JEREMIA 1:18 - OTSAO BAIBEL (BSI)

^18-19 Apalax, Jeremia! Ija haxtok angkya pangnusa — Judah nok wanghombu, nguakax-wangkhobu, nguapabu, ilaxle khünaknubu — nang zongto zan ang changüi. Ikoxle anyix kue nang ang ibu to adu tsuak ang janzüi koxpu, nang a, janthongnu hia khop katuk füi ziakople thomkya tingnu tuita ningle changüi. Hwome nang to münlüt, chemthüikoxle nang kho awa ang ku nang füi tüile. KuI, Jowanpae ija akaxpu.”

JEREMIA 1:18 ပူးပေါင်းရင်းမြစ်များ

ISAIA 50:7

Ikoxlechu hwome ajao-adakyae ku to chipo chemthüikoxle Jowanpa Khüthak Zang-e ku to fong. Kue ibu pangwüi adu ang azong. Kue thünzak münkopüile kue awanle,

JEREMIA 15:20

Hwom hanpakmale kue nang a khop füi zingkya katuk tuita ningle shingmongle zingüi. Hwome nang zongto tüiüi, ikoxlechu hwome nang to münlüt. Nang khangkho sünle thom angkya hanpakma ku a nang füi womle tüiüi.

JEREMIA 6:27

Jeremia, nange kho-jan to wanle anokya ningle ku khünaknu to wanle anohu, ilaxle hwom chemningle tüipuix atak-hu.

JEREMIA 37:7

Zedekiah füi akax angkya ile akax: “Ijip nok süpahibu a nang to fong ang nguile ngole, ikoxle ija a hom to chat angkya changle.

JEREMIA 38:2

“Tingnu ma opangsa ngolaxüihex, hwom a zanhok ma chichangba woknuak-tilan ma chichangba okak-olak ma ziüi. Ikoxle opangsa koto lailaxle Babilon nok chak to ma alüile koxle changüihex hwom a münziüi; hwom a mik chimaxle thüingaxchu azangle pao ang kopüi.”

JEREMIA 42:22

Idaile hünzome ija mong ma koplax: hünzom a hünzom kalaxle ngokya haxtok to ochax-ozan chichangba woknuak-tilan chichangba okak-olak, ibu chak ma ziüi.”

JEREMIA 34:3

Nang a paole azang ang münkop; nang a kopüi ilaxle chix chak to koxle apaoüi. Nange chix a thün-khang asaole ngün ang kopüi ilaxle nange chix füi ahuakle zangwün ang kopüi; ifüima nang a Babilon nok to paoüi.

JEREMIA 21:4

ilaxle Jowanpa, Israel nok Zang-e akaxkya ija kax Zedekiah hama wün angkya tom: “Zedekiah, Babilon nok wanghompa hia chix süpahibu füi azan ngokya nang süpahibu to kue ang tomüi. Nang süpahibu chang-pax pangwüi kue tingnu osungwa ma athünle dan ang tomüi.

JUHAN 1:42

Ifüima Simon Jisu hato apüi. Jisu-e chix to hulaxle thüi: “Nang a Juhan sasün Simon; nang ang Kefa le nyaküi.” (Ija a Pitar mün long changpu le thüikya tha).

JEREMIA 38:18

Ikoxle nange chak ajongle chichang, ija tingnu a Babilon nok chak to koxüi, hwome ija zokle ashunüi, ilaxle nang a hwom chak tokya azangle pao ang münkoppu.”

MIKNGÜN-OHÜN 3:12

Zan to anaokya mix kue ku zangshwom-hom ma thong tuita ang achangüi, ilaxle chixe ija otuechu danle müntoxüi. Kue chix ma ku Zang mün zaüi, ija a hozün Jerusalem changüi, oja ku Zang tokhange zangkangting tokya jukya changpuix. Chatlechu kue chix ma ku mün zaüi.

JEREMIA 1:17

Achwonlax, Jeremia; paokox ilaxle kue nang ang akax angkya kaxtom fale tüikya hwom hama pangwüi akaxkox. Athax hwom thua zale taxngo, chichangba nang hwom füi ngole tüipongma kue nang sisi mix zale chang ang tomüi.

JEREMIA 15:10

Ku a chemtukux mongmüi chitüikya khünak tuita hex! Anue ku chemkhoma ija chaxwannu to ngui ang tompuix? Haxtok angkya khünak pangwüi füi ku ahe-atsi ilaxle kax ma ala. Kue ngun-syen owa angchu chikox chichangba owa angkya kue chilax; ikoxlechu noknusae ku to thuakzom.

JEREMIA 26:24

Ikoxlechu ku to fong angkya khünak Shafan sasün Ahikam tüile asukya khoma, ku a khünaknu chak to koxle chiapao ilaxle chilang.

JEREMIA 20:11

Ikoxle Jowanpa, nang a huanu tsak-zong füi kuchima tüile ngo, ilaxle ku to zothuple ngokyabu a dütüi. Hwome othuithui hanpak ang zakkople changüi, chemthüikoxle hwome chianao tho. Hwom zakkop a tam alak angkya münchang.