tamchu kue nyakpongma hünzom chitsa, ile changkya khokho ma kue ija mwot mok angkya wüi changpu.”

JEREMIA 23:12

Hwom lengokya lomtang a lomnün tamchu zangnak changpu; kue hwom chikho suale ati ang tomüi. Kue hwom hato thama-thomshix apüi angkya changpu; hwom to sikangün angkya hanpak nguile ngole. Ku, Jowanpae ija kax akaxdaoa.

JEREMIA 19:15

ilaxle Khüthak Jowanpa, Israel nok Zang-e akaxkya kax ngaile thüi: “Ija tingnu hia tomzi tinglongbu pangwüi hato, kue ahüiüile tsaokya sikngün pangwüi kue apüiüi, chemthüikoxle hünzom mong khüidaoa ilaxle hünzome ku zangwün to nathaüi münchang.”

JEREMIA 19:3

Jowanpae ku ang ile thüi angkya akax: “Judah wanghombu tamchu Jerusalem angkya khünaknu, ku, Jowanpa Israel nok Khüthak Zang-e hünzom füi akax angkya kax to apalax. Ija haxtok hato kue khomtsikya tha ahüi angkya changle, ilaxle ija zing atatkyabu pangwüi abütle changüi.

JEREMIA 15:2

Chemtue hwome nang ma hwom ochito paoüile atüipuix, ile akaxkya ku kax hwom hama wünkox: “Züizüi a okak-olak thama ma zile pao angkya chifün ma tüile: ikhoma hwom pao angkya wüi! Züizüi a zan ma max angkya thama ma tüile: ikhoma hwom pao angkya wüi! Züizüi a woknuak thama ma zi angkya wüi: ikhoma hwom pao angkya wüi! Züizüi a zanda ang kople paokya thama ma max angkya changle: ikhoma hwom pao angkya wüi!

JEREMIA 11:14

Jeremia, ibu khünaknu hanpakma ku to jop-tole taxchangzi. Chemtue hwom thama ma tüiüihex ilaxle hwom to fong angkya bama ku nyakle changüihex, kue hwom kax to ojao na münthapu.”

WANWÜNKAX 29:1

Nang achangle fakya foto nang sisile mongtsakle jangchang, nyixta nang thule asumüi ifüima amikya hato tamchichat toxüi.

MÜNCHUAK-TSAI 66:18

Kue ku ochaxbu ajao-ahaile jangchangdaoba, Jowanpa-e ku to münapase.

2 PUKAX-PANGAO 34:24

ibibi kaxho akaxle kox angkya hwom füi akax: “Oja wanghompa-e atatle ija laipex ma zale tüikya othuak-ozom kax ele atat daopuix, ija othuak-ozom füi kue Jerusalem hia ima tüikya khünaknu to sikangün angkya changle.

JOB LAIPEX 35:13

Hwom sople akhong ngokya a oba to; Khüthak Zang-e hwom to münhu chichangba münapa.

JEREMIA 14:2

Judah a mang sople ngole; ija angkya tingnubu a zingole, ija angkya khünaknu a mongmaxle hax to jiple ngole, Jerusalem a fongmix lomle akhong ngole.

JEREMIA 18:11

Ikoxle athax, kue hwom zan to kale hwom to sikangün angkya olom zingle ngole le Judah hia Jerusalem angkya khünakbu füi akaxkox. Hwom ang chichang-chizangkyae awangle chingo angkya kax laxkox: hwom kün-mong hia hwome mokle ngokya mwot dantox angkya akaxkox.

JEREMIA 25:35

Hünzom ang paole azang angkya olom müntüiüi.

MANGSOP 2:22

Ku zui akhople faomüi ningle azang ma saxle awüt angkya thamae ku zui akhople chang angkya nange ahyen, Ilaxle ija nang mongtsik nyix owachu paole azang ang chitho. Hwome ku su-sa hwom lang, kue künkak mongkün füi tuxle atsünkya naosombu a.

EZEKEL 14:3

Chixe thüi: “Ziün angkya khünak, khünak ibue hwom künmong chapabu ang koxdaoa ilaxle ibu chapabue hwom ochax to alyet ang tomle ngole. Kue hwom kax to lanüile hwome thütlaxpia?