JEREMIA 10:10 - OTSAO BAIBEL (BSI)

¹⁰ Ikoxle Jowanpa, nang a Zang tsingtsing changle, nang a khüzün Zang changle ilaxle oshuk chitüikya wanghom changle. Chemtue nang mongtsikle changpuix, chaxwannu aloxle; chaxwannu angkya jatlibue nang mongtsik adu ang müntho. (

JEREMIA 10:10 ပူးပေါင်းရင်းမြစ်များ

TSAITONG-KAXTONG 32:4

“Jowanpa a pangnu tsuakkya hünzom khowapa changpu, chix lom ma nguiwangkya hia sukyakya wüi; hünzom Zang a mongong tüikya tamchu otsingtsing changpu; chixe chem supuix ilaxle oja otyatya hex ija mokle.

ISAIA 57:15

“Ku a jento ngokya Khüthak tamchu otsao Zang changpu. Ku a atsuakya khato tamchu otsao nui to ngole, ikoxle kue a puinaile tüikya hia künlop-monglüile tüikyabu füichu ngopu, ija a hwom mongong hia monghom achatle koxtsuak angkya hanpakma.

MÜNCHUAK-TSAI 76:7

Ikoxle Jowanpa, nang thua a pangnusa wüi zale. Nang ngwotnui ma owachu ajong ang chitho, nang mongtsikle changpongma a.

NAHUM 1:6

Chemtue chix mongtsikpuix, ozün ma owa ngothoüi? Khompua-atsikkya chix mongtsik chak tokya owa azang thoüi? Chixe wünle ningkya chix mongtsik thokle adüt; chix tunthoma longnubu haxbu ang achangle akhix.

MÜNCHUAK-TSAI 42:2

Ozün ma tüikya Zang, nang sungkya tilan kuma tüile. Kue nang ngwotnui to nguilaxle chemtue nang shwom ang thoüi?

MÜNCHUAK-TSAI 100:5

Jowanpa a müikya changle; ilaxle chialekya chix mongong oshuk chitüile ngoüi.

MIKNGÜN-OHÜN 20:11

Ifüima kue chongwang tüntong tsekya hia ikha ma thungkya mix ngün. Chix thüntho angkya ding hia hax paole sam üntoxle ibu chatle tamchingün.

MÜNCHUAK-TSAI 31:5

Kue ku nang chak to danpu. Jowanpa, nange ku khosün hüi; nang a mongong ma chialekya Zang changle.

MÜNCHUAK-TSAI 10:16

Jowanpa a othuithuima wanghom jaojao. Opange mama baozangbu to shwomle tüipuix, hwom a ija chaxwan angkya max ang tomüi.

MÜNCHUAK-TSAI 18:7

Ifüima haxwan sile achen üntoxle alox; haxnu chifünbu kang üntoxle atsun, chemthüikoxle Zang ang mongtsik dong.

1 JUHAN 5:20

Keme otsingtsing Zang tuita tsing angkya hanpakma, Zang Hosa ngui laxle kem ang tsingwankya fadaoa le keme awanpu. Kem otsingtsing Zang tuita tamchu Hosa Jisu Khrista füi notom ma womle ngopu. Ija a otsingtsing Zang tuita, tamchu tuita oshuk chitüikya khüzün.

IBRI 10:31

Ozün ma tüikya Zang chak ma dong angkya tüle zadün changle!

1 TIMOTHI 1:17

Oshuk chitüikya wanghom, chizi angkya tamchu ngün ang chithokya chix boma chatle Zang tamchitüi: chix ang achuak achenkya tamchu fuazang othuithuima naxchang! Amen.

1 THESALONIKA 1:9

Kwome hünzom wai pongma hünzome kwom wün chemle pwonle pongkop, chapa shwomle ngokya zangshwom ha tokya ozün ma ngokya Zang thotha ang hünzom chemle chat, ibu pangnu bama khünak noke wüi wünle.

WANGSHEMBU MWOT 14:15

“Ibibi khünaknu, hünzome ija chem mok ang ajongpu? Kukhichu wüi hünzom ningle khünak changpu. Kukhi a iningkya lap chitüikya mwot mokle ngokya tokhange ding hia hax ilaxle tinubu zingle alaikya, anaolechu ibu ma tüikya khünak mixsa; müi-nyax; tamchu pün-zua pangwüi zingle alaikya ozün Zang hato chat angkya bama hünzom hato Kaxho Müikya apuk ang nguipu.

MALAKI 3:2

Ikoxle chix nguikya nyi owae adule thoüi? Chix ngai pongma ozün ma owa ngoüi? Chix a tuita tsakkya sabon ningle, tamchu tu-hi-khop achukle atsaokya wün ningle changüi.

HABAKUK 3:6

Chemtue chix zakpuix, chaxwannu aloxle; chix sün-ngün to jat-libu abünle. Oshuk chitüikya haxnubu sumle paole; otsün lole ngokya haxhuabu thomle dütle, kaitanto chix ahamkya haxhuabu a.

MIKA 1:4

Ifüima chix chitong ma haxnubu chule paoüi wün zui ma müizao chukya ningle; ijabu haxnuchabu to thokle ajenüi haxkho tokhange ti thokle ajenkya ningle.

MÜNCHUAK-TSAI 146:6

ding-hi-hax tamchu tinu shinthuk anaolechu ibu ma tüikya pangwüi zingpupa to a, mongmüi mixbu a hwom changpu. Chixe jento chix kaxtsaobu thomle;

MÜNCHUAK-TSAI 145:13

Nange apün-awangkya ma oshuk müntüi, ilaxle nang a oshuk chitüile chongwangpa changle. Jowanpa a chix kaxtsaobu bama ojao münthai; chix mwot pangnusa wüi chixe chingcha füi mokle.

MÜNCHUAK-TSAI 114:7

Jowanpa nguikya to chaxwannu alox, Jakop Zang nguile tüikya thoto.

MÜNCHUAK-TSAI 104:32

Chixe chaxwannu to hu, ilaxle ija sile alox; chixe haxnubu to lyet, ilaxle ibue wünkhut alaile awüt.

MÜNCHUAK-TSAI 97:4

Chix zangchangjep füi chaxwannu zang angaile; ija ngünlaxle chaxwannu abünle zale.

MÜNCHUAK-TSAI 93:2

Jowanpa, nang tüntong a pongwang tokhange wüi shingmongle tüipu, ilaxle nang a tuwan-zanghan thoto wüi tüile ngokya.

MÜNCHUAK-TSAI 90:11

Nang mongtsik komkaile owae apongle laxdao? Nang shix-makya thuazale chang koxle chem ahüiüihex owae tsingle ngo?

MÜNCHUAK-TSAI 84:2

Ku ikhato ngosele chemtukux texpuix! Ku a Jowanpa Zangshwom-Hom ma ngose tsule.

MÜNCHUAK-TSAI 77:18

Nang zangtsak zangdung atuile apao, ilaxle zangchangjepe fale chaxwan angai; chaxwannu a za üntoxle alox.

JOB LAIPEX 9:6

Zang-e bütixsile chaxwan alox ang tomle; chaxwan nwonle thuathomkya thong longbu ang chix ngole.

2 PUKAX-PANGAO 15:3

Israel nok a okuilole otsingtsing Zang chilax homtoxle ngole hüipu, hwom hama anwot-anole kox angkya nguapabu hia wanlom chilax homtoxle a.

1 WANGHOMBU 18:39

Chemtue khünaknue ija ngünle laxpuix, hwome ma alüile hax to tswonle awütle akhong: “Jowanpa, nang wüi Zang changpu, Zang a Jowanpa tata wüi changpu!”

1 SAMUEL 17:36

Kue chaxnu hia chepnubu obibihex langdaoa, ilaxle kue ija songsari Filistia sün tochu ile wüi moküi. Chixe ozün ma tüikya Zang süpahi ang ngokyabu adix-adale changkya münmüi.

1 SAMUEL 17:26

Dawid-e chix zui angkya khünak ma atüi: “Chuja Filistia mixsün langlaxle Israel nok thajao-wünhai khangkho angaile jangfa thüiningle ija khünak ang chemfaüile tong? Ikoxle Khüzün Zang mün ama angkya ija Filistia songsari mixsün a owale-o?”

KAXFÜNPA-HWOM 5:4

Jowanpa, chemtue nange Seir haxhuabu dantoxpuix, chemtue nang Edom haxsüt tokya laile changpuix, chaxwan alox, ilaxle ding tokhange zangwat-ti düt. Changle, zangfwombu makhange ti thokle adüt.

TSAITONG-KAXTONG 5:26

Khüzün Zang-e wünkha tokhange akaxkya kax atatkya füima ozün ma ngokya khünak tütüichami?

