JEREMIA 1:10 - OTSAO BAIBEL (BSI)

¹⁰ Anyix kue nang ang jat-li hia wangtingbu thakma, ibu file awüt angkya hia bele athai angkya, pünle ama angkya hia khole awüt angkya, zing angkya hia küi-thwom angkya tsak-zong koxpu.”

JEREMIA 1:10 ပူးပေါင်းရင်းမြစ်များ

JEREMIA 31:28

Kue hwom file awüt, bele athai, tswonle awüt, amale awüt, ilaxlechu atsunle chang ang kue chemle mongkoxle mokdaopuix, ilailaile hwom küi-thwom ang tamchu zingle ajong ang kue mongkoxle mok angkya changpu.

EZEKEL 36:36

Ifüima ozün ma tüikya tomzi nokbue, tamchatle tingnubu zingle amüikya hia manzaile haxtok ma ali-akanle chang ang tomkya a Jowanpa ku changpule awan ang kopüi. Jowanpa kue ija ile moküile tsaodaoa, ija mokle changüijao.”

JEREMIA 24:6

Kue hwom to humele thomüi ilaxle ija haxtok to tamchatle ngui ang tomüi. Kue hwom a zingle amüiüi, pünle münamaüi; kue hwom küiüi ikoxle file münawütüi.

AMOS 9:11

Jowanpae thüi: “Kue Dawid wangting oja hom tuita pünle ama thomdaokya ningle tüipuix, ija tamchatle amüi angkya hanpak nguile ngole. Kue ija katukbu tamchatle zaile ajong laxle ija zingle amüiüi. Kue ija chatle zingüi ilaxle amipongma tüikya lailaile zingle achatüi.

AMOS 3:7

Khüthak Jowanpae ajebu, chix dabu hato ngaile chiaho kop homtoxle tütali chu münmok.

ZEKARIA 1:6

Ku dapa aje hwom makhange kue hünzom pupa hwom ang kaxtom hia kaxkhünbu koxle hüipu, ikoxlechu hwome ibu kax to chiapa ikhoma hwome ija olüix apongle sikngün kop angkya lai. Ifüimatix, Jowanpa, kue chemle texlaxpuix ija ningle hwom to sikngün ang tomkya changa, le tsing laxle mongchat.’”

EZEKEL 32:18

Chixe thüi: “Ziün angkya khünak, Ijip nok angkya khünaknu mang soplax. Mama tsak-zongle tüikya onokbu füi tomle hwom a amalum to ajokox.

EZEKEL 43:3

Ija mikngün ohün a, Jerusalem ama ang Zang nguikya kue Kebar Shuanu makhange ngünpongkya mikngün-ohün lailaile tüikya. Ija ma kue haxchi to hule ku thün khom.

1 WANGHOMBU 19:17

Hazael chak tokya chilangle opang azangle tsuaklaxpuix Jehu-e langüi, ilaxle Jehu chak tokya chilangle opang azangle tüilaxpuix Elisha-e langüi.

1 WANGHOMBU 17:1

Gilid angkya Tishbe makhange ajepa Elija-e wanghompa Ahap ang thüi: “Ozün ma tüikya Jowanpa, Israel nok Zang, kue owa thothale ngopuix, chix mün ma kue nang füi akaxpu, kue tamchatle ile chang koxle mathüi tanto hüile ngokya zanglao anyi-azom bama nyen dütkya hia zangwatkya müntüiüi.”

JEREMIA 1:5

“Kue nang ang khüzün zakdün koxüi thoto wüi zünle kopkya changpu, ilaxle nang puxüi thoto wüi nang a jat-libu hato ajepa tuita ang zünle kopdaoa.”

JEREMIA 25:13

Ija laipex ma zale tüikya thama-thomshix: kue Jeremia füi akax pongma, thomshix-thama ojapang füi jat-libu hato ahüi angkya aza-anale changpuix, ibu thama-thomshix pangnusa füi kue Babilon nok to sikangünüi.

JEREMIA 31:40

Ojongkha ma mangzule tamchu oma-oshixbu awütle changpuix, ilaxle Kidron Shuasa zongma thakchi ma handün chito Man Zünkai alople tüikya manzai haxtok pangwüi, haxshasha bakle, ku zongto otsao nui ang changüi. Tingnu a tamchatle otuechu pünle münama chichangba amüt ang müntom.”

JEREMIA 36:2

“Laitün tuita koplax ilaxle Israel nok hia Judah nok tamchu chaxwannu nok pangwüi hanpakma kue nang hama akax daokyabu ku kax pangwüi lai ma zale koplax. Josiah wanghom ang ngopong tokhange athax kopkya mong ma kue nang füi chempang akaxle hüidaopuix ibu pangwüi zale koplax.

JEREMIA 44:27

Ija bama hünzom ahak-aluale chichang angkya ikoxle thama ma maxle max angkya to kue huüi. Ochax-ozan ma chichangba okak-olak ma, hünzom opupuchu ota chitoxle, pangwüi zi angkya changle.

JEREMIA 45:4

“Ikoxle, Jowanpa, kue zingdaokyabu pangwüi pünle ama ngopu ilaxle kue küidaokyabu fuakle awüt ngopu. Ija kue zangfang pangnu to mok angkya changle.

EZEKEL 21:19

Chixe thüi: “Ziün angkya khünak, Babilon nok wanghompa chix changlo füi ngui ang tho angkya lomkua anyi to shin koxle thomlax. Pangnyi wüi onok tuita makhange owang wang angkya changpu. Ija lompong-fak ma lomkua mün apütle thomkox.

EZEKEL 23:36

Jowanpae ku ang thüi: “Ziün angkya khünak, nange Oholah hia Oholibah nyi to kaxfün fang ang achwonle tüichami? Nushix dongkya hokhi mwot khoma hokhi to thaikya kaxhux fe-kox.

HOSIA 6:5

Ikhoma kue ku ajebu, kue kaxfün fa angkya hia thama ahüi angkya kaxho füi hünzom hato ahüipu. Hünzom angkya kue laxse tsukya a tangtho üntoxle tsaothale:

HWON-NWOT-JAONO 3:3

mik-amüt angkya hia azün angkya hanpak tyale thompu, pün angkya hia zingle alai angkya hanpak tyale thompu.