JAKOP 4:4 - OTSAO BAIBEL (BSI)

⁴ Hünzom chaxwannu zuikhui ang achangkya a Zang zongto zan ang achangpu le hünzome matsing hia? Hünzome chaxwannu zuikhui ang ngose tsukya a malailai to Zang füi zan ang achangpu.

JAKOP 4:4 ပူးပေါင်းရင်းမြစ်များ

ROM NOK HATO ZAKYA POL LAIZA 8:7

Idaile khünak tuita khangka müi-hi-ajie apünkya tokhange chix Zang zongto zan ang achangle; chemthüikoxle chixe Zang wanlom kax ma chilax, ilaxlechu ija kax ma laxtsuak angkya münchang.

GALATIA 1:10

Khünaknue ku wüi changkoxa naxthüile akax ngopuixle apaünpia? Ile otuechu münchang! Kue, Zange sule le thüi angkya lomwüi! Ku khünaknue zaole naxwün le azong ngole le hia? Athaxchu wüi kue ile azong ngo angkya thatha jangchang thüikoxle, ku Khrista da ang münachang ngose.

JUHAN 15:19

Hünzom chaxwannu kux jangchang thüikoxle, chaxwannue makuxle mongkünle tüise; ikoxle hünzom a kue chaxwannu angkya zünle kopdaoa, ija khoma chaxwannue hünzom thua anu angkya changle.

MATHI 6:24

“Owachu hopunu anyi da ang ngo ang müntsuak. Ile changkoxle chixe tuita thua anu ikoxle tuita to a mongkünle changüi. Chixe tuita kax ma laxle tüiüi ikoxle ata kax ma a chilaxle changüi. Hünzome Zang hia Ngun pangnyi thotha ang müntho angkya changle.

JUHAN 17:14

Kue hwom ang nang kax fadaoa; chaxwannue hwom thua anule, chemthüikoxle chemle ku chaxwannu kux chichangpuix, ija ningle hwomchu wüi chaxwannu kux ang chichang koxle.

JAKOP 1:27

Zang kem Hopae, changkya üntoxle otsao zanglom ang ekya a ija changle: Hwom sikngün pongma zomnu khaxsabu to humekya üntoxle chaxwannu onu-oma chemechu nun-maokya chitüi le malailai to ibu füi atsaile ngo tsuakkya, ibibi changle.

ROM NOK HATO ZAKYA POL LAIZA 5:10

Kem a Zang zongto zanbu changkya, ikoxle Hosa zikya makhange kem chix zuikhui ang zingpu. Athax a kem Zang füi zuikhui changle, ilaxle Khrista ozün ma ngokoxle chixe kem khosün angkya atsingsho!

MATHI 16:4

Anyix ngainyixkya chemtukuxkya zünte tamchu Zang chitüikyabu hex. Hünzome münwan lomleo? Ajepa Juna münwan boma mama münwan hünzom ang münfaüi.” Ikhoma chixe hwom dantoxlaxle atsaile pao.

HOSIA 3:1

Jowanpae ku ang thüi: “Tamchatle paokox ilaxle ma mongkün hwom füi chinunchakkaile ngokya mixcha hato nang mongkün ahokox. Hwome mama baozangbu hato mong alople pao ilaxle grep zanbu töbu chapabu ang koxle chang koxle ngaxchu kue chizakle Israel nok to chemle mongkünpuix ija ningle nange she to mongkün angkya changpu.”

JUHAN 7:7

chaxwannue hünzom to miktsak ang müntsuak; ikoxle ijae ku to tüle tsakle; chemthüikoxle hwom lekya lomtangbu a ochax changpu le kue akax ngokya khoma.

MÜNCHUAK-TSAI 73:27

Ku danle toxkyabu a maxüi jaojao; nang to ojem chifünkya mongong chithom tsuakkyabu nange amütüi jao.

KAXHO MÜIKYA LUK 19:27

Idaile ku hwom wanghom ang achangsele chitsukya ku zanbu ikha to apüihüi ilaxle hwom ku pomtho ma langkox.’”

MATHI 12:39

Ikoxle chixe lanle thüi: “Chisu chitangkya hia Zang chitsingkya tsün thome ohünotün mwot lomle; hünzom ang a Juna ohünotün mwot boma mama münwan chemchu münfa.

MÜNCHUAK-TSAI 21:8

Wanghome chix zanpabu pangwüi kopüi; chix to miktsakkyabu tyale chixe kopüi.

JEREMIA 9:2

Sak-hax to ku ang ngwotnui tuita namtüikoxba ku khünaknu füi atsaile ku ikhato ngose dai. Hwom pangwüi mongong chitüikya khünakbu, mixkho hang ang mwopkya othom.

ISAIA 57:3

Ikhato kaxfün ang nguihüi, hünzom ochax khünakbu! hünzom a jenu-shipabu, chinunchakkaikyabu, ilaxle ma tsangtsa hangkyabu füi sümüikya le münchang.

MÜNCHUAK-TSAI 50:18

Hünzom a hünzome ngünpupu ahuxmixbu füi zuikhui ang achang, ilaxle hünzom a ma tsangtsa hangkya mixcha hwom füi asox.

JEREMIA 2:2

Jerusalem ma tüikya pangnusa hato ija kaxho fa angkya akax: “Nang naosom pongma chemtukux mongong ma chiale le tüikya hex kue münalak, künyi aju-asomle chang tanto owangpongma nange ku to tüle mongkünkya dai; sak-hax akaile nange ku mantole azüi, thomo-manzaile chichangkya haxtok akaile a.

PONGWANG LAIPEX 3:15

Kue nang hia shekocha hünkhi bama tamchu nangsix-nangli hia she sixli hwom bama zan zingpu. She susa hwome nang khang thuple akhixüi ilaxle nange she susa hwom chidua ma tuüi.” Hwom chidua ma tuüi.

EZEKEL 16:32

Nang a ma kakopa dantoxlaxle mixwün füi chinunchakkaile changkya mixcha tuita ningle changpu.

1 KORIN 1:20

Je-hwon füikya mix omaün? Tsingpa-manpa omaün? Athaxpongkya tsaipu-kaxpabu omaün? Zange ija chaxwannu je-hwon a ongat changