JAKOP 5:4 - OTSAO BAIBEL (BSI)

⁴ Ma haxtok ma thomkyabu ang hünzome owa angchu hingchak mün mafa. Apalax! Nang tsaxzüt hingchak kakyabue akhongkya ozing Zang, Khüthak Jowanpa na to nguidaoa.

JAKOP 5:4 ပူးပေါင်းရင်းမြစ်များ

LIWI 19:13

“Nange owawa mwot-kat zongma laxle taxpao chichangba mix ziasyen shomüi ang taxlax. Nange mwot amok daokya khünak ang hingchak mün chifa homtoxle jata ngaxchu taxthom.

JEREMIA 22:13

Chisukya olom tokhange ija hom zaile alaikya tamchu ija achenle zingkya mix; owae chix khünaknu ang muato mwot amokpuix ilaxle hwom ang hingchak mün chifale changpuix, chix a maxdaoa.

ROM NOK HATO ZAKYA POL LAIZA 9:29

Ija a amiba wüi Isaia-e akax daokya ningle, “Khüthak Zange kem oli chitox thüikoxle, kem a Sodom ningle achangünse, kem a Gomorah ningle changdaose.”

MALAKI 3:5

Jowanpae thüi: “Hünzom khato kaxfün fa-ang ku ngaiüi, ilaxle chajik muashem mwot mokkyabu, chinunchakkaikyabu, othai kaxkhi koxkyabu, mwotmok mixbu to hingchak mün ma sip-ba le changkyabu, zomnu-khaxsabu hia mixnok wünpa to jemle tüikyabu, Ibu opange ku chathua zakya chitüipuix, hwom pangnu hanpakma, ku mik füi ngündaokya kaxkhi kox ang kue hanhomle tanle münngoüi.

LAIPAO 22:27

chemthüikoxle chix tsangtsa alomle thom angkya nyi-za hexle chix ang itata wüi changle; chichangthüiba chix a chem ma jipüi? Ku ma chingcha tüikoxle, chemtue chixe ku hato asunhüile akhongüihex, kue chix to lanüi.

KAXHO MÜIKYA LUK 18:7

Üntoxle Zange zünle kopkyabu opange hwom to asunhüile zangnak zangngai chix nyakle akhongle ngopuix, chixe hwom khosele kaxfün münfaüi hia? Üntoxle hwom khosele kaxfün ang shen ngoüi hia?

MÜNCHUAK-TSAI 9:12

Sikngün apong daokyabu Zang-e texle atakle; hwom sopkya chixe münalak, üntoxle hwom to thaile mokdaokyabu to chixe sikngün fale.

JOB LAIPEX 34:28

Hwome mixshix-zasabu Zang nyakle akhong ang atsangle, ilaxle asunle fa angkya mix lomle hwom akhongkya Zang-e atatle.

LAIPAO 3:9

Israel khünaknu sopkya ozing ku na to nguidaoa. Ijip noke hwom to chemle sikngün ang tompuix, ibu bakle kue ngünle laxdaoa.

PONGWANG LAIPEX 4:10

Ifüima Jowanpae thüi: “Nange iningkya khomtsikya mwot büthüikoxle mokpu? Jannong alüi ang nyakle akhong ngokya ningle haxkha tokhange hünnao ajie ku hato akhongle ngole.

KOLOSI 4:1

Opunubu, hünzome ma dabu to tomwüi ilaxle sukya lom ma hume kox. Hünzom hanpak angchu zangkangting to hopupa tuita tüile le texle ataklax.

HABAKUK 2:11

Pan angkya long katuke ngaxchu hünzom ang omale kaxthüi le akhongle, ilaxle püitho-zuanoe ija kaxho taile apukle.

ISAIA 5:7

Israel nok a Khüthak Jowanpa haxtok changle; Judah angkya khünaknu a küi angkya zubu changle. Chem müipuix ija moküile chixe hwom to mongong, ikoxle hwom mixe mixmik amütle chang. Chem supuix ija moküile chixe hwom to mongong, ikoxle hwome chakmokle changdaokyabue sukya kaxfün fahüile akhong.

ISAIA 1:9

Jowanpa Khüthak Zang-e züizüi ozün ma chitox thüikoxle, Jerusalem a Sodom hia Gomorah tingnubu ningle komkaile amadaose.

TSAITONG-KAXTONG 15:9

Hünzome thashe münlaxngole dantox angkya hanpak nguile hüikya ngünlaxle, chix ang tütali kox angkya to taxakhüix. Iningkya haxshix tutex hünzom khangka ma wang ang taxtom. Ija thashe kox ang nang mong chitsule jangchang, chixe nang to mongma kopüi. Ija mongma a Jowanpa hato nguiüi ilaxle nang a thaikya mix ang laxüi.

ISAIA 5:9

Khüthak Jowanpa kax kue atatdaoa: “Ibu chongkya hia osün müikya homnubu homhua ang achangle paoüi.

MATHI 9:37

Idaile chixe wangshembu füi akax: “Tsax atu angkya huanuma ikoxle ija züt angkya mwotmok mix a muale wüi.

JOB LAIPEX 7:2

Dahai tuitae kongkya kha zangkhung lomkya ningle; mwotmok mixe hingchak mün tan-ngokya ningle changle.