JEREMIA 1:11 - OTSAO BAIBEL (BSI)

¹¹ Jowanpae ku ma atüi: “Jeremia, nange chem ngünpu?” Kue lan: “Almon pün okang tuita ngünle.”

JEREMIA 1:11 ပူးပေါင်းရင်းမြစ်များ

AMOS 7:8

Chixe ku ma atüi: “Amos, nange chem ngünpu?” Kue lan: “Jandwonsa tuita shashale ngünle.” Ija ma chixe thüi: “Kue ija a, ku khünakbu a katuk ashei le paoünkya ningle tüile le aho ang twonpu. Kue hwom to sikngün fa angkya bama ku mong tamchatle münalüix.

AMOS 8:2

Jowanpae ku ma atüi: “Amos, nange chem ngünpu?” Kue lan: “Pünziak awangle tüikya tsong tuita ngünle.” Jowanpae ku ang thüi: “Ku khünaknu Israel nok hato oshuk hüidaoa.

ZEKARIA 5:2

Kaxtaimix-e ku ma kue chem ngünpu le atüi. Kue lan: “Zangwin to müikhwon laiza pile ngokya ngünle; ija a sok 14 ojang üntoxle okhao ma sok anüt le tüile”,

ZEKARIA 4:2

Chixe atüi: “Nange chem ngünpu?” Kue lan: “Hun wüntik lotsap tuita ngünle. Okho ma a münga je angkya hanpakma khup tuita ngünle. Lotsap dingma wüntik anüt tüile, tuipong to okia anüt dan angkya onui füi tüile.

JEREMIA 24:3

Ipongma Jowanpae ku füi akax: “Jeremia, nange chem ngünpu?” Kue lan: “Fupsabu. Müikyabu a huanuma müile, ilaxle omabu a huanuma male, sax ang jao münmüi.”

HUAKE LAIPEX 17:8

Ofüi nyix, Mosa Nyihom to nguikya zuma, Liwi hwom pangwüi tsyen ang koxkya Arun kiathox ma chuile osok dongkya ngün. Ija ma osok dongle ochak lai, ija pualaxle almon ziakle oziak jum!

EZEKEL 7:10

Thama apong angkya nyix hüile ngole. Tata füi alünkyae ule hüile. Ongam a oza lünle tüile.

PONGWANG LAIPEX 30:37

Ifüima Jakop-e poplar, almon, hia mama pün angkya pünkang ohingbu lax üntoxle zazadüt le naxtüi ang ibu düntsyen le okhwon lile awüt.

ISAIA 55:11

Ija ningle kue wünkya zangwün chuwüi — ijae kue ajangkya mwot chitsuakle müntüi; ijae kue mok ang atomtom pangwüi mok angkya changle.

EZEKEL 12:25

Hwom füi Jowanpa ku jaoe wünüi, ilaxle kue chem akaxpuix ija mokle changüi. Ija mok angkya shenle münngo. Hünzom ozün ma tuipong ma wüi, hünzom alün-aloxle tüikyabu, hünzom ang kue chem moküihex-ole kaxkhün koxdaopuix ija kue mok angkya changpu. Jowanpa kue thüipu, ija kue akaxdaoa.”

EZEKEL 12:28

Idaile hwom hama thüikox, Jowanpa kue hwom füi akax ngopu: Athax shenle ngoüi münchang. Kue chem akax daolaxpuix ija mok angkya changpu. Ija Jowanpa kue akaxdaoa!”