JAKOP 5:13 - OTSAO BAIBEL (BSI)

¹³ Hünzom khama owawae sikngün apong ngopia? Chixe zangjopkox. Hünzom khama owawa mongmüi ngopia? Chixe achuakle tsai ngaokox.

JAKOP 5:13 ပူးပေါင်းရင်းမြစ်များ

MÜNCHUAK-TSAI 50:15

Thangnak apong pongma ku selax; kue nang khosünüi, ilaxle nange ku achuaküi.”

EFISIA 5:19

Tata füi münchuak tsai, zangshwom tsai ilaxle otsao tsai makhange zangwünkox; Jowanpa ang hünzom mong ma achuakkya füi zangshwom tsai hia münchuak tsai ngaokox.

JONA 2:2

“Ku maxkya chifün tokhange, O Jowanpa, kue nang nyakpu, nange ku to lanhüi. Tüle zukya amalum panfang tokhange ku to fonghüile akhongpu, nange ku zing atat-hüi.

IBRI 5:7

Ija chaxwannu ma chix tsün ngotanto Jisu-e, zik chak tokya owae khosün ang thoüi hex, ija Zang hato akhongle tamchu mikfi füi zangjop üntoxle ju-lom le chang. Chix ahixkya ang achang üntoxlechu Zang to mongkoxle tüikya khoma, Zange chix zangjop atat.

JONA 2:7

Chemtue ku khüzün chak angkya putle paokya awanle laxpuix, ipongma, O Jowanpa, kue nang to joppu, ilaxle nang otsao Zangshwom-Hom ma nange ku zangjop atatle laxpu.

HOSIA 6:1

Khünaknue thüi: “Athaxpi Jowanpa hato chat-hax! Chixe kem to mak-koxdaoa, ikoxlechu chixe tütakoxlechu kem kak amüile fa angkya changle; chixe kem to mak-khapu, chixe wüi kem mak to lople fa angkya changpu!

MIKNGÜN-OHÜN 14:3

Chongwang tüntong hia ozün ma tüikya müi ali tamchu tüichong mixmüibu, ibu thüntho ma 144, 000 khünaknu ajongle tüikya; ibue hwom tatae awan ang thokya tsaizün tuita ngao. Khünaknüsa khama shakle kopkya hwom tata wüi.

KAXHO MÜIKYA LUK 22:44

üntoxle chix zangmuk ti aji ningle jenle hax to düt.

MATHI 26:30

Ifüima hwome tsai tuita ngao ilaxle laile Olip haxhua chito pao.

DANEL 5:4

ilaxle hwome hun, khop, janjong hia jan, pün ilaxle long, ibu füi zingkya baozangbu to hwome shwom.

MÜNCHUAK-TSAI 118:5

Ku khosam pongma kue Jowanpa to nyak; chixe ku kax to lan ilaxle ku dan.

MÜNCHUAK-TSAI 91:15

Chemtue hwome ku nyaküihex, kue hwom to lanüi; chemtue hwom thangnak ma asuüihex, ku a hwom füi tüiüi. Kue hwom azünüi ilaxle hwom achuak-achenüi.

MIKNGÜN-OHÜN 7:10

Hwome akhongle akax: Chongwang tüntong ma thungle, tüikya hia Chun Hosa, kem Zang tokhange khosün hüile!

1 KORIN 14:26

Tüinaohom, ku kax a ija changle: Hünzom Zang shwom ang asoxkya zuma, khünak tuita tsai lom ma dan, ata mix a hwon-nwot jaono angkya lom ma dan, ata mix a Zange angaile ahokya ngün angkya olom ma dan, ata mix a chitsingkya kax ma kaxho kop angkya lom ma dan ilaxle mama mix a chem akaxpuix ija taile apua angkya olom ma dan. Ibu pangnu wüi müimüithom fün amüile fong angkya hanpakma changkoxle müiüi.

KAXHO MÜIKYA LUK 23:42

Ilaxle chixe thüi: “Jisu, nang wanghom ang achang laxle nguikya zuma ku taxalak.”

MIKA 4:5

Pangnok jating towüi ma baozang-zang to shwomle ilaxle kam ma laxle, ikoxlechu kwome Jowanpa kwom Zang to othuithuima shwomüi.

MÜNCHUAK-TSAI 105:2

Jowanpa achuakle tsai ngaokox; chixe mokdaokya ohünotün mwotbu mo wünkox.

MÜNCHUAK-TSAI 95:2

Chix tuntho to münchong fale hüihax ilaxle mongmüi tsai chix achuakle ngaohax.

MÜNCHUAK-TSAI 18:6

Ku sikngün pongma kue Jowanpa to nyak; ku to asun angkya hanpakma kue Zang nyak. Chix zangshwom-hom ma chixe ku kaxzing atatlelax; chixe fong angkya mix lomle ku sopkya apalelax.

JOB LAIPEX 33:26

chixe zangjopkya zuma, Zang-e chix zangjop to lanüi; chixe mongmüi füi Zang to shwomüi; chix thaikya pangnuli Zang-e achangle zingfaüi.

1 PUKAX-PANGAO 16:9

Jowanpa achuakle tsai ngaokox; chixe mokdaokya ohünotün mwot mo wünkox.

ISAIA 65:14

Hwome mongmüi laxle tsai ngaoüi, ikoxlechu hünzom a mong makya füi sopüi.

1 KORIN 14:15

Jangchangba kue chem moküi? Changle, kue chasa füi zangjopüi, ikoxle kue tutex füi zangjop angkyachu changpu; changle, kue chasa füi tsai ngaoüi, ikoxle kue tutex füi tsai ngao angkyachu changpu.

JAKOP 5:10

Kutüi kunaohom, Jowanpa mün ma akax daokya ajepabu hünzome texle ataklax. Sikngün pongma apyen angkya bama hwom a kaxpan ang laxkox.