JEREMIA 10:7 - OTSAO BAIBEL (BSI)

⁷ Nang pangnu jat-li wanghompa, nang chiachuakkya mix owa tüi? Nang a achuak koxle asule tüile. Nang lailaikya owachu müntüi jat-li angkya je-hwon füikya khünakbu khama chichangba wanghombu khama opupuchu.

JEREMIA 10:7 ပူးပေါင်းရင်းမြစ်များ

MIKNGÜN-OHÜN 15:4

Jowanpa, nang thua chiza tamchu, fuazang chiachuak le owa tüi? Otsao nang tata wüi. Pangting jahax nguilaxle, nang tong shwomüi; sukya nang chak-mwot, pangnusae ngün ang kopkoxle.”

MÜNCHUAK-TSAI 22:28

Jowanpa a wanghom changle, üntoxle chixe zangfang apünle.

JEREMIA 10:6

Jowanpa, nang lailaikya mix owa müntüi; nang a chitho-jalün, ilaxle nang mün a chongle tamchu tsak-zongle tüile.

JEREMIA 5:22

Ku a Jowanpa changle; hünzom a ku thua büthüikoxle chiza? Ku tunthoma hünzom büthüikoxle zale abünkya chitüipu? Kue otuechu chikai angkya jento ngo angkya tinu füikya longzi tuita a sak danpu. Tinu tüle-tüle achap lechu chang koxlax; ikoxlechu ija a tanle thomdaokya longzi akaile ija münchong; tichap huanuma azaxle chu chang koxlax, ikoxlechu ibue ija longzi mün ama.

MÜNCHUAK-TSAI 89:6

Jowanpa, zangkangting to nang lailaikya owachu müntüi; ding tokya zünmok tütali chu nang füi tawüi le thüi angkya müntüi.

KAXHO MÜIKYA LUK 12:5

Ikoxlechu hünzom owa thua za angkya hex kue hünzom hama apuafang: Zang thua zalax, owama tsangtsa lang füimachu chasa omalum to awüt tsuak angkya zong tüipuix. Anaolechu kue hünzom ang thüipu, Chix thua zalax!

ZEKARIA 2:11

Ipongma jat-libu tüle-tüle Jowanpa tamchu chix khünaknu hato nguiüi. Chix a hünzom khama ngoüi, ilaxle ku a chixe ahüikya changpule hünzome awan ang kopüi.

ISAIA 2:4

Chixe chongkya jat-libu ba angkya ala-ashakya zangwün tsuakle faüi. Hwome hwom changbu han-kho ang achangle thupüi ilaxle paxbu a fumham changlosabu ang thuple alaiüi. Jat-libu tamchatle tata zan to münkaüi, tamchatle achax-azan ang atha-nyemle münchangüi.

MÜNCHUAK-TSAI 86:9

Nange zingle alaikya jat-li pangnusae wüi nang tong to nguilaxle akhuxüi; nang chongkya hwome achuak-achenüi.

MÜNCHUAK-TSAI 76:7

Ikoxle Jowanpa, nang thua a pangnusa wüi zale. Nang ngwotnui ma owachu ajong ang chitho, nang mongtsikle changpongma a.

MÜNCHUAK-TSAI 72:11

Wanghombu pangnusae chix chitong ma akhuxle changüi; pangnu jat-lie chix thothale changüi.

MIKNGÜN-OHÜN 11:15

Ifüima kaxtaimix anüt lükyae chix nyazong müt, ilaxle zangkangting to tüle-tüle azaxle hwome thüi: Chaxwan apün angkya tsakzong, athax a kem Jowanpa tamchu, chix Messaiah kux changle; othuithuima chixe apünüi!

1 KORIN 8:6

kem hanpakma Zang, chix a Hopa, owae zünmok zingle alaipuix, ilaxle owa hanpakma kem ozün ma ngolaxpuix, chix tuita wüi; üntoxle zünmok zingkya mix owa makhange kem ozün ma ngopuix, ija Jisu Khrista Jowanpa chix tata wüi.

LAIPAO 8:10

Ifüima wanghompa-e lan: “Ku hanpakma ngainyix jop-hüi.” Mosa-e lan: “Nange akaxkya ningle kue jopüi, ifüima Jowanpa kwom Zang ningkya owachu müntüile nange awan ang kopüi.

LAIPAO 9:14

Izuma chixe nang wangshembu hia nang khünaknu tata ang sikangünüi münchang ikoxle nang ang chuwüi sikngün ang tomüi, ikoxle tix nange chaxwannu ma chix ninglükya owachu müntüile awan ang kopüi ta.

JIHUSUA 4:24

Ikhokhoma wüi chaxwannu angkya khünak noke Jowanpa tsak-zong chemtukux chongkya hex, ija awan ang kopüi, ilaxle hünzome Jowanpa hünzom Zang jento achuak-achenle ngo angkya changpu.”

ESTAR 1:13

Iningle wangtsai-wangkax ma chilaxle wanlom ahaikya hanpakma chemle hwonkoxle müiüile atsing-awankyabu ma atüi angkya a wanghompa wanlom changkya.

DANEL 2:27

Danel-e lan: “Wanghompa, nang hama ija wünmang wünle fa angkya jenu-shipa hia opa-nanpa chichangba lyetpu-hanpa owachu müntüi.

DANEL 2:28

Ikoxlechu zangkangting to Zang tuita tüile. Chixe ija huxsa zangwünbu ngaile aho ang tsuakle. Wanghompa, ija a chixe nang hato athax füichi ma chemle chang angkya hex ija ngaile ahole ngokya changpu. Athax kue ija nang wünmang apuale fafang, nange jiple ngopongma ngünkya nang wünmang a.

HABAKUK 3:2

O Jowanpa, nange chem mokdaopuix, ija zing kue atatdaoa, ilaxle ku huanuma abütle. Athax chatle kwom tsün ma anaole mok-hüi nang mok-homkya chongkya mwotbu a. Nang mongtsik-mongma pongma ngaxchu chingchajajale tüihüi.

MALAKI 1:11

Zangfang tüchikao makhange ata-chikao kople khünaknue ku achuakle. Pangnu chito wüi hwome ku ang ongan müikya sobu zokle kue pongle koptsuak tangkya töbu koxle. Hwom pangnusae ku chathua zale.

2 WANGHOMBU 17:39

Hünzome Jowanpa hünzom Zang, ku kax ma lax angkya oli changpu, ilaxle kue zanpabu chak tokya kue hünzom khosünle changüi.”

1 PUKAX-PANGAO 16:25

Jowanpa a achongkya le achuak angkya wüi, baozang pangnu thakma chix thua za angkya wüi.

MÜNCHUAK-TSAI 47:3

Chixe kem ang khünaknu to lüt ang tom; chixe kem ang jat-libu thakma apün ang tom.

MÜNCHUAK-TSAI 86:8

O Jowanpa, nang lailaikya zang owa müntüi, nange mokkya mwot owaechu mamok.

MÜNCHUAK-TSAI 147:5

Kem Jowanpa a chongkya tamchu akhokya changpu; chix je-hwon a thüt ang müntsuak.