JEREMIA 10:16 - OTSAO BAIBEL (BSI)

¹⁶ Jakop Zang a ibu ningle chichang; chix a jalinusa zingle alaikya Zang, ilaxle chixe Israel nok a chix khünaknu ang zünle kop. Jowanpa Khüthak Zang a chix mün changpu

JEREMIA 10:16 ပူးပေါင်းရင်းမြစ်များ

TSAITONG-KAXTONG 32:9

Ikoxlechu Jakop sixli hwom ang chixe jaoe chix kux ang süile koppu.

JEREMIA 32:18

Nange chizakle nang mongkün ojat-ojat hato ahopu, ikoxle hwom pupa hwom ochaxbu khoma nange khünaknu to sikchu angünpu. Nang a tüle tsak-zongle tüikya Zang tuita changle; nang a Khüthak Jowan Zang changpu.

JEREMIA 31:35

Anyixningkya wünnyan ang Jowanpae zanghannu kox, lyetnu hia lyettsibu a zangnak ma nyan ang kox. Chixe tinu tichap alai ilaxle ija azax ang kox; chix mün a Jowanpa Khüthak Zang changpu.

JEREMIA 51:19

Jakop Zang a hwom lailaikya münchang; chix a jalinusa zingpupa changle, ilaxle chixe Israel a chix khünaknu ang zünle kopdaoa. Jowanpa Khüthak Zang a chix mün changle.

JEREMIA 10:12

Jowanpae chix tsak-zong makhange chaxwannu zing; chix je chix hwon makhange zangfang zingle alai ilaxle zangdingkho shale pün.

MÜNCHUAK-TSAI 119:57

O Jowanpa, nang a kue lomkya pangnu changpu; nang wanlombu kax ma laxle tüi angkya kue tsaopu.

MÜNCHUAK-TSAI 74:2

Nang kaitanto wüi ma hanpak angle zünle kopkya nang khünaknu texle ataklax, hwom a nang saxthom ang lax angkya hanpakma zanda ang ngokya nange alaile apüikya khünakbu changpu. Ami nang ngotoxkya kha Zaion texle ataklax.

MANGSOP 3:24

Ku ma tüikya Jowanpa wüi, ikhoma kue chix ma ku monghom thompu.

MÜNCHUAK-TSAI 135:4

Chemthüikoxle Jowanpae Jakop a chix hanpak ang kamdaoa, Israel khünaknu a chix kux ang kamdaoa.

JEREMIA 50:34

Ikoxle tuita hwom khosünle kop angkya mix a tsak-zongle tüile: chix mün a Jowanpa Khüthak Zang changle.

ISAIA 45:7

Zangnak hia zangngai pangnyi wüi kue zingpu; mohiman hia thama pangnyi wüi kue apüipu. Ku, Jowanpae, ibu pangwüi mokpu.

MÜNCHUAK-TSAI 73:26

Ku tutex hia tsangtsa azu lechu chang koxlax, ikoxle Zang a ku tsak-zong changle; othuithuima kue lomkya a chix tix changpu.

LAIPAO 19:5

Athax, hünzome ku kax ma laxle ku Tsaotsüt otya ma jangthom, hünzom a ku khünakbu ang changüi. Chaxwannu komle ku kux changpu; hünzom a kue zünle kopkya,

ISAIA 54:5

Nang Zingpupa a nang zongto kakopa tuita ningle changüi — Jowanpa Khüthak Zang a chix mün changle. Israel nok otsao Zang-e hünzom khosünle kopüi — chix a zangfang pangwüi apünkya mix changle.

ISAIA 51:15

“Ku a Jowanpa hünzom Zang changle; tinu kha kue lüixle aluakpu ilaxle ija tichap akhong ang tompu. Ku mün a Jowanpa Khüthak Zang changpu!

ISAIA 47:6

Ku a ku khünaknu füi mongtsikle ngokya; kue hwom to ku kux chichangkya ningle hwon: kue hwom a nang tsak-zong chak to kox, ilaxle nange hwom hato chingcha ojao chiaho; zunu-zupabu to ngaxchu nange ziamale hwon.

ISAIA 47:4

Israel nok otsao Zang-e kem dan-e— chix mün a Jowanpa Khüthak Zang.

WANWÜNKAX 16:4

Jowanpae zingkya pangnu li ma oshuk-oza tüipu; ikoxle chichang-chizangkya khünakbu oshuk a oli thukya thama changpu.

MÜNCHUAK-TSAI 142:5

Jowanpa, ku to fongle fa angkya hanpakma nang nyakle ku akhongpu; Jowanpa, nangtix ku khowapa changpu; ku tsün ma kue lomkya nang tata wüi.

JEREMIA 10:6

Jowanpa, nang lailaikya mix owa müntüi; nang a chitho-jalün, ilaxle nang mün a chongle tamchu tsak-zongle tüile.

JEREMIA 33:2

Jowanpa, owae chaxwannu zingle alaipuix, owae ija alailaxle ija onui ma danle changpuix, chixe ku füi akaxle. Chix owa ang Jowanpa le amünpuix, chixe thüi:

AMOS 4:13

Zang a tuita haxhuabu zingkya mix changpu ilaxle chixe zangwinbu zing. Chixe chix mongtex khünaknu ang awan ang tom; chixe anyixning a awünning ang achang. Chix a chaxwannu pangnu füi sütsua le aham. Jowanpa Khüthak Zang: Ija a chix mün!

ZEKARIA 2:12

Anaole chuwüi, chix otsao haxtok ma, Judah a Jowanpa zongto ataxkya tuina ang changüi, üntoxle Jerusalem a chixe ataxle mongkünkya tingnu ang changüi.

LAIPAO 34:9

Chixe thüi: “Nang otsingtomtata ma ku füi mongzom müikya jangchang, kue nang kwom füi tomle azuihüi le tsaiju-kaxjupu. Ibu khünakbu a kax ma chilaxkyabu changle, ikoxlechu kwome mokdaokya bao mwot hia ochax thailakkya tüifa. Kwom a nang khünaknu lüwüi pongle laxhüi.”

MÜNCHUAK-TSAI 33:6

Jowanpae zangkhobu chix kaxtom füi zingle alaipu, chix kaxbu füi zanghan hia lyetnu üntoxle lyettsibu zingle alaipu.

ISAIA 19:25

Jowanpa Khüthak Zang-e hwom to mohimanüi ilaxle thüiüi: “Kue hünzom to mohimanüi, Ijip nok, hünzom ku khünakbu; nang, Asiria, owa kue zingle alaipuix; ilaxle nang, Israel, kue zünle kopkya khünaknu.”

JEREMIA 46:18

Ku, Jowanpa Khüthak Zang a wanghompa changle. Ku a khüzün Zang changle. Tabor Haxnu haxhuabu to kaile tsuale tüikya ningle ilaxle Karmel Haxnu tinu to kaile tsuale tüikya ningle, nang to single hüikya mix ma janzüi ile tüiüi.