JEREMIA 10:19 - OTSAO BAIBEL (BSI)

¹⁹ Jerusalem angkya khünaknu akhong, “Kwom to ziamale jao maklaxdaoa! Kwom man tam müitoxüi münchang. Kwome ija a adu ang thoüi tukux thüt!

JEREMIA 10:19 ပူးပေါင်းရင်းမြစ်များ

MIKA 7:9

Keme Jowanpa zongto ochax lyendaoa, ikhoma keme noxtakya hanpakma keme kem füikya chix mongtsik adu angkya changle. Ikoxlechu oshuk ma chixe kem kho-awaüi ilaxle kem to thaile mokdaokyabu pangwüi achangle zingüi. Chixe kem zangngai to alaiüi; chixe kem khosünle kopkya ngün ang kem ozün ma ngoüi.

JEREMIA 14:17

Jowanpae ku ang kaxtom koxle ku mongtsik bama khünaknu hama apua angkya tamchu: “Ku mik ma zangnak zangngaile mikfi jenle naxngo, ku sopkya tamchizakle naxchang, chemthüikoxle ku khünaknu to zule mak-kha laxle tüile ilaxle hwom to chisumüile thomzünle.

JEREMIA 4:31

Kue sopkya ozing tuita atat, mixcha tuita nao ngün ang sopkya zing ningle, mixcha tuitae pongwang lükya nao ngün ang awaokya ningle. Ija a wikha akalaxle zaksyet ang azongle Jerusalem sopkya zing tuita, she chak pünlaxle she-e thüi: “Ku a maxdaoa! Hwom a ku lang ang nguile ngole!”

MÜNCHUAK-TSAI 39:9

Ku dangle ngoüi, kue kaxfa tuita münzex, chemthüikoxle iningle ku sikngün ang tomkya a nang changle.

MANGSOP 3:48

Ku khünaknu thama ngünkya zuma ku mikfiti shuajen ningle jenle ju.

MANGSOP 1:2

She a jamütungle sople apüi; she bwomzong to mikfi jenle ju. She üinu ozang hwom khama, she mong asom ang tuita ngaxchu chitüi. She füi nokmüile changkyabue she ale ilaxle athax a hwom pangwüi she zongto zan ang chang.

JEREMIA 17:13

Jowanpa, nang a Israel nok monghom changle; nang danle toxkyabu pangwüi ang zak-akopüi. Hwom a haxbu ma asaxkya ningle samdaoüi, Jowanpa, titsao jenkya tümik, hwome nang danle toxkya khokho ma.

JEREMIA 9:1

Ku khang a tüküi tuita namchang koxba, tamchu ku mik a mikfi tümik namchang koxba, zangnak zangngai ku sopngose dai langdaokyanu ku khünakbu hanpakma a.

JEREMIA 8:21

Ku mongkha thuple akhixle chemthüikoxle ku khünaknu a thuple akhixdaoa; ku soppu; ku a komkaile khosampu.

JEREMIA 4:19

Kakle! Kue adu ang chithole kakle! Ku khaxtua! Ku khaxtua zongbakle jao twople! Ku dangjale ngo ang müntho; Kue nyazongbu zing atatle azan ang akhongkya zingbu a.

ISAIA 8:17

Jowanpae chix a khünaknu mikngün thoto khünle thomdaoa, ikoxlechu kue chix to mongongpu tamchu monghom thompu.

MÜNCHUAK-TSAI 77:10

Ifüima kue akax: “Akhole ku mong amakya a ija: Zang ma athax zong müntüi changa.”

JEREMIA 14:7

Ku khünakbue ku sele akhong: “Kwom ochaxbue kwom ma tsaihux-kaxhux fe angkya tüingokoxchu, kwom to asunhüi, Jowanpa, ami nange tsaodaokya ningle a. Kwome nang hato tok obithomthom ma hexle ahole changdaoa; kwome nang zongto ochax mwot mokle changdaoa.