JAKOP 5:16 - OTSAO BAIBEL (BSI)

¹⁶ Ijadaile hünzome tata hama ma ochaxbu ngaikox üntoxle tata hanpakma jopkox, ile hünzom kak-lak müi ang tomüi. Khünak mixmüi tuitae jopkya zangjop ma lap tüle-tüle tüile.

JAKOP 5:16 ပူးပေါင်းရင်းမြစ်များ

WANWÜNKAX 15:29

Müikya khünakbue zangjop pongma Jowanpa e nathale, ikoxle ochax khünakbu to chixe nathakya müntüi.

MATHI 21:22

Hünzome jangong thüiba, hünzome zangjop pongma ajuju komle koxüi.”

JUHAN 9:31

Zange ochax khünakbu kax ma münlaxle keme awan ngopu; ikoxle owae Zang chathua zale chix kax ma laxle mokpuix, ija khünak kax chixe apale.

MÜNCHUAK-TSAI 34:15

Otsao khünakbu to Jowanpae nyele thomle ilaxle hwom sopkya chixe atatle;

1 PITAR 2:24

Kem ochax ma zi üntoxle otsao hanpakma ozün ma ngo angkya kuxma, Khrista-e kem ochax chix tsangtsa ma pünsak hato hünle pao. Hünzom komle müi ang tomkya a chix ma mak-khakya tokhange changpu.

JEREMIA 33:3

“Ku nyaklax, kue nang kax to lanüi; nange tsingle chingokya ohünotün hia khomtsikya jali nang hama wünüi.

1 JUHAN 3:22

Keme chix kaxtombu kax ma lax üntoxle cheme chix mong amüipuix ijaja mokkoxle chix ma ajuju keme koppu.

WANWÜNKAX 15:8

Müikya khünakbue zangjop pongma Jowanpa ang mongmüile, ikoxle chichang-chizangkya khünakbue chix hato tö apüikyabu thua chix anule.

WANGSHEMBU MWOT 19:18

Mae mokdaokyabu ahole tamchu noknu thüntho to angaile mongongkya khünakbu huanuma hüi.

1 THESALONIKA 5:17

othuithuima zangjopkox,

JOB LAIPEX 42:8

Athax hünzome maihupong anüt üntoxle chunla anüt Job hato apüilax ilaxle hünzom hanpak ang tö tuita ningle laxkox. Job-e hünzom hanpak ang zangjopüi. Kue chix zangjop to lanüi ilaxle hünzome kop ang asule tüikya ningle kue hünzom thajao wünhaile chang ang müntom. Wünhax thüikoxle hünzome chix lailaile ku bama kaxtsing chiakax.”

PONGWANG LAIPEX 20:17

Abraham kakonu Sarah to ile changdaokya khoma Jowanpae Abimelek hwom homkha angkya mixcha hwom opupu machu supux-sapaile chang ang chitom. Ikhoma Abraham-e Abimelek hanpakma zangjop, ilaxle Zang-e chix amüile fa. Chixe wangchanu hia dacha hwom pangwüi, supux-sapaile chang angkya hanpakma amüile kox.

WANWÜNKAX 28:9

Nange wanlom kax ma laxle chitüi thüiningle, Zang zongto nang zangjop ang nushix dongkya tuita ang changüi.

2 PUKAX-PANGAO 30:20

Jowanpae Hezekiah zangjop to lan, chixe khünaknu thaikya alak, ilaxle hwom to oma chemchu chimok.

HUAKE LAIPEX 11:2

Khünaknue Mosa nyakle chingchahüile akhong; hwome Jowanpa to zangjop ikoxle wün maxle pao.

IBRI 12:13

ilaxle nang chitswon tangtho lom ma thomkox, ikoxtix cha faikya pakle chipaoüi, ikoxle müile mix müiüi.

1 THESALONIKA 5:25

Tüinaohom, kwom hanpakmachu wüi zangjop hüi.

MATHI 3:6

Hwome ma ochax ngai ilaxle chix chak makhange Jordan shuanu ma baptilax.

IBRI 13:18

Kwom hanpakma zangjople ngohüi. Kwome awanle ngopu, kwom khangka hingle tüile, chemthüikoxle chaliama kwome chem supuix ija mokse tsupu.

IBRI 11:7

Chixe ngün ang chitho koxlechu Noa ang füichi hanpakma Zang kaxfün atat ang tomkya a mongong changkya. Chixe Zang kax ma lax üntoxle khua müi, oja mong ma chix tamchu hwom kako pangwüi khosün puix. Ikhoma, chaxwannu a max ang tom, üntoxle Noa-e Zang angkya mongong makhange hüikya otsao mantswon kop.

ROM NOK HATO ZAKYA POL LAIZA 5:19

Üntoxle mixhuak tuitae kax ma chilaxkya khoma khünakbu huanuma ochaxbu ang achangkya ningle, ija lailaile mixhuak tuitae kax ma laxkya khoma khünaknu huanuma Zang füi muamüi ang tomüi.

ROM NOK HATO ZAKYA POL LAIZA 3:10

Otsao Lai kax ma tüikya ningle: “Tsaothakya mix tuitachu müntüi, awan atsing mix chichangba, Zang lomkya mix tuitachu müntüi. Khünak pangnu Zang füi janüna; hwom pangnu wüi othai to leüna; müikya mwot owaechu münmok, tuitaechu münmok.

JIHUSUA 10:12

Jowanpae Israel nok ang Amor nok to lüt ang tomkya nyix Jihusua-e Jowanpa füi zangwün. Israel khünaknu tüipongma chixe thüi: “Zanghannu, Gibeon hwom khangkho ma nang tangle ngoün; Lyetnu, Aijalon haxsha tang ma zakkox.”

