JAKOP 5:7 - OTSAO BAIBEL (BSI)

⁷ Idaile kutüi-kunaohom, Jowanpa mangui tanto aduhüi. Hwom haxtokbue hwom ang ma manzai oziak opua dün angkya hanpakma manzai mixbue chemle adupuix, ito hulax. Tsosa hia khokse zangwat hwome adule tan.

JAKOP 5:7 ပူးပေါင်းရင်းမြစ်များ

JOEL 2:23

“Mongmüilax, Zaion angkya khünaknu, hünzom hanpakma Jowanpa, hünzom Zang-e chempang mokdaopuix ibama mongmüikox. Chixe hünzom ang watun zangwat okhonguile koxdaoa; chixe zangwa ma zangwat hünzom hato thokle ajodaoa ilaxle tsosa zangwat chuwüi amipongkya ningle koxdaoa.

GALATIA 6:9

Idaile müikya mwot mok ang kem taxna-taxjua hax; chemthüikoxle keme danle chitoxle jangmok thüiningle, züt ang hanpak tuita kem hato hüiüi.

TSAITONG-KAXTONG 11:14

Hünzome ile jangmokba, hünzom haxtoke ti lompongkhae chixe ti ajoüi, tso-hi-wa nyi bama, wa-hi-tso nyi bama a, ikoxle tix hünzom hanpak ang saxziak, grep hia olip ziak, ibu tüle puamün ang kopüi,

KOLOSI 1:11

Hünzome pangnu li to thuakjokle adu tho angkya hanpakma, chix fuazang zong makhange hüikya zong pangnu füi hünzom tsakzong le naxchang.

IBRI 6:15

Abraham ma monglomkya tüi, ikhoma Zange chem tsaosüt thomlaxpuix ija chixe kop.

ROM NOK HATO ZAKYA POL LAIZA 2:7

Züizüi khünake mwot müikyakya wüi mokle ngole, ilaxle fuazangkya, üntoxle otuechu chizi chimax angkya tsün lomle; Zange hwom ang oshuk chitüikya tsün khüzün koxüi.

GALATIA 5:5

Kwom hanpakma, Zange kwom sukya ang achangle laxkya a kwom monghom; kwom mongong makhange Zang Chasa zonge mwot mok ngokya Ija a kwome hule tanngokya changle.

JEREMIA 5:24

Kue tsosa zangwat hia watun zangwat ajo laxle zanglao foto otutu ma puamün ang tomkox ngaxchu, hünzom ku achuak-achen angkya mong ma otuechu texle chiatak.

1 THESALONIKA 2:19

Kwom monghom, kwom mongmüi, ilaxle chix nguikya zuma Jowanpa Jisu Khrista thüntho ma kwome tholünkya bama kwom ngam angkya, ija a owa khoma: Ija a mama owa khomachu münchang, hünzom khoma tix changpu!

MATHI 24:44

Idaile hünzomchu othuithuima atha anyemle ngolax, chemthüikoxle Khünak Hosa a nange chemtex chile ngopong khae nguiüi.

HOSIA 6:3

Kemepi Jowanpa tikle lax ang azong hax. Tütakoxchu zangngaile hüikya ningle, ojao chithaile chaxwan tok to tsosa zangwat dütkya ningle, chix a kem hato hüiüi jaojao.”

1 THESALONIKA 3:13

Ile chixe hünzom tsakzong ang koxüi ilaxle kem Jowanpa Jisu Khrista chix khünaknu füi ngui nyix Hopa Zang thüntho ma hünzom ofwot chitüi le tamchu otsao ang achangüi.

MATHI 24:27

Chemthüikoxle Khünak Hosa a handün tokhange hannop kople zangding pangnu khato nyanle zangchang ajepkya ningle nguiüi.

ROM NOK HATO ZAKYA POL LAIZA 15:4

Otsao Lai kaxe fakya zongdün hia adukya makhange kem ang monghom tüi angkya bama, Otsao Lai ma chem zalaxpuix, pangnu wüi kem hama anwot-ano ang zapu.

