JEREMIA 1:12 - OTSAO BAIBEL (BSI)

¹² “Nange changle akaxdaoa, ilaxle ku kax changle ngaikya to kue hule ngopu le Jowanpae lan.”

JEREMIA 1:12 ပူးပေါင်းရင်းမြစ်များ

EZEKEL 12:28

Idaile hwom hama thüikox, Jowanpa kue hwom füi akax ngopu: Athax shenle ngoüi münchang. Kue chem akax daolaxpuix ija mok angkya changpu. Ija Jowanpa kue akaxdaoa!”

EZEKEL 12:25

Hwom füi Jowanpa ku jaoe wünüi, ilaxle kue chem akaxpuix ija mokle changüi. Ija mok angkya shenle münngo. Hünzom ozün ma tuipong ma wüi, hünzom alün-aloxle tüikyabu, hünzom ang kue chem moküihex-ole kaxkhün koxdaopuix ija kue mok angkya changpu. Jowanpa kue thüipu, ija kue akaxdaoa.”

KAXHO MÜIKYA LUK 10:28

Jisu-e chix ang thüi: “Nang kaxlan changtomtale, ile moklax ikoxle nang ozün ma ngoüi.”

AMOS 8:2

Jowanpae ku ma atüi: “Amos, nange chem ngünpu?” Kue lan: “Pünziak awangle tüikya tsong tuita ngünle.” Jowanpae ku ang thüi: “Ku khünaknu Israel nok hato oshuk hüidaoa.

TSAITONG-KAXTONG 5:28

“Chemtue Jowanpae ija atatle laxpuix, chixe ku ang thüi: ‘Ija khünakbue chempang akaxpuix ibu kue atatle laxdaoa. Hwome changkyakya wüi akaxle.

TSAITONG-KAXTONG 32:35

Jowanpae hwom to olüix khomüi ilaxle sikangünüi; hwom nguak angkya hanpak nguile hüiüi; hwom max angkya hanpak soxle tüile.

TSAITONG-KAXTONG 18:17

Ikhoma Jowanpae ku füi akax, ‘Hwome changkya wüi akaxpu.

KAXHO MÜIKYA LUK 20:39

Wanlom nwotmixbu züizüie chix kax to lanle thüi: “Nwotmix, nange müile wüi landaoa!”

JEREMIA 31:28

Kue hwom file awüt, bele athai, tswonle awüt, amale awüt, ilaxlechu atsunle chang ang kue chemle mongkoxle mokdaopuix, ilailaile hwom küi-thwom ang tamchu zingle ajong ang kue mongkoxle mok angkya changpu.

JEREMIA 1:13

Ifüima Jowanpae ku füi tamchatle akax. Chixe atüi: “Iboma nange chempang ngün?” Kue lan: “Kue shuakuxchi ma tole ngokya tiknu tuita ngünle, ilaxle ija a ichikao to akheüi khakha.”

ISAIA 55:11

Ija ningle kue wünkya zangwün chuwüi — ijae kue ajangkya mwot chitsuakle müntüi; ijae kue mok ang atomtom pangwüi mok angkya changle.

JEREMIA 24:3

Ipongma Jowanpae ku füi akax: “Jeremia, nange chem ngünpu?” Kue lan: “Fupsabu. Müikyabu a huanuma müile, ilaxle omabu a huanuma male, sax ang jao münmüi.”