IBRI 11:4

Abel-e Kain füi sümüikya Zang ang tö koxkya a mongong makhange changpu. Ija chix mongong khoma Zange chix a otsao khünak changle le lax, chemthüikoxle Zang chix jaoe chixe koxkya tö pongle kop. Chix mongong khoma, chix ziünkoxlechu Abel-e zangwün.

WANGSHEMBU MWOT 10:38

Hünzome, Nazareth nok Jisu bama, ilaxle Zange chix ang Otsao Chasa tamchu tsakzong koxkya bamachu awanle ngopu. Chix pangnu khato aham, üntoxle Zang chix füi tüikoxle khünaknu zongma müikya mwot chixe mok üntoxle haxshix zonge kople thomkyabu pangwüi chixe amüi.

PONGWANG LAIPEX 19:29

Ikoxlechu haxsha ma tüikya, Lot ngokya tingnubu amüt pongma, chixe Abraham texle atak ilaxle Lot a zingmüi ma paole azang ang tom.

JEREMIA 15:1

Ifüima Jowanpae ku füi akax: “Mosa hia Samuel hwom ikhama ku ma tsaiju-kaxjule ajongle tüikoxchu, kue ibu khünaknu to chingcha ojao münaho. Hwome pao ang tomkox; hwom ku miktho angkya apaokox.

1 WANGHOMBU 13:6

Wanghompa Jeroboam-e ajepa ang thüi: “Chingchalaxle Jowanpa nang Zang to ku hanpakma zangjopkox ilaxle ku chak amüi angkya akaxkox!” Ajepae Jowanpa to zangjop, ijama wanghompa chak müile hüi.

PONGWANG LAIPEX 32:28

Ija mixsüne thüi: “Athax nang mün a Jakop le münchangüi. Nang Zang füi tamchu ku füi ashingle changdaoa ilaxle nange wüi anaodaoa; ikhoma nang mün a Israel”

PONGWANG LAIPEX 20:7

Ikoxle athax a, she a hokakopa hato achatle koxdao. Chix a ajepa tuita changpu, chixe nang chizi angkya hanpakma nang bama zangjopüi. Ikoxle nange she chix ang achatle chikox jangthüiba, kue nang ang kaxkhün koxle thüipu, nang ziüi, nang bomachu nang khünaknu pangwüi ziüi.”

1 SAMUEL 12:18

Ikhoma Samuel-e zangjop, ilaxle ija nyix-nyix wüi Jowanpae tsaktsakdungle zangchei-zangwat ajo. Ifüima khünaknu pangnu Jowanpa hia Samuel hokhi thua za;

LAIPAO 17:11

Mosa-e chix chak nwonle thomkya kople Israel noke wüi lüt ikoxle chemtue chixe chak ajole changpongma a Amalek noke lüt.

LAIPAO 9:33

Wanghompa ha angkya achex laxle Mosa a tingnu angkya laile pao. Chixe chix chak ajong laxle Jowanpa to zangjop. Ifüitomle zangtsak-zangdung hia jundüt thwonthütle zak.

1 THESALONIKA 5:23

Pangnu lom ma hünzom otsao ang achangle Zange kwom ang mongsom naxfa ilaxle hünzom ozün komle, thüikoxle chasa khüzün tamchu tsangtsa pangnu, Jowanpa Jisu Khrista nguipongma othai lili füi atsaile sünle thomüi.

KOLOSI 1:9

Ikhoma kwome hünzom bama atatle hüikya tokhange wüi hünzom hanpakma zangjople hüikya changpu. Otsao Chasae fakya hwon-je hia tsingle tsuakkya pangnu füi, tsingwankya chix mongtex füi hünzom awang ang laxkoxle kwome Zang to joppu.

KAXHO MÜIKYA LUK 9:6

Wangshembu pao üntoxle pangnu tingsho towüi aham, Zang Wangting bama Kaxho Müikya apuk ilaxle pangnu khato wüi kakmixbu amüi.

2 SAMUEL 19:19

ilaxle thüi: “Wanghompa, chingchalaxle nange Jerusalem toxlaxle paoüi nyix kue nang zongto achaxle changdaokya thailak tüihüi. Ija ku zongto oma ang mong ma koplaxle taxngo chichangba ija bama ojao mongaole taxngo.

1 SAMUEL 12:17

Ija a, wanu, wonglai tsax atu tu changle. Ikoxle kue jopüi ipongma Jowanpae tsaktsakdungle zangwat ang tomüi. Chemtue ile changüihex, hünzome Jowanpa ma wanghom jukya chix zongto huanuma achaxkya ang achangüna le awanle laxlax.”

JEREMIA 42:2

ilaxle ku füi akaxle thüi: “Kwome nang ang mok-hüi thüikya mwot shong-mok fahüi! Kwom hanpak ang Jowanpa kwom Zang to jople changhüi. Kwom ozün ma toxle tüikya pangwüi hanpakma jople fahüi. Hanpak tuita ma kwom a huanuma tüile ngokya; ikoxle athax a, nange ngün ang kople kwom hidaole wüi dantoxpu.

MARK 1:5

Jehudi chaxwan hia Jerusalem angkya khünaknu huanuma chix kax apa ang Juhan hato ngui. Hwome hwom ochaxbu ngai, üntoxle chixe hwom Jordan shua ma baptile kox.

WANGSHEMBU MWOT 8:24

Simon-e Pitar hia Juhan nyi ang thüi: “Hünkhie akaxkya ku hato chemchu chingui angkya hanpakma chingchalaxle ku bama Jowanpa to jop-hüi.”

1 SAMUEL 1:12

Hannah-e Jowanpa to okuilole jop, ikoxle Eli-e she tun to hule ngo.