JAKOP 4:8 - OTSAO BAIBEL (BSI)

⁸ Zang hato soxle hüikox, ikoxle chix nang hato soxle hüiüi. Ochax khünakbu, hünzome ma chak tsuxlax! Künkux-mongkwombu, hünzome ma mong atsaolax!

JAKOP 4:8 ပူးပေါင်းရင်းမြစ်များ

MÜNCHUAK-TSAI 145:18

Chix se-lomle changkyabu zongto chix a nuisox ma tüile, künkox-mongkoxle se-lomkyabu zongto a.

IBRI 10:22

Idaile chimüikya tutex tokya atsao daokya mongtsangbu hia ti füi sodaokya tsangtsabu füi, künzu-mongzule üntoxle mongao chitüikya mongong füi kem Zang hato hüihax.

MALAKI 3:7

Hünzom a, hünzom tho tokya hünzom putong hwom lailaile ku wanlombu füi atsaile paodaoa, ibu kople thomkya ojao müntüi. Ku hato chat-hüi jangchangba ku hünzom hato chatüi. Ikoxlechu ‘Kwome nang hato chat ang chem-mok angkya?’ le hünzome atüitüi.

ZEKARIA 1:3

ikoxlechu athax kue thüipu, ‘Ku hato chat-hüi, üntoxle ku chuwüi hünzom hato chatüi.

2 PUKAX-PANGAO 15:2

ilaxle chix a wanghompa Asa füi apong ang pao. Chixe nyakle thüi: “Wanghompa Asa, tamchu Judah hia Benjamin ma ngokya khünaknu, ku kax to apahüi! Hünzom chix füi ngokya kople Jowanpa a hünzom füi tüipu. Hünzom chix lomle jangchang, chixe hünzom ang chix atak ang tomüi, ikoxlechu hünzome chix hato tok ahole jangchang chixechu hünzom hato tok ahoüi.

JEREMIA 4:14

Jerusalem, nang mongkha angkya ochax sole atsao dao, ikoxtix nang azang ang thoüi. Ochax tutexbue awang laxle nang chemtukux ngole hüiüi?

1 JUHAN 3:3

Khrista to ija mongkün tüikyabu, Khrista chemle tsaotha le tüipuix, ilailaile ma tsaotha le tamchu sule thomle.

MÜNCHUAK-TSAI 51:10

O Zang, ku ma mongtsaokya alaile fahüi, üntoxle khüzün hia otsao chasa ku ma shole fahüi.

IBRI 7:19

Chemthüikoxle Mosa wanlom makhange chemchu angui awangle zing ang chitho, üntoxle athax a Zang hato kem soxle hüitsuak angkya sümüikya monghom fale tüile.

2 KORIN 7:1

Ku mongkün zuikhuibu, kaxtsao ibu pangnu kem hanpak ang zingkya changle. Idaile, tsangtsa chichangba chasa ma tsao ang chikoxkya oli pangnu tokhange malualua to atsai le ngolax, ilaxle Zang thuazale ozün ma ngokya tokhange kem komkaile otsao ang achangle ngohax.

EZEKEL 18:31

Hünzome mokle ngokya ochax pangwüi danle toxdao, ilaxle hünzom ma künzün-mongzün donglax. Hünzom Israel nok zise büthüikoxle tsupu?

MÜNCHUAK-TSAI 73:28

Ikoxlechu ku hanpakma, Zang zui ma ngo angkya chemtukuxkya ohünotün changüihex, Khüthak Jowanpa hama, chix ziamong ma ngo ang kop angkya üntoxle chu chixe chempang mokdaopuix ibu bama khuapule ngo angkya a!

1 PUKAX-PANGAO 28:9

Anaole chixe Solomon ang thüi: “Ku sasün, nange hünpa ku Zang to otsing changpule ngaitsuak angkya oli changpu ilaxle mong züizüihanle chichang homtoxle mongtsutsule chix thotha angkya changpu. Chixe kem küntex-mongsung komkaile tsingle. Nang chix hato hüile jangchang thüiningle, chixe nang a pongle kopüijao; ikoxlechu nange chix hato tok ahole jangchang, chixe othuithui hanpak ang nang a awütüi.

1 PITAR 3:21

Ija a athax hünzom khosünle tüikya, ti ma baptikya ocha ahokya tuita changpu. Ija a tsangtsa angkya ziak sole awütkya chichang, ikoxle tutex omüi makhange Zang tunthoma tsaosaxkya tuita changpu.

JOB LAIPEX 17:9

Hwom achuak-achen koxle asule tüile le wünkya khünakbu, hwom wüi sukyabu changpule taile jikle laxpu.

