JEREMIA 10:22 - OTSAO BAIBEL (BSI)

²² Apalax! Kaxho hüidaoa! Shuakuxchi ma tüikya nok tokya zandün zing huanuma tüile; hwom süpahibue Judah tingnu a sak-hax ang achangüi, hijanbu ngokya onui tuita ang a.”

JEREMIA 10:22 ပူးပေါင်းရင်းမြစ်များ

JEREMIA 9:11

Jowanpae thüi: “Kue Jerusalem a pünle amadaokya tamting ang achangüi, hijanbu ngwotnui ang achangüi; Judah tingnubu a sak-hax ang achangüi, owachu chingokya onui tuita ang a.”

MALAKI 1:3

ikoxle Esau hia chix sixli hwom to a miktsakpu. Esau haxtok haxhuabu a kue chemchu chitüikya haxtok ang achang laxle shwonbu ngwotnui ang toxpu.”

JEREMIA 6:22

Jowanpae akax: “Tsailo tokya khünakbu shuakuxchi nok tokhange azan ang achwonle hüile ngole.

JEREMIA 6:1

Benjamin khünakbu, ma khangkhom ang paolax! Jerusalem angkya paole azanglax! Tekoa ma nyazong mütle angaokox ilaxle Beth Hakarem ma münwan ahole wüntakkox. Thama hia olithu angkya shuakux chitokhange nguingole.

JEREMIA 5:15

Israel khünaknu, Jowanpae tsailo nok hünzom to sing ang ahüi ngole. Ija a kai wüikya tamchu tsak-zongle tüikya, hünzome hwom zangwün chitsingkya onok tuita changle.

JEREMIA 4:6

Zaion chitole angkya lom apua laxkox! Khangkhosün ang ziklax! Shenle taxngo! Shuakuxchi tokhange Jowanpae huanu thomjo hia thama apüile ngole.

JEREMIA 1:15

chemthüikoxle shuakux chitokya jat-libu pangwüi kue ikhato ngui ang sele ngopu. Hwome wanghombue hwom tüntongbu a Jerusalem zünkai ma tamchu ija long katukbu akhople ajongüi ilaxle, ilaxle Judah haxtok angkya mama tingnubu akhople chuwüi ajongüi.

ISAIA 34:13

Chongwang homlo hia long katuk füi swonle tüikya tingnu pangkha to hux hia kongbüibu nyemle changüi, ilaxle ikhato hijan hia shwonbu ngoüi.

JEREMIA 1:14

Chixe ku ang thüi: “Ija haxtok ma ngole tüikya pangnu hato thama a shuakuxchi makhange tole hüiüi,

JEREMIA 4:15

Dan tingnu hia Efraim haxnu tokya kaxhomixbue chimüikya kaxho apukle.

JEREMIA 25:9

‘Kue noknusa hanpakma shuakux chitokya khünakbu ahüiüi ilaxle ku da hanpak ang Babilon nok wanghompa Nebukadnezar ahüiüi. Kue hwom a Judah hia ima tüile ngokya khünaknu tamchu tomzi nok pangnusa füi azan ang apüiüi. Kue ija jat-li hia tomzi nokbu pangwüi amütüi ilaxle othuithui hanpak ang olithule amatoxüi, ija a mikngün ma tuita khomtsikya hia abüt angkya oli changüi. Ija kax, Jowanpa kue akaxdaoa.

JEREMIA 49:33

Hazor a otuechu khünak chingokya nui-ting ang achangüi, ikhato hijan tata ngoüi. Ikhato khünak owachu tamchatle münngo. Ija kax, ku, Jowanpae akaxdaoa.”

MANGSOP 1:4

Otsao nazak nyix Zangshwom-Hom to zangshwom ang nguikya athaxpi khünak tuita chitüi. Ikhama tsai ngaole ngokya naochabu sikngün ma ngo, ilaxle nguapabu wotle awao angkya boma chemchu chitüi. Tingnu panja ahuasak, ilaxle Zaion a künduk-mongthang ma ngo.

EZEKEL 12:19

Kaxho ija a hwom haxtok ma ngole tüikya Jerusalem angkya khünaknu ang koxkya kaxho changpule zangfang pangnu nok hato apuakox: Hwome fong zangale saxüi ilaxle ti a mong-shunzole lingüi chemthüikoxle ikhama ngokya owaechu wanlom chilax homtoxle ngokoxle hwom haxtok a zuazoxle dantoxüi.

JEREMIA 2:15

Hwome chix to mailangbu lailaile tsele; hwome chix haxtok a sak-hax ang achangdaoa, ilaxle chix tingnubu amale toxdaoa, komkaile ohua ang achangle dantoxdaoa.