JEREMIA 10:8 - OTSAO BAIBEL (BSI)

⁸ Hwom pangwüi ongat-onguingui wüi. Püntho chapabu makhange hwome chem tsingle lax ang thoüi?

JEREMIA 10:8 ပူးပေါင်းရင်းမြစ်များ

ZEKARIA 10:2

Khünaknue jenu-shipa hia chapabu ma tiktole changtüia, ikoxle hwome kopkya kaxlan a chemchu chichangkya othaibu. Züizüie wünmang taile ikoxlechu ija a othai lom to nang zun angkya hanpak zaza; hwome koxkya mongsom ma laxli chemchu müntüi. Ikhoma khünaknu a chun samkya lailaile samle aham ngopu. Hwom a thama ma tüile chemthüikoxle hwom ang lompa müntüi.

JEREMIA 10:14

Ija ngünle changkya zuma, khünaknu a ongat ang achangle jepa; opangsae ibu chapabu zingle changlaxpuix hwom pangwüi ongat hia kaxux ang achang, chemthüikoxle hwome zingkya baozangbu a othai tamchu khüzün chitüi.

HABAKUK 2:18

Chapa a chem mwot to hüi angkya? Ija a khünake zingle alaikya jali tuita. Ijae othai boma chemchu münapua. Ija to mongong tüile chang angkya hanpakma ija zingkya mix ang chemfün amüile fadao? Ija a zangwün ang ngaxchu chithokya baozang tuita!

ISAIA 44:19

Chapa zingmixbu ang künju-mongjang zukya chemchu müntüi chichangba “Züizüi pün kue zokle ashunle. Kue wünhan dingma an hidaole atsanpu ilaxle kue müi ako üntoxle ija saxpu. Ilaxle mama ota tüikya pünbu kue chapabu ang zingpu. Ikhama ku püntho tuita tunthoma akhuxle ngopu!”, le thüi angkya je müntüi.

ISAIA 41:29

Baozang ibu a laxli müntüi; hwome chemchu mok ang müntho — chapa ibu a tsak-zong chemchu chitüikya changle.”

MÜNCHUAK-TSAI 135:18

Opange ibu zingpuix tamchu ibu to mongong tüipuix ibu a hwome zingkya chapabu ningle naxchang!

MÜNCHUAK-TSAI 115:8

Opange ibu zinglaxpuix tamchu ibu to mongongle tüilaxpuix hwom pangwüi hwome zingkya chapabu lailaile naxchang kox.

JEREMIA 4:22

Jowanpae thüi: “Ku khünakbu a ongat; hwome ku müntik. Hwom ongat naosombu ningle changle; hwom ma tsing-wankya chemchu müntüi. Chem ochax hex ija mok ang hwom müimale anaxle, ikoxle chem müipuix ija mok ang hwome chithole changle.”

JEREMIA 2:27

Hünzom pangwüi ang zak-akopüi—pün nang apa kux ilaxle long nang anu kuxle akaxkya hünzom pangnusa ang a. Hünzom ku hato hüihaxkux lüi ma ku hato tok ahole paokya khoma ija ile chang ang tomüi. Ikoxlechu chemtue hünzom sikngün-tuitaile changüihex, hünzome hüilaxle hünzom khosün angkya ku wüi lom.

HOSIA 4:12

Hwome pünfunsa tuita ma mikngün ohün lomle ngole! Kiathox tuitae wüi hwom hama hwome chem tsingse tsupuix ija awankoxle! Hwome ku dantoxdaoa. Mixcha tuita tsangtsa hangkya mixcha ang achangle paokya ningle, hwome ma alüile mix baozangbu chak to koxdaoa.

ISAIA 44:18

Iningkya khünakbu a hwome chem mokpuix ija awan ang ngaxchu chithokya ongatbu changpu. Hwome otsingtsing hanpakma ma mik hia mong ka hakle.

JEREMIA 3:9

ilaxle she zakmaxle thünba. She-e haxtok akhu ang tom, ilaxle long hia pünbu to shwomkya makhange she-e chinunchakkaile achax.

JEREMIA 5:4

Ifüima kue ajang: “Ibu a mixshix-zasa hia chemchu chitsingkyabu changle. Hwome ongat ningle mok-mole; hwom Zang-e lomkya hwome chemchu chitik, Jowanpae hwom amokse tsukyabu a.

JONA 2:8

Opange laxli chitüikya chapabu to shwomle changpuix, ibue nang tsai-kax ma laxkya dantoxpu.