JEREMIA 1:16 - OTSAO BAIBEL (BSI)

¹⁶ Hwome ochax lyenle changkya khoma kue ku khünaknu to sikangünüi; hwome ku danle toxle, ilaxle mixnok baozangbu ang töbu koxle, tamchu hwom chapabu zingle ilaxle ibu to shwomle.

JEREMIA 1:16 ပူးပေါင်းရင်းမြစ်များ

JEREMIA 19:4

Khünaknue ku chilaxle awütdaoa ilaxle ija onui ma mama baozangbu: baozangbu oja hwomechu chitik, hwom pupabue chitik ilaxle Judah nok wanghombue chuwüi chitik, ibu ang hwome töbu apüile koxkya tokhange ija onui akhudaoa, ikhoma kue iningle mok angkya jao changle. Hwome ijongkha a chemngax chichangkya khünakbu ajie awangdaoa,

JEREMIA 7:9

Hünzome ahuxle, mix langle, chinunchakkaile, tsaosaxle kaxthai zang wünle, Bal ang töbu koxle, ilaxle amipongma hünzome chitikkya baozangbu to hünzome shwomle.

WANGSHEMBU MWOT 7:41

Ifüima hwome maihu ningle omua tuita zing ilaxle ija ang tö kox ang hwome müi lang üntoxle hwom chakzing to mongzom müilaxle müi langlaxle mongmüi atungle fongkhale sax.

ISAIA 2:8

Hwom haxtok a chapabue awangle tüile, ilaxle hwom chakbu füi zingle alaikya mwot-katbu to hwome shwomle.

TSAITONG-KAXTONG 28:20

“Hünzome ochax mwot moklaxle Jowanpa awütle jangchang, chixe hünzom hato okak-olak ahüiüi, jemax-hwonsam ang tomüi, ilaxle hünzom momle tamchu komkaile amütle machang tanto, hünzome mokkya mwottho pangwüi to sikngün apong ang tomüi.

HOSIA 11:2

Ikoxle kue chemtukuxle chix se-lompuix, itukuxle chixe ku hato tok aho.

HOSIA 8:6

Israel zingpabue chapa zingle, ilaxle ija a baozang ngaxchu chichang! Samaria nok ma shwomle ngokya hun maihupong a thuple ashixle ofun ang achang angkya changle!

JEREMIA 44:17

Kwome moküihexle akaxkya pangwüi kwome moküi. Kwome Zangkangting Baozangchanu ang töbu koxüi, ilaxle she to kwome ju füi liüi; ija a kwome tamchu kwom pupa hwome, kwom wanghom hwom hia lompabue Judah tinglongbu ma tamchu Jerusalem tingjang lomnu to mokle hüikya ningle changüi. Ipongma kwom tüle ahak-aluale ngopu, ilaxle chem tingtui chitüile ngopu.

JEREMIA 17:13

Jowanpa, nang a Israel nok monghom changle; nang danle toxkyabu pangwüi ang zak-akopüi. Hwom a haxbu ma asaxkya ningle samdaoüi, Jowanpa, titsao jenkya tümik, hwome nang danle toxkya khokho ma.

JEREMIA 4:12

Jowanpa kaxtom ma hüikya zangwin a tüle janzüi füikya zangwin changüi. Chix khünaknu hato kaxfün khuapukya a Jowanpa chixjao changpu.

ISAIA 37:19

ilaxle hwom baozangbu zokle ashundaoa — ibu a baozang jao chichangkyabu, ikoxle khünake pün hia long, ibu makhange zingle alaikya changkya.

2 WANGHOMBU 22:17

Hwome ku chilaxle awütdaoa ilaxle mama baozangbu ang töbu koxle changdaoa; hwome mokkya mwot ibu makhange ku ang mongtsik adünle changdaoa. Jerusalem zongto ku mongtsikkya tüidaoa ilaxle ija a tam dang angkya münchang.

JIHUSUA 24:20

ilaxle mixnok baozangbu thothale changüi ma hünzome chix danle toxkoxle, chix a hünzom zan to kaüi ilaxle hünzom to sikangünüi. Chix hünzom zongto müile hüidaobachu chixe hünzom max ang tomüi.”

TSAITONG-KAXTONG 31:16

Jowanpae Mosa ang thüi: “Nang a chwonle wüi zi angkya changle ikoxle nang zi füima khünaknu ang mongong chitüile changüi ilaxle kue hwom füi tsaotsütle zingkya Tsaotsüt amaüi. Hwome kop angkya haxtok to ngui füima hwome songsari baozangbu to shwomüi ma ku hato tok ahoüi.

EZEKEL 24:14

Ku, Jowanpae ija akaxdaoa. Ija mok angkya ku hato hanpak nguile hüidaoa. Kue nang ochaxbu naxchanglax le toxüi münchang, chichangba nang hato chingcha-jaja ahole changüichu münchang. Nange chem mokdaopuix, ija bama nang sikngün apong ang tom angkya wüi changle.” Ija Jowanpa Khüthak Zang-e akaxdaoa.

JEREMIA 51:17

Ija ngünkya zuma, khünaknu ang ongat ningle jepale max; opange chapabu zingpuix ibue zakkop chemthüikoxle hwome zingkya baozangbu a othai tamchu hwom ma khüzün chitüi.

JEREMIA 16:11

Ipongma Jowanpa zangwün ija hwom hama apuakox: ‘Hünpu hünpa hwom ku hato tok aho laxle aküile pao ilaxle mama baozangbu to shwom-to tamchu ibu thothale chang. Hwome ku chilaxle awüt ilaxle ku hwon-nwotbu kax ma chilax.

JEREMIA 15:6

Hünzom khünaknue ku chilaxle awütpu; hünzome ku hato hünzom tok ahopu. Ikhoma kue ku chak thüipu ilaxle hünzom zutle akhünpu chemthüikoxle ku mongtsik adule ngo ang ku nale shu.

JEREMIA 11:17

“Ku, Jowanpa Khüthak Zang-e Israel hia Judah nyi küi-thwomkya changpu; ikoxle athax kue hwom a thama füi azapu. Hwome achaxkya khoma hwom khangkho to ija thama alüile ahüilaxpu; hwome Bal ang töbu koxle shwomkya makhange ku mong atsik laxpu.”

JEREMIA 11:12

Ifüima Judah hia Jerusalem angkya khünaknu a hwome tö koxle shwom-to ngokya baozangbu hato paoüi ilaxle hwom to fonghüile ibu sele akhongüi. Ikoxle ija thama hüikya zuma ibu baozangbue hwom azün ang müntho angkya changle.

JEREMIA 10:15

Ibu a laxli chitüikya ilaxle ajaole chang angkya oli; chemtue hwom wai ang Jowanpa nguiüihex ibu a amale awüt angkya changle.

JEREMIA 5:29

“Ikoxlechu, ibu khokho ma kue hwom to sikangün angkya changle; ija nok to kue jannong alüile changüi.

JEREMIA 5:9

Kue ibu khoma hwom to sikangünle tamchu onok to iningle olüix khomle münchangüi hia?

JEREMIA 4:28

Chaxwannu ang nuzaokya tüiüi; zangkho to zangnake awangüi. Jowanpae ija akaxdaoa ilaxle chixe ija chix mong münalüix. Chixe chix mongzangwünle tsuakdaoa ilaxle tam aküile huüi münchang.

JEREMIA 2:17

Israel, nange alüile ija nang ding a nange apüilaxpu. Jowanpa, nang Zang ku nange awütle toxlaxpu, lomjang fole kue nang lom azüingale-a.

JEREMIA 2:13

chemthüikoxle ku khünakbu ochax oli anyi lyendaoa: hwome ku hato, tsaothakya tümik hato tok ahodaoa, ilaxle hwome titungbu thole changdaoa, ti kople thom ang chimüikya titungbu a.

ISAIA 65:3

Zakmax-thünbale hwome ku ang mong atsikle ngo. Otsao tsawatkha ma hwome songsari baozangbu ang töbu koxle chang.

ISAIA 44:15

Khünake ija züita ha ang taküi ilaxle mama a chapabu zingle alai ang twontsuak. Ilaxle mama müitombu a wüntak laxle chix tsangtsa alom ang lax tamchu ana atsanle zing angchu laxtsuak; ifüikya jongta kha a ija to shwom angkya hanpakma baozang zingle chang ang tsuak.

