JEREMIA 1:15 - OTSAO BAIBEL (BSI)

¹⁵ chemthüikoxle shuakux chitokya jat-libu pangwüi kue ikhato ngui ang sele ngopu. Hwome wanghombue hwom tüntongbu a Jerusalem zünkai ma tamchu ija long katukbu akhople ajongüi ilaxle, ilaxle Judah haxtok angkya mama tingnubu akhople chuwüi ajongüi.

JEREMIA 1:15 ပူးပေါင်းရင်းမြစ်များ

JEREMIA 43:10

Ifüima hwom hama, ku, Jowanpa Israel nok Khüthak Zang-e ija khato ku dapa wanghompa Nebukadnezar apüiüi, ilaxle chixe ilaxle hünzome akhünle thomkya longnubu tok ma chixe chix chongwang ngwotnui danüi. Ibu ding ma chixe chongwanghom nyihom pünle ajongüi.

JEREMIA 25:9

‘Kue noknusa hanpakma shuakux chitokya khünakbu ahüiüi ilaxle ku da hanpak ang Babilon nok wanghompa Nebukadnezar ahüiüi. Kue hwom a Judah hia ima tüile ngokya khünaknu tamchu tomzi nok pangnusa füi azan ang apüiüi. Kue ija jat-li hia tomzi nokbu pangwüi amütüi ilaxle othuithui hanpak ang olithule amatoxüi, ija a mikngün ma tuita khomtsikya hia abüt angkya oli changüi. Ija kax, Jowanpa kue akaxdaoa.

JEREMIA 9:11

Jowanpae thüi: “Kue Jerusalem a pünle amadaokya tamting ang achangüi, hijanbu ngwotnui ang achangüi; Judah tingnubu a sak-hax ang achangüi, owachu chingokya onui tuita ang a.”

JEREMIA 4:16

Hwom a onokbu ang kaxkhün kox ang tamchu tsailo nok tokya zanpabu nguile ngokya bama Jerusalem hama apua angkya hanpakmale nguikya changle. Zan-nok ibue Judah nok tingnubu füi alünle akhongüi

JEREMIA 39:3

Chemtue Jerusalem hwople koppuix, Babilon nok angkya wanghompa nguakax-wangkhobu achongchong pangwüi ngui ilaxle Osungkha angkya Zünkai ziakop, ikhama Nergal Sharezar, Samgar Nebo, Sarsekim, hia mama Nergal Sharezar ibu womle.)

JEREMIA 10:25

Nang mongtsik a nang to chishwomkya nok chito apaokox ilaxle nang pongle chikopkya nok chito a. Hwome nang khünaknu langhudaoa; hwome kwom komkaile jao amütdaoa ilaxle kwom chaxwan pünle ama toxdaoa.

ISAIA 22:7

Haxzao füikya Judah haxsha a man-kanlinbue awangle tüile; mankho ma ngale tüikya süpahibu Jerusalem zünkai tunthoma ajongle tüile.

MANGSOP 5:11

Kwom kakonubu to Zaion Haxnu ma jao shingnünle chang; Judah nok tingkhua pangnu khato wüi kwom sacha hwom to shingnünle chang.

JEREMIA 44:6

Ikhoma kue ku mongtsik hia mongma Judah tingnubu hia Jerusalem tingjang lombu ding ma thokle adüt, ilaxle kue ibu wün to zokle ashun. Ibu pünle amatox, ilaxle ibu a, anyix kople tüikya ningle mikngün zongma tuita khomtsi angkya oli ang ngole hüi.

JEREMIA 34:22

Kue hwom ang kaxkoxle changüi ilaxle hwom a ija tingnu hato chatüi. Hwome ija to singüi, ija hwople kopüi, ilaxle ija zokle ashunüi. Kue Judah angkya tingnubu a owachu chingokya sak-hax ang achangüi. Ku, Jowanpae ija akaxdaoa.”

JEREMIA 33:10

Jowanpae akax: “Khünaknu thüile, ija onui a sak-hax ningle tüile, ikhama khünak hia müi chemchu müntüi. Ilaxle hwom a otsingtsing changle; Judah angkya tinglongbu hia Jerusalem tingjang lomnu pangwüi ahuasakle tüile; ikhama khünak hia müi chemchu münngo. Ikoxlechu ija onui ma hünzome tamchatle ozing atat ang kopüi,

JEREMIA 25:28

Ikoxle hwome nang chak angkya wansa koplaxle ija angkya münlingpule angamle jangchang, Jowanpa Khüthak Zang-e hwom ang ling ang tom angkya jao changpule khünaknu hama apuakox.

JEREMIA 10:22

Apalax! Kaxho hüidaoa! Shuakuxchi ma tüikya nok tokya zandün zing huanuma tüile; hwom süpahibue Judah tingnu a sak-hax ang achangüi, hijanbu ngokya onui tuita ang a.”

JEREMIA 6:22

Jowanpae akax: “Tsailo tokya khünakbu shuakuxchi nok tokhange azan ang achwonle hüile ngole.

JEREMIA 5:15

Israel khünaknu, Jowanpae tsailo nok hünzom to sing ang ahüi ngole. Ija a kai wüikya tamchu tsak-zongle tüikya, hünzome hwom zangwün chitsingkya onok tuita changle.

JEREMIA 4:6

Zaion chitole angkya lom apua laxkox! Khangkhosün ang ziklax! Shenle taxngo! Shuakuxchi tokhange Jowanpae huanu thomjo hia thama apüile ngole.

JEREMIA 13:20

Jerusalem, hulax! Nang zanpabu a shuakux chitokhange nguile ngole! Nang ang hulax-ole koxkya khünaknu omaün, nang khünaknu opang bama nang mongngamle ngokyahex?

JEREMIA 34:1

Babilon nok wanghompa Nebukadnezar hia chix süpahibue, chaxwannu nok opang chix fang ma tingnu-noksa ang changle ngopuix, ibu nok angkya süpahibue namfong laxle, Jerusalem hia ija akhople tüikya tinglongbu to tingtakle changpongma Jowanpae ku füi akax.

JEREMIA 46:24

Ijip khünakbu ang zak akop; hwom a shuakux noke tingtakle kop. Ku, Jowanpae ija akaxdaoa.”

EZEKEL 32:30

“Shuakuxchi tokya wanghombu pangwüi ikhato tüile, ilaxle Sidon nokbu chuwüi tüile. Noxta a hwom tsak-zong thoto khünaknu khomtsile tüikya, ikoxle athax a zan ma maxkyabu füi tomle chingcha aho angkya mix owa chitüile ngo ang amalum to nguile ilaxle khwonzüt zom chizingkyabu ningle nazak lax ang shuile ngole.

JOEL 2:20

Shuakuxchi tokhange nguikya zazwop-kuknu süpahibu kue apaoüi ilaxle züizüi sak-hax chito jwonle apaoüi. Hwom khama tunpa thom a Omang Tinu khato jwonle apaoüi, hwom füikomle tüikya thom a Mediterenian to jwonle apaoüi. Hwom zikya omangbu tüle nom-sya le changüi. Hwome hünzom to chempangle mokdaopuix ibu khoma kue hwom max ang tomüi.

ZEKARIA 6:6

Mannakbue linkya man-kanlin a shuakuxchi Babilon nok to dongle ngokya. Manthobu a hannop chito kale ngokya, ilaxle münwan füikya manbu a shuathongchi chaxwan to kale ngokya.