JAKOP 5:10 - OTSAO BAIBEL (BSI)

¹⁰ Kutüi kunaohom, Jowanpa mün ma akax daokya ajepabu hünzome texle ataklax. Sikngün pongma apyen angkya bama hwom a kaxpan ang laxkox.

JAKOP 5:10 ပူးပေါင်းရင်းမြစ်များ

IBRI 13:7

Hünzom füi Zang Kaxho akaxkya, pongwang angkya hünzom lompabu taxalak. Hwom chemle ngole hüi üntoxle chemle zi, ibu to aküi le tam ajangle anolax, ilaxle hwom mong ningle chang ang azonglax.

WANGSHEMBU MWOT 7:52

Hünzom pupa hwome sik-chiangünkya aje tuita ngaxchu tüichahex? Chix Otsao Da tuita ngui angkya bama kai wüi apuale fakya Zang kaxho mixbu hwome lang. Athaxchu wüi hünzome chix khohang ilaxle langdaoa.

WANGSHEMBU MWOT 3:21

Zange chix otsao ajebu makhange kaiwüi aje ang koxle thomdaokya ningle, Zange pangnu li wüi hozün ang achangle mazing tanto chix a zangkangting towüi nui angkya changle.

KAXHO MÜIKYA LUK 6:23

Ile changkya zuma mongmüikox, pwonla tungle azüikox, chemthüikoxle hünzom hanpakma zangkang to hingho chongkya thomle. Ibu hopu hopa hwomechu ajebu to ile wüi hwonpu.

JEREMIA 2:30

Kue hünzom to zothuple changpu, ikoxle hünzome müikya chemchu chimok; hünzome ku ang hünzom achangle zing ang chitom. Tüle shix-makya mailang tuita ningle, hünzome hünzom ajebu langle awütpu.

ISAIA 39:8

Wanghompa Hezekiah-e ija a chix din ma tumüi-lomkhaole ngo angkya kax changüile thütlaxle chixe lan: “Nange ku hato Jowanpa tokhange ahüikya kaxho a müihule.”

2 PUKAX-PANGAO 36:16

Oshuk-shuk ma chix khünaknu füi tsikkya Jowanpa mongtsik thoto hwom azangle pao ang chithole machang tanto hwome Zang kaxhomixbu chanyi wanjai, chix kax ajao ilaxle ajebu adale chang.

KAXHO MÜIKYA LUK 13:34

“Jerusalem! Jerusalem! Nange ajebu lang, nang hato Zange ahüikya kaxho mixbu longe thuple lang! Onue osabu to akhuple womkya ningle, kue nang khünaknu nok to tamle ku chake künse le texhupu; ikoxlechu hünzome ku ang ile kün ang chifa!

JEREMIA 26:16

Ipongma khünaknu lompabu hia khünaknue nguapabu hia ajebu ang thüi: “Ija khünake kem füi Jowanpa kem Zang mün ma akaxle; chix a mik max ang chitom koxwüi müiüi.”

JEREMIA 23:22

Hwome ku huxsa tuthüt awanle chang koxba, hwome ku khünaknu hato ku kaxho apukse ilaxle ngole hüikya ochax zanglom hia ochax mwottho hwome danle toxdaose.

JAKOP 4:11

Kutüi kunaohom, hünzome tata to kaxma taxthüi. Opupue mix ang kaxma thüipuix chichangba mix kaxfün puix, chixe wanlom füi kaxma akaxpu tamchu wanlom kaxfünpu, ikoxle nange wanlom kaxfün le jangchang thüikoxle, nang a wanlom lwot tokya mix chichangle kaxfünkya mix ang changpu.

JAKOP 5:7

Idaile kutüi-kunaohom, Jowanpa mangui tanto aduhüi. Hwom haxtokbue hwom ang ma manzai oziak opua dün angkya hanpakma manzai mixbue chemle adupuix, ito hulax. Tsosa hia khokse zangwat hwome adule tan.

JAKOP 5:9

Kutüi kunaohom, hünzome tata mowün ama le taxtüi, ikoxle Zange hünzom ang kaxfün fakya müntüiüi. Kaxfünpa ngai ang a chwonle tüile.

JAKOP 5:13

Hünzom khama owawae sikngün apong ngopia? Chixe zangjopkox. Hünzom khama owawa mongmüi ngopia? Chixe achuakle tsai ngaokox.