JAKOP 4:9 - OTSAO BAIBEL (BSI)

⁹ Mongmakya tüilax, soplax, üntoxle mikfi ajenlax; hünzom nyit sopkya ang achanglax, hünzom mongma mongmüi ang achanglax!

JAKOP 4:9 ပူးပေါင်းရင်းမြစ်များ

MATHI 5:4

“Mongmale sopkyabu, mohiman; Zange hwom joxüi!

WANWÜNKAX 14:13

Nyittun sünmüi to mongma pyenle thom ang tsuak. Chemtue mongmüi paole samüihex, mongma a otyatyale ikhama bangüi.

KAXHO MÜIKYA LUK 6:25

“Hünzom athax amünle ngokyabu maxsax; hünzom woknuak ma ngoüi! Hünzom athax nyile ngokyabu maxsax; hünzom sopjua angkya laiüi!

MÜNCHUAK-TSAI 119:67

Nange ku to sikngün faüi thoto, ku a thaile ngohomkya, ikoxlechu athax kue nang kax-kax ma laxpu.

EZEKEL 16:63

Nang thaile hüidaokya pangwüi kue pangwüi alaküi, ikoxlechu nange ibu texle ataküi ilaxle nang tun hyen ang huanuma azakle sütüi.” Ija kax Jowanpa Khüthak Zang-e akaxdaoa.

EZEKEL 7:16

Haxsha tokya osubu abütle paokya ningle züizüi a haxhua to paole azangüi. Hwom pangwüi hwom ochaxbu khoma mongmaxle changüi.

KAXHO MÜIKYA LUK 16:25

“Ikoxle Abraham-e chix kax to lan, ‘Kusa, nang ozün ma ngopongma, nang ang amüimüi pangwüi fadaopuix; ile Lazar-echu chix ang fakya amama kople hüidaoa. Ikoxle athax chix ikha to mongsom ma ngopu, ikoxle nang a sikngün ashukle ngopu.

JOB LAIPEX 30:31

Onox ma kue mongmüi tsaizu ding atatkya khato, athaxpi sopkya hia juakya zing tata atatle.

KAXHO MÜIKYA LUK 6:21

“Hünzom, athax woknuak ma ngokyabu mohiman; hünzom wokfwot tilan müiüi! “Hünzom, athax sople ngokyabu mohiman; hünzom nyi ang ataküi!

MANGSOP 5:15

Kwom tsün angkya mongmüi paole sam; kwom azüizüitha ngokya lüi ma mongsop angkya hüi.

JEREMIA 31:13

Ipongma naochabu ang mongmüiüi ilaxle pwonlatungle azüiüi, ilaxle lükabu, naosom hia mixmüi pangwüi ang pwonla dongüi. Kue hwom mong asomüi ilaxle hwom mangsop a mongmüi ang achangüi, hwom mongtsik-mongma a pwonla ang achangüi.

JEREMIA 31:9

Ku khünaknu a mikfi-tunjile nguiüi, kue hwom zunle changpongma zangjopngale nguiüi. Kue hwom a ti jenle tüikya shuasa hato apüiüi, hwom chikho sua angkya chitüikya lom fünmüi to a. Ku a Israel nok zongto tuita hopa ningle, ilaxle Efraim a ku sasün tüichongsa ningle.”

HWON-NWOT-JAONO 2:2

Akhongle nyikya ongat changale kue atak, ija mongmüie nang to omüi chemchu mokle münkox.

MÜNCHUAK-TSAI 119:71

Ku to sikangünkya ku zongto müikya, chemthüikoxle ijae ku ang nang kaxtombu awan ang tomle.

MÜNCHUAK-TSAI 119:136

Ku mikfibu shuajen ningle jenle ju, khünaknue nang wanlom kax ma chilaxkya ngünlaxle.

NEHEMIA 8:9

Wanlome lomkya hwome atatle laxkya zuma, khünaknu mongto po ilaxle hwom a sop ang süt. Ikhoma Gowarnor Nehemia, nguapa hia Wanlom tsingpa ang ngokya Izra, ilaxle khünaknu hama Wanlom akhixle wünle fangtokya Liwi khünakbu, hwome khünaknu ang thüi: “Anyix a Jowanpa, hünzom Zang hanpakma otsao nyix changle, ikhoma hünzom a sop angkya oli münchang.

MATHI 21:41

Hwome thüi: “Chixe ibu ochax khünakbu langjao langüi ilaxle chix tsyen otia ma koxtsuak angkya mama mwotmok mixbu ang ija haxtok mo ang tomüi.”