ZEKARIA 10:1

Jowanpa ma tsosa zangwat julax. Zangwat angkya zangfwom hia nyenti ajo laxle noknusa hanpakma chaxwan thün hingshüile achangkya a Jowanpa tix changle.

2 PITAR 3:4

Hwome hünzom wanjaile akaxüi: “Chix tamchatle nguiüi hexo le tsaokya chix omaün? Kem pupa hwom kaiwüi ziüna, ikoxlechu chaxwannu a zingpongkya ningle pangnu li wüi otyatya ma wüi tüile!”

1 THESALONIKA 1:3

Chemthüikoxle hünzome chemle hünzom mongong mwot ang achangle twonpuix, hünzom mongküne hünzom ang azongle mwot amokpuix, üntoxle Jowanpa Jisu Khrista tokya hünzom mongong chemle oshing mongle tüipuix, ibu kwome kem Hopa Zang thüntho ma texle atakpu.

1 KORIN 1:7

ile hünzome Jowanpa Jisu Khrista ngaile aho angkya to hule ngokya tukma hünzome mohiman chikople oli tuitachu chitox.

KAXHO MÜIKYA LUK 21:27

Iponge Khünak Hosa zangfwom ma tsakzong hia fuazangkya füi ngamle jukya hwome ngünüi.

KAXHO MÜIKYA LUK 18:8

Kue thüipu, chixe hwom chima sele kaxfün chwonle wüi faüi. Ile changkoxchu chix nguikya zuma chaxwannu ma Khünak Hosae mongong ataklax angma hex?”

KAXHO MÜIKYA LUK 8:15

Haxwan Müikya khato dütkya tsaxtsang a; Zang Kaxho atatlaxle, ija kax ma laxle mongtsang ma athünle thom, ilaxle oziak opua mamün-mamünle adu ngokyabu changpu.

MATHI 16:27

Chemthüikoxle Khünak Hosa ju angkya tüile. Chix a chix kaxtaimixbu füi fuazangle juüi ilaxle pangnusa ang wüi chixe ma mwot-mwot ma thütle hingho koxüi.

MATHI 16:28

Kue thüipu, Khünak Hosa chongwang ang achangle nguikya mangün tanto ikha ma ngokya züizüie zikya füi münapongüi.”

JUHAN 21:22

Jisu-e chix ang thüi: “Ku mahüi tanto chix a ozün ma ngo ang tom koxle nang to chem pox, nange a ku man tolax!”

JUHAN 21:23

Ikoxle ija wangshem a münzi angkya ta le Jisu wangshembu khama zangwün pu. Ikoxle Jisu-e chix ang münzi angkya le thüikya chichang. Ikoxle chixe thüikya a: Chix mahüi mahüile ija mixsün ang ozün ma wüi tanle ngo ang tom angkya Jisu mongtex namchang thünba Pitar to chem pox, le thüikya kax changkya.

JAKOP 4:11

Kutüi kunaohom, hünzome tata to kaxma taxthüi. Opupue mix ang kaxma thüipuix chichangba mix kaxfün puix, chixe wanlom füi kaxma akaxpu tamchu wanlom kaxfünpu, ikoxle nange wanlom kaxfün le jangchang thüikoxle, nang a wanlom lwot tokya mix chichangle kaxfünkya mix ang changpu.

JAKOP 5:3

Hünzom hun hia jangjong to syake lwopdaoa, ilaxle syak ibu a hünzom zongto kaxkhi ang changüi ilaxle wün ningle ijae hünzom müi saxüi. Anyixkya oshuk din-pan to hünzome ibu ngun-syen athünle.

JAKOP 5:10

Kutüi kunaohom, Jowanpa mün ma akax daokya ajepabu hünzome texle ataklax. Sikngün pongma apyen angkya bama hwom a kaxpan ang laxkox.