JAKOP 5:2 - OTSAO BAIBEL (BSI)

² Hünzom ngun-syen samle paole, üntoxle hünzom nyi-za a tsike saxdaoa.

JAKOP 5:2 ပူးပေါင်းရင်းမြစ်များ

JOB LAIPEX 13:28

Ija khoma ku a, pünbui lailaile, Shikshak-shikshem le ku a saxfoe saxdaokya nyinu lailaile.

KAXHO MÜIKYA LUK 12:33

Hünzome ma ma atüitüi abakle hang laxle ngun ma zasabu ang laxkox. Hünzom hanpakma chibui angkya nyitsong lomlax, ilaxle chiashuk angkya, ahuxle chipao angkya üntoxle syake chisi angkya Zangkangting to oshuk chitüikya hünzom tuina athünlax.

ISAIA 50:9

Jowanpa Khüthak Zang-e ku kho-awaüi — jangchangba, ku thaikya owae aho thoüi? Ku ma kaxhux fekya pangwüi paole samüi; hwom pangwüi saxfoe saxkya nyi sumle sampupule samdaoüi.

ISAIA 51:8

hwom a saxe saxdaokya nyi-za ningle samle paoünüi! Ikoxle kue koxkya khosün a jento ngoüi; kue lütkya a othuithui hanpak changpu.”

1 PITAR 1:4

ikhoma Zange chix khünaknu ang kox angle thomkya ahak-aluakya mohiman kop angkya to keme hule tanpu. Shanle chipao angkya chichangba chima angkya chichangba za le chipao angkya, ibu chixe hünzom hanpak ang zangkangting to thomle.

JEREMIA 17:11

Chimüikya lom makhange ngun kople changkya mix a mae chilütkya oti to womkya osa ningle changpu. Chix zaxtan tüipongwama chixe ma ahak-aluakya asamüi, ilaxle oshukshuk ma chix a tuita ongat ang changüi.

MÜNCHUAK-TSAI 39:11

Nange sa-male kwom ochaxbu to sikangün, üntoxle kwome mongkünkya nange siake sikya ningle amüt. Otsingtomta ma kwom a zakdün wünkhut-sa tha ngaxchu münchang! Selah

HOSIA 5:12

Kue Israel nok hato omüt apüiüi ilaxle Judah hato thama apüiüi.

JAKOP 2:2

Namthütba hun khoptüt langlaxle tamchu nyimüi awunlaxle hakpa sün hünzom tusox to ngui, üntoxle nyitsyen zahom laxlaxle zasa sün tuitachu wüi ngui.