JAKOP 5:1 - OTSAO BAIBEL (BSI)

¹ Üntoxle athax, hünzom ahak-aluakyabu, ku kax apalax! Hünzom hato hüile ngokya sikngün bama hünzom soplax üntoxle akhonglax.

JAKOP 5:1 ပူးပေါင်းရင်းမြစ်များ

WANWÜNKAX 11:28

Ma tuina to mongong laxle ngokyabu a tso-hi-wa zit ma pünchak dütle paokya ningle changüi, ikoxle otsao khünakbu a zangtso pünchak mua müikya ningle changüi.

JEREMIA 9:23

Jowanpae thüi: “Jepa tuita chix hwon-je bama, longpa tuita chix tsak-zong bama, chichangba hakpa tuita chix ma tüinangkya bama, tsaichong-kaxbongle chitüi angkya oli.

WANWÜNKAX 11:4

Nange zik apongkya zuma nang ahak-aluale tüikyae chem hwon müntha, ikoxle mong ma thaikya chitüikya khünake ma khüzün sün ang tsuaküi.

JAKOP 1:11

Zanghan khamle huakle dong üntoxle opün zokle ashun; ija opua dütle pao, üntoxle ija osün amale awüt. Ilailaile hwom thalex juatai mwot to sütngo pongma ahak-aluakyabu max ang tomüi.

MIKA 6:12

hünzom hakpabue zasabu müimamale aduk-athang ang tomle, ilaxle hünzom pangwüi tseloplop wüi changle.

ZEFANIA 1:18

Jowanpae chix chabüt-lasün ngünle laxkya nyix, hwom ma tüikya hun hia khopbue ngaxchu hwom khose ang müntho. Chaxwannu komkaile chix mongtsik wün füi bakle amütüi. Chixe chaxwan tok ma ngokya noknusa hato sünto ashuk angkya chaxwan zanghan apüile faüi.

ISAIA 13:6

Kakkoxle awaolax! Jowanpa hanpak a hoxüna; ija nyix a khüthak Zang-e thama apüikya nyix ang changüi.

JAKOP 4:13

Anyix chichangba ngainyix kwom ija tingsho to paoüi ilaxle ikhato zanglao atale thalexle ngunkop-syenloüi, le akaxkyabu, hünzome ku kax apa hüi.

JAKOP 2:6

Hünzome ibu zasabu wün ahaipu! Ikoxle hünzom to zothupkya tamchu kaxfün mixbu thüntho to hünzom linle apüikya; ibu a hakpa luapabu münchang hia?

TSAITONG-KAXTONG 32:15

“Jowanpa khünakbu huanuma ahak-aluale chang, ikoxlechu chix zan to kale tüi; hwom a tüle nutle ilaxle osüt füi wokbu afwot. Hwome hwom zingpupa Zang chilaxle awüt üntoxle tsak-zong füikya hwom khosünpa chilaxle awüt.

JOEL 1:11

Mongmalax, hünzom manzai mixbu; soplax, hünzom opange grep zutong molaxpuix, chemthüikoxle wonglai tsax, tsaxsa tula, changle saxziak pangwüi amütdaoa.

JOEL 1:5

Zolax ilaxle soplax, hünzom jutok mixbu; soplax, hünzom julingle tok-ngakyabu; ju zün langsepa grep ziakbu a amadaoa.

EZEKEL 19:2

Hüntatüi a mailang honu jaojaole tüikya! She-e sasün hwom za-adünkya mailangbu thamkha to atsün.

JEREMIA 4:8

Ikhoma nyikhwon aponglax, ilaxle awaole soplax chemthüikoxle Jowanpa mongtsik zadünkya Judah hatokya machat.

JAKOP 4:9

Mongmakya tüilax, soplax, üntoxle mikfi ajenlax; hünzom nyit sopkya ang achanglax, hünzom mongma mongmüi ang achanglax!

JOEL 1:13

Nyikhwon awunlax ilaxle soplax, hünzom tö-tsap ma thothale ngokya nguapabu! Zangshwom-Hom to nguilax ilaxle zang angaile soplax! Hünzom Zang ang tö kox angkya saxziak hia grepti-ju chemchu müntüi.

MÜNCHUAK-TSAI 17:14

Ija chaxwannu tsün ma laxsese komle tüikyabu chak tokya ku khosünle thomkox. Hwom hanpak ang athünle thomkya zothup füi hwom to sikangünkox; hwom sasün hwom hanpakma nguizuile naxtüi, üntoxle hwom susün hwom hanpak angchu ota tüile naxchang kox!

ISAIA 15:3

Tingjang-lomnu tokya khünaknue nyikhwon awun; tingnu haxsha hia homkhobu to khünaknu mongmaxle mangsop.

EZEKEL 30:2

Chixe thüi: “Ziün angkya khünak, ku, Jowanpa Khüthak Zang-e chempang akaxle ngopuix, ibu aje-kox ilaxle tsing ang tomkox. Nange zangwün ibu khuapu angkya changpu: Tuita thama hanpak hüile ngole!