1 TIMOTHI 6:17

Ija tsün ma ahak-aluale ngokyabu ang chingam angkya, ikoxlechu opak chitikkya mwotkat to chichangle, kem mongmüi hanpakma Zang owae pangnu li mongtsutsu le koxpuix, chix to hwom monghom thom angkya kaxtom laxkox.

JUHAN 17:3

Oshuk chitüikya tsün khüzün le thüikoxle, tuita otsingtsing Zang, nang awankya tamchu nange tsanle ajokya Jisu Khrista tsingkya ang thüipu.

MATHI 26:63

Ikoxlechu Jisu dangle ngo. Anaolechu Nguakhoe chix ang thüi: “Ozün ma tüikya Zang mün ma kue tsao sax le thüipu: Nang a Messaiah, Zang Hosa jangchangba kwom hama apua hüi.”

MATHI 16:16

Simon Pitar-e lan: “Nang a ozün ma tüikya Zang Hosa Messaiah changle.”

HABAKUK 3:10

Chemtue haxhuabue nang ngünpuix, hwom abünle za; zangding tokhange ti thokle ajen. Chaxwan mong tokya tibu fuakle lai, ilaxle ibu tichap ding to dong.

JOEL 2:11

Jowanpa zangtsak-zangdunge chix süpahibu ang kaxtom kox. Chix kax ma laxle tüikya zankat naomüibu huanuma tamchu tsak-zongle tüikya. Jowanpa Hanpak-zanghan a chemtukux zadünkya hex! Ija thoto owa paole azan thoüi?

DANEL 7:14

Apün-awang angkya tsak-zong, münchong, hia wangtsak-wangzong chix ang kox, ilaxle zangfang angkya khünaknüsa pangnu jat-lie chix thothale chang ang tom. Chixe apün-awangkya ma oshuk müntüiüi, ilaxle chix wangting münashuk toxüi.

DANEL 6:26

Ku wangting angkya khünak noknusae Danel-e shwomkya Zang chathua zale chang angkya kaxtom koxpu. “Chix a ozün ma tüikya Zang changle, ilaxle chixe jento apün-awangle ngo angkya changle. Chix wangting a chemtuechu münamütüi, ilaxle chix tsak-zong ma oshuk müntüitoxüi.

DANEL 4:34

Wanghompa-e thüi: “Chemtue ija zanglao anüt kaile changpuix, kue zangkho to angakle hu, ijama ku khangka hingle hüi. Kue münchong hia fuazang pangwüi jento ngole tüikya Khüthak Zang ang fa. “Chixe jento apünle ngoüi, ilaxle chix wangting ma oshuk müntüitoxüi.

DANEL 4:3

“Zang-e ku hama ahokya ohünotün a huanuma chongkya changle! Chixe mokkya ohünotün mwotbu a tüle tsak-zongkyabu changle! Zang a othuithuima wanghompa changle; chixe jento apünle ngo angkya changle.

JEREMIA 23:36

Idaile hwome otuechu, ‘Jowanpa hünlit’ kaxhuak a twon angkya jao münchang, chemthüikoxle hwom owawae ija twonle jangchang, kue ku kaxho a hwom hanpakma hünlit tomtata ang achangüi. Khünaknue Jowanpa, ozün ma tüikya hwom Zang kaxbu a nongnong-püilüile achangdaoa.

ISAIA 37:17

Athax, Jowanpa, kwom to apahüi ilaxle kwom to chemle chang-ngopuix hulax. Nang khüzün Zang to adix-adale chang angkya chempangsa Sennacherib-e akaxpuix ibu to apalax.

ISAIA 37:4

Asiria nok chongwangpae khüzün Zang tha ajao ang chix nguakax-wangkho ahüile. Jowanpa hünzom Zang-e ija ajao-ahaile changkya naxatat kox ilaxle ibu akaxkyabu to chixe sikngün naxfakox. Idaile kem khünakbu opang ozün ma tüipuix hwom hanpakma Zang to jopkox.”

MÜNCHUAK-TSAI 68:11

Jowanpa-e kaxtom fa, üntoxle sheko-mixnubue ija kaxho pao:

PONGWANG LAIPEX 21:33

Ifüima Abraham-e Bersheba ma tamarik pün küi ilaxle Jowanpa oshuk-okim chitüikya Zang to shwom.

1 WANGHOMBU 8:60

Ikhoma chaxwannu pangnok-jating towüi Jowanpa ti Zang changpule awan ang kopüi, chix boboma Zang mama tamtüikya münchang.

MÜNCHUAK-TSAI 29:10

Tüle zukya tinubu thakma Jowanpae apün; chixe wanghompa ningle othuithuima apün.

MÜNCHUAK-TSAI 68:8

ipongma chaxwannu kangle pao, üntoxle Sinai haxnu Zang nguikya, Israel nok Zang nguikya khoma zangdinge zangwat thokle ajo.

MÜNCHUAK-TSAI 90:2

Haxhuabu zingle alaiüi thoto wüi chichangba chaxwannu zingle alaiüi thoto wüi, nang a oshuk-owang chitüikya Zang ang ngole hüi, ilaxle othuithuima Zang ang ngo angkya changle.

ISAIA 40:15

Jowanpa zongto chaxwannu nok a chemchu münchang, ti thwot tuita tukux ngaxchu münchang; tsailo tokya shuazobu a haxbu ningle chazangle.

ISAIA 65:16

Haxtok angkya khünak owae mohiman jule changüihex, chixe Mongong ma chialekya Zang ma ju angkya changpu. Owae tsaotsütle changüihex, chixe Mongong ma chialekya Zang mün ma chitsüt angkya changpu. Ledaokya sikngün a kaitoxdaoüi ilaxle alak angkya changle.”

JEREMIA 4:2

ku mün lünlaxle kaxlan fa angkya hünzom hanpakma sukya ang changüi. Ifüima pangnu jat-lie ku ang hwom to mohiman angkya akaxüi, ilaxle hwome ku achuakle changüi.”

JEREMIA 4:24

Kue haxnubu to hu—ibu a sile aloxle ngo, ilaxle haxhuabu a paotox chattoxle aloxle ngo.

JEREMIA 50:46

Chemtue Babilon nguakpuix, zangfang abakle sile aloxle ozing tüiüi, ilaxle khong to akhong-akhakya zing mixnokbue atatüi.”

JEREMIA 51:29

Chaxwan jaojao aloxle chemthüikoxle Babilon nok otuechu khünak chingokya tamting ang achang angkya ija mwot Jowanpa chix jaoe aziakya chang koxle.

JIHUSUA 3:10

Hünzome alople hüikya zuma chixe Kanan nok, Hit nok, Hip nok, Peri nok, Girga nok, Amor nok ilaxle Jebu nok; ibu pangwüi jwonle apao angkya changle. Khüzün Zang a hünzom khama womle tüile le hünzome awan ang kopüi.

1 PUKAX-PANGAO 29:11

Akhole tsak-zongkya, fuazangkya, fixfax-jikjeple müikya, tüle zaxzangkya Zang a nang changle. Ding hia hax ma atüitüi komkaile nang kux, ilaxle nang a chongwang hwom pangnu thakma apünkya Zang.

MÜNCHUAK-TSAI 9:8

Chaxwannu chixe otsao makhange apün; sukya kaxfün füi chixe chaxwannu kaxfün.

MÜNCHUAK-TSAI 74:12

Ikoxlechu, O Zang, owangpong tokhange nang a kwom wanghompa jao changpu; nange kwom obi thomthom ma hexle azünle hüipu.

MÜNCHUAK-TSAI 76:8

Zangkangting tokhange nange nang kaxfün tsingle lax ang tom; chaxwannu a zalaxle dangle ngo,

MÜNCHUAK-TSAI 100:3

Jowanpa a Zang changpule awan ang laxkox. Chixe kem zingpu, ilaxle kem chix kux changpu; kem a chix khünaknu, kem a chix chunzyem changpu. B

ISAIA 40:28

Hünzome müntsing hia? Hünzom ma atat hia? Jowanpa a oshuk chitüikya Zang changle; zangfang abakle chixe zingle alaipu. Chix a otuechu münna-münjua. Chix tutex owaechu müntsing tho.

DANEL 6:27

Chixe khosünle tamchu kho-awale; chixe ding-hi-hax nyi bama ohünotün hia khosam fang mwotbu mokle. Chixe mailangbue sax ang chitomle Danel khosünle kople.”

NAHUM 1:5

Jowanpa miksho ma haxnubu file pao; chix pomtho ma haxhuabu chule pao. Jowanpa ngaipongma chaxwannu alox sile alox; chaxwannu hia ima tüikya khünaknu abün.