JEREMIA 10:6 - OTSAO BAIBEL (BSI)

⁶ Jowanpa, nang lailaikya mix owa müntüi; nang a chitho-jalün, ilaxle nang mün a chongle tamchu tsak-zongle tüile.

JEREMIA 10:6 ပူးပေါင်းရင်းမြစ်များ

LAIPAO 15:11

“Jowanpa, baozangbu khama nang lailaikya owa tüi? Otsao ma ohünotün nang lailaikya owa tüi? Nange mokkya ningle ohünotün hia khomtsikya mwotbu a owae moktho?

MÜNCHUAK-TSAI 96:4

Jowanpa a chongkya changle üntoxle chix a achuakle nwon angkya wüi changle; baozangbu pangnu thak to chix chathua za angkya wüi changpu.

MÜNCHUAK-TSAI 48:1

Jowanpa a chongkya changle ilaxle chix a ding to achuak angkya wüi changpu, chix tingnu ma tamchu chix otsao haxkho ma.

TSAITONG-KAXTONG 33:26

Israel khünaknu, hünzom Zang lailaikya mama baozangbu müntüi, zangding kho akaile fixfax-jikjeple, zangfwom ding ma ngalaxle nang jua fong ang nguile.

ISAIA 12:6

Zaion ma ngole tüikya pangnusa akhong kox üntoxle tsai ngaokox! Israel nok otsao Zang a chongkya changle, ilaxle chix a chix khünaknu füi ngole.”

MÜNCHUAK-TSAI 145:3

Jowanpa a chongkya changle ilaxle chix a ding to achuak angkya changpu; chix chongkya a khünake tsingang chithokya changpu.

DANEL 4:3

“Zang-e ku hama ahokya ohünotün a huanuma chongkya changle! Chixe mokkya ohünotün mwotbu a tüle tsak-zongkyabu changle! Zang a othuithuima wanghompa changle; chixe jento apünle ngo angkya changle.

MÜNCHUAK-TSAI 147:5

Kem Jowanpa a chongkya tamchu akhokya changpu; chix je-hwon a thüt ang müntsuak.

2 SAMUEL 7:22

Nang a chemkuxma chongpuix, Khüthak Jowanpa! Nang lailaikya owachu müntüi; Zang a nang tata wüile kue jento awanle hüipu.

JEREMIA 32:18

Nange chizakle nang mongkün ojat-ojat hato ahopu, ikoxle hwom pupa hwom ochaxbu khoma nange khünaknu to sikchu angünpu. Nang a tüle tsak-zongle tüikya Zang tuita changle; nang a Khüthak Jowan Zang changpu.

ISAIA 40:25

Otsao Zang a owa füi apyenüi? Chix lailaikya owawa tamtüi chami?

LAIPAO 8:10

Ifüima wanghompa-e lan: “Ku hanpakma ngainyix jop-hüi.” Mosa-e lan: “Nange akaxkya ningle kue jopüi, ifüima Jowanpa kwom Zang ningkya owachu müntüile nange awan ang kopüi.

MALAKI 1:11

Zangfang tüchikao makhange ata-chikao kople khünaknue ku achuakle. Pangnu chito wüi hwome ku ang ongan müikya sobu zokle kue pongle koptsuak tangkya töbu koxle. Hwom pangnusae ku chathua zale.

DANEL 4:34

Wanghompa-e thüi: “Chemtue ija zanglao anüt kaile changpuix, kue zangkho to angakle hu, ijama ku khangka hingle hüi. Kue münchong hia fuazang pangwüi jento ngole tüikya Khüthak Zang ang fa. “Chixe jento apünle ngoüi, ilaxle chix wangting ma oshuk müntüitoxüi.

ISAIA 46:9

Kaipongma chempangle changdaopuix texle ataklax; Zang a ku tata wüile ongkya tüilax chemthüikoxle ku lailaikya tamchatle owachu chitüi.

ISAIA 46:5

“Jowanpae thüi: Hünzome ku owa füi apyenüi? Ku lailaikya mix tüichami?

ISAIA 40:18

Zang a owa füi tomta apyenüi? Chix iningle tüile le nange chemle akhix-akhanüi?

MÜNCHUAK-TSAI 35:10

Ku mong makhange abakle kue Jowanpa füi akaxle thüiüi: “Nang lailaikya owachu müntüi. Otsak-ozong tüikyabu chak tokya nange tsak-zong chitüikyabu khosün, hwom to afangle thomkyabu chak tokya mixshix-zasabu khosün.”

NEHEMIA 9:32

“O Zang, nang kwom Zang, nang a chemtukux chongpuix! Chemtukux za-adünle, chemtukux tsak-zongle tüipuix! Nange chialekya mogong füi nange tsaokyabu kaxfün otya ma thom. Asiria nok wanghombue kwom to zothuple changkya tokhange, athax kople, kwom chemtukuxle sikngünle hüidaopuix! Kwom wanghombu, kwom lompabu, kwom nguapabu hia ajebu, kwom putong hwom, ilaxle kwom khünaknu pangwüi sikngünle hüidaoa. Kwome chemtukuxle sikngün apongle hüidaopuix texle atak-hu!

NEHEMIA 4:14

Kue khünaknu mongthang ngokya ngün ang kop, ikhoma kue hwom lompabu hia alixachongbu füi akax: “Kem zanpabu thua zale taxngo. Zang chemtukux chongkya tamchu za-adünkya hex, texle ataklax, ilaxle hünzom ma-mixbu, hünzom naosombu, hünzom kakonubu, tamchu hünzom homkha hanpak ang azankox.”

TSAITONG-KAXTONG 32:31

Hwom zanpabue hwom baozangbu ma zong müntüile awanle, Israel nok Zang lailaile janzüi chitüile.

LAIPAO 9:14

Izuma chixe nang wangshembu hia nang khünaknu tata ang sikangünüi münchang ikoxle nang ang chuwüi sikngün ang tomüi, ikoxle tix nange chaxwannu ma chix ninglükya owachu müntüile awan ang kopüi ta.

1 KORIN 8:6

kem hanpakma Zang, chix a Hopa, owae zünmok zingle alaipuix, ilaxle owa hanpakma kem ozün ma ngolaxpuix, chix tuita wüi; üntoxle zünmok zingkya mix owa makhange kem ozün ma ngopuix, ija Jisu Khrista Jowanpa chix tata wüi.

JEREMIA 10:16

Jakop Zang a ibu ningle chichang; chix a jalinusa zingle alaikya Zang, ilaxle chixe Israel nok a chix khünaknu ang zünle kop. Jowanpa Khüthak Zang a chix mün changpu

1 PUKAX-PANGAO 16:25

Jowanpa a achongkya le achuak angkya wüi, baozang pangnu thakma chix thua za angkya wüi.