JEREMIA 11:10 - OTSAO BAIBEL (BSI)

¹⁰ Hwom a, kue akaxkya kax ma münlaxpule angamle tüikya hwom pupa hwom ochaxbu hato chatle chatdaoa; hwome ibu baozangbu to shwomle changdaoa. Kue hwom pupa hwom füi zingkya Tsaotsüt, Judah hia Israel nok pangnyie wüi amadaoa.

JEREMIA 11:10 ပူးပေါင်းရင်းမြစ်များ

TSAITONG-KAXTONG 31:16

Jowanpae Mosa ang thüi: “Nang a chwonle wüi zi angkya changle ikoxle nang zi füima khünaknu ang mongong chitüile changüi ilaxle kue hwom füi tsaotsütle zingkya Tsaotsüt amaüi. Hwome kop angkya haxtok to ngui füima hwome songsari baozangbu to shwomüi ma ku hato tok ahoüi.

EZEKEL 16:59

Jowanpa Khüthak Zang-e thüile: “Nange chem kopse hex ile kue nang to hwonüi, chemthüikoxle nang kaxtsaobu ahai ilaxle tsaotsüt ama.

1 SAMUEL 15:11

“Kue Sol wanghom ang kamle koplaxle ku ang mong münmüi; chixe ku hato tok aho üntoxle ku kaxtombu kax ma münlax.” Samuel ang mongtsik ilaxle zang angaile Jowanpa ma chingcha ju.

KAXFÜNPA-HWOM 2:19

Ikoxlechu chemtue ija lompa zile paopuix, khünaknu a amikya mantong towüi chat ilaxle thochi tsünthom füi ngaxchu sütsexle hwom tüi. Hwome mixnok baozangbu to shwom tamchu ibu thothale chang, ilaxle ma ochax lom danle müntoxpule angam.

KAXFÜNPA-HWOM 2:17

Ikoxle Israel noke hwom lompabu kax machu chilax. Israel nok kax machu chilax, Israel nok ma mongong chitüile chang ilaxle mixnok baozangbu to hwome shwom. Hwom hopa hwome Jowanpa kaxtom kax ma laxle tüihukya, ikoxle ija tsünzün thome ile changkya ochwonpai ma zakle max.

IBRI 8:9

Kue hwom chak ma syet üntoxle Ijip angkya lai ang koxkya nyix hwom putong hwom füi, kue Tsaotsüt tankya ningle; ija a münchang angkya changle. Kue hwom füi zingkya Tsaotsüt kax ma laxle, chitüikya khoma kue, hwom jao to mong chikox.

ZEFANIA 1:6

Opange ku hato tok ahopuix ilaxle ku füito azuile chichangpuix, opang ku hato chihüipuix tamchu ku ang lom azuihüi le chithüipuix, ibu pangwüi kue amaüi.”

HOSIA 6:7

“Ikoxlechu hwom Adam ma, ija haxtok to nguikya füi tomle hwome ku füi zingle thomkya tsaotsüt ama.

EZEKEL 44:7

Müiza hia ajibu ku ang tö koxle changpongma, hwome Khwonzüt-Zom chizingkya hia ku kax ma chilaxle tüikya khünakbu Zangshwom-hom homkha to adünkya makhange hwome ku Zangshwom-Hom chitsaokya ang achangdaoa.

MÜNCHUAK-TSAI 78:57

ikoxle hwom pupa hwom lailaile hwom chuwüi alün-aloxle kax ma chilaxle tüi, kwomkexkya san kia to ong ang chimüikya ningle.

TSAITONG-KAXTONG 9:7

“Hünzome Jowanpa hünzom Zang, sak-hax to tüipongma chemle mongtsik ang tomdaopuix, ija taxalak. Hünzome Ijip danle toxkya nyix makhange ikha alople nguikya nyix kople, hünzom a chix füi alünle hüipu.

LIWI 26:15

Hünzome ku wanlombu hia kaxtombu kax ma münlaxle jangtsak ilaxle kue hünzom füi tsaotsütkya Tsaotsüt amale jangchang,

ZEKARIA 1:4

Hünzome a hünpu-hünpa hwom lailaile taxchang. Ku ajebue kaitanto wüi hwom hato ku kaxho apüile, hwom ang chichangchizangle tamchu ochax tsün chingo angkya akaxpu. Ikoxle hwome ku kax chiapa tamchu ija ku kax ma chilax.

HOSIA 7:16

Hwome tsak-zong chemchu chitüikya baozang hato paoüima ku hato tok ahokya chizak. Hwom a mongong thom ang chimüile chitangkya san ningle changle. Chemthüikoxle hwom lompabue mongngam füi zangwün, hwom a alün-aloxkya ma ziüi, ilaxle Ijip noke hwom cha nyiüi.”

HOSIA 6:4

Ikoxlechu Jowanpae thüi: “Israel hia Judah, kue hünzom füi chem moküi? Hünzome ku to mongkünkya swomsa fwomtyen lebama paole samkya ningle; ija a swomsae wüi zuale paokya nyenti ningle.

JEREMIA 31:32

Ija tsaotsüt a, kue hwom pupa hwom chak makhange linle Ijip tokya alai pongma thomkya ozang tsaotsüt ningle münchangüi. Hwom zongto ku tuita kakopa ningle changbachu, hwome ija tsaotsüt chithom.

KAXFÜNPA-HWOM 2:11

Ifüima Israel khünaknue Jowanpa zongto ochax lyen ilaxle Bal baozangbu to shwom ang süt.

JEREMIA 7:28

Hwome Jowanpa hwom Zang kax ma chilaxle tüikya bama chichangba hwome apongkya sikngün makhange awanle lax angkya nange hwom hama akax angkya changle. Hwom zongto mongong tüikya a omang ang achangdaoa. Athax ija mo ojao wünle münngo.

JEREMIA 13:10

Ochax khünak ibue ku kax ma münlaxpule angamle. Hwom a amikya to kaile mongkhüile, ilaxle mama baozangbu to shwom ilaxle ibu thothale changle. Ikhoma ibu a, laxli chitüile nyilo ibu kyetle makya ningle maüi.

JEREMIA 17:23

Hwom pupa hwome ku kax to chiapa chichangba mong ojao chikox. Itülüi, hwom mong sisi mix khüi; hwome ku kax ma chilax ilaxle ku makhange chemchu awanle chilax.

JEREMIA 44:5

Ikoxle hünzome chiapa ilaxle ojao mong chikox. Hünzome mama baozangbu ang zokle ashunle töbu koxle ngokya tamchizaktox.

JEREMIA 44:16

“Jowanpa mün ma nange kwom füi akaxkya zangwün to mün-apale kwom angampu.

EZEKEL 5:6

Ikoxlechu Jerusalem a ku kaxtom füi alünle ajong ilaxle she a, akhople tüikya mama ting-nokbu füi, kax ma chilaxle tamchu chichangchizangle tüipule ahole. Jerusalem-e ku kaxtombu chilaxle awüt ilaxle ku wanlombu münthompule angam.

ZEKARIA 7:11

“Ikoxlechu ku khünaknue ibu ku kax to kheba chithüi. Hwome hwom khangkabu zim

ZEKARIA 7:13

Kue akax pongma hwome ku kax to na chitha, ikhoma hwome zangjop pongma kue chilan.

ISAIA 24:5

Zang wanlombu hia jento ngo angkya hanpakmale zingkya chix kaxtsao amakya tokhange khünaknue chaxwannu oma ang achangle awüt.

JEREMIA 22:9

Ija a, hünzome ku hünzom Zang füikya Tsaotsüt chilaxle awüt, ilaxle mama baozangbu to shwom-tole ibu thothale changkya khoma changpule hwome lanüi.”