2 PUKAX-PANGAO 34:25

Hwome ku hato tok ahopu ilaxle mama baozangbu ang töbu koxle changpu. Hwome mokkya ibu mwot makhange hwome ku ang mongtsik adünle changdaoa. Ku mongtsik a Jerusalem zongto wünchua le jao changdao, ilaxle ija a chwonpai ma amüt ang münthopu.

2 PUKAX-PANGAO 15:2

ilaxle chix a wanghompa Asa füi apong ang pao. Chixe nyakle thüi: “Wanghompa Asa, tamchu Judah hia Benjamin ma ngokya khünaknu, ku kax to apahüi! Hünzom chix füi ngokya kople Jowanpa a hünzom füi tüipu. Hünzom chix lomle jangchang, chixe hünzom ang chix atak ang tomüi, ikoxlechu hünzome chix hato tok ahole jangchang chixechu hünzom hato tok ahoüi.

2 PUKAX-PANGAO 7:19

Ikoxlechu nang üntoxle nang khünaknu, kue koxkya wanlom hia kaxtombu kax ma chilaxle tamchu mixnok baozangbu to shwomle jangchang,

JOEL 2:11

Jowanpa zangtsak-zangdunge chix süpahibu ang kaxtom kox. Chix kax ma laxle tüikya zankat naomüibu huanuma tamchu tsak-zongle tüikya. Jowanpa Hanpak-zanghan a chemtukux zadünkya hex! Ija thoto owa paole azan thoüi?

MIKNGÜN-OHÜN 9:20

Ibu thama ma mik chiamütle toxkya khünak owachu ma chak-mwot tokya mong chichat. Hun, khop, janjong, long hia pünbu makhange zingkya chapabu owae ngün ang, atat ang, tamchu aham ang chitho, ibu baobu shwomkya hwome chitox.

JEREMIA 2:28

“Hünzom hanpak ang zingle alaikya hünzom baozangbu omaün? Hünzom sikngün-tuitaile changpongma ibu ang azünhüile thüilax—hwome tsuak angkya oli jangchangba! Judah, hünzom ang tüile ngokya tingnu büta hünzom ang baozangbu tüihupu.

JEREMIA 10:3

Ibu khünakbu zanglom a chilaxle zanglom changpu. Pün tuita faokha to dak lanle awütpu; ikoxle ija anyok-anyaile zing angkya a pün zingpabu mwot

2 PUKAX-PANGAO 28:2

Chixe Israel nok wanghom hwom hwon lax. Chixe jan makhange zingkya Bal mua thom,

JEREMIA 2:19

Hünzom ochaxe hünzom towüi sikngün fa angkya changpu, ilaxle hünzome ku hato tok ahokyae hünzome wüi thajao kop angkya changpu. Jowanpa hünzom Zang ku awütle toxkya chemtukux khaxkya hex tamchu thaikya hex ija hünzome awanle laxüi, ilaxle hünzom mongong tüikya füi ku ma ngo ang chikople changüi. Ku, Jowanpa Khüthak Zang-e ija akaxdaoa.”

JEREMIA 7:17

Judah tingnu hia Jerusalem tingjang lomnu to hwome chempangle mokle ngopuix ngüncha?

JEREMIA 7:18

Naosombue ha afox, mixpabue wüntak, ilaxle hwome baozangchanu le nyakkya baozang ang kox angkya hanpakma mixnu hwome an atswomle atsan. Hwome ku mong thomzünle chang angkya hanpakma mama baozangbu ang chuwüi ju apüile töbu kox.

JEREMIA 18:15

Ikoxlechu ku khünaknue ku alakle asam; hwome chapabu tuntho to ongan müikya sobu zok. Hwome müile lehaxkux lom ma hwom chikho thu; hwome athaxpi kaikya baozangbu lom ojao chito; hwom a oshua chitüikya lombu to aham.

EZEKEL 16:18

Kue nang ang koxkya takle zingkya nyibu lax ilaxle ibu füi ibu muabu to chwople kox, ilaxle kue nang ang koxkya olip münga hia ongan müikya sobu ibu muabu ang kox.