MATHI 12:33

“Müikya pünziak kop angkya hanpakma hünzom ma owan müikya pün tüi angkya changpu; opün wan chimüikya pün ma hünzome oziakchu chimüikya kopüi. Pün a oziak makhange tix awan ang kople.

1 TIMOTHI 2:8

Zangshwom tusox pangnu khato wüi lüka mixmüibue ochax, mongtsik hia kax ma alankya chemchu chitüi homle, otsao chak Zang hato nwonle zangjop koxle müisele kue texpu.

ISAIA 29:13

Jowanpa-e thüile: “Ibu khünake ku to shwomle le wüntüia, ikoxle hwom kaxfa ma lax angkya chemchu müntüi, ilaxle hwom kün-mong chu ojongjong towüi. Hwom zanglom a chemchu münchang ikoxle hwome mong ma kople thomkya khünake zingle alaikya wanlom hia mokle hüikya olom lanlan.

MÜNCHUAK-TSAI 24:4

Opang mwot hia tutex ma tsaothale tüipuix, owae chapabu to chishwom puix chichangba othai to tsaosaxle chichangpuix, ibutix nguidong tsuaküi.

1 PITAR 1:22

Hünzome otsingtsing kax ma laxkya füi künkux-mongkwomkya chitüi homle, tüinaoe tüinao to mongkün angkya hanpakma hünzom chasa tsaothale zingle fakoxle, hünzom tüinaoe tüinao to mong bakle koxkya füi, küntsao-mongtha le tamchu chizakle akün-aluale tüikox.

MÜNCHUAK-TSAI 18:20

Kue changkyakya wüi mokkoxle Jowanpae ku ang hingho koxle; chixe ku to mohimanle chemthüikoxle ku a oma chemchu chitikkya mix chang koxle.

JAKOP 1:8

chemthüikoxle chix a ma mwotkho chijatkya mong anyi füikya mix changpu.

MÜNCHUAK-TSAI 26:6

Jowanpa, ku a chem chitikkya mix le aho ang kue chak sopu, nang tö-tsap akhople zangshwom ang angüipu.

WANGSHEMBU MWOT 15:9

Chixe kem hia hwom ba süile münthom; hwome ongkya khoma chixe hwom mong atsaole koxle.

PONGWANG LAIPEX 18:23

Abraham Jowanpa hato hüi ilaxle akax: “Chemngax chichangkyabu nange thaile ngokya khünakbu füi tomle amüt-aziküi hia?

JOB LAIPEX 16:17

ikoxchu ku changnong-pünthomle thaikya chem müntüi; Zang tokya ku zangjop shingmong lüwüi tüipu.

MATHI 15:2

“Nang wangshembue bangkya pupa wanlom büthüikoxle chitopu? Hwome chak wanlom ma tüikya ningle chiatsux homle fong saxle!”

JEREMIA 4:11

Sak-haxchi tokya hwom hato khamfoxkya zangwin hüile ngole le Jerusalem ma tüikya khünaknu hato apuakox angkya tunu nguile ngole. Ija a tsaxsa zaza jeple paokya cheitho zangwin chichangüi:

JOB LAIPEX 9:30

Chemningkya sabon-ti füi sokoxchu ku ochax atsao ang müntho.

ISAIA 13:15

Owa koplax puix chix a tople langüi.

MÜNCHUAK-TSAI 73:13

Kue ku lualua to atsaole thomkya üntoxle kue ochax chilyenle ngokya a obato hia?

MATHI 27:24

Pitar-e chix kax chem angchu chilaxle noknu wuk mix huanuma adün angkya changlaxle le ngünkya zuma, chixe ti muale lax ilaxle chak sole thüi: “Ija khünak zikya bama ku thaikya müntüi hexo! Ija a hünzome moklaxpu!”

1 SAMUEL 14:35

Sol-e Jowanpa ang tö-tsap tuita zingle kox; ija a chix tsün ma pongwang lükya tö-tsap changkya.

MÜNCHUAK-TSAI 119:113

Nang zongto komkaile nang kax ma laxle chichangkyabu to kue miktsakle, ikoxlechu kue nang wanlom to mongkünpu.

ISAIA 58:2

Nyixfokya to hwome ku shwomle, hwome ku lomtang awansele mongtsukya akaxle ilaxle ku kaxtom kax ma laxle le thüile. Kue hwom ang sukya wanlombu koxkya hia hwome ku to shwomle chang angkya hwom mongtsule.”

JAKOP 3:17

Ikoxchu thakchi tokya je-hwon a pongwang ma tsaotha le changüi; tamchu ija a mongsomjale, somdangle tamchu asyen-abui le changüi; ija a chingchajaja oziak opuae awangle tüile; ija a mapai mixzünkya tamchu künkux-mongkwom füi janle tüile.

MANGSOP 3:57

Nange ku kax to lan ilaxle chiza angkya hanpakma ku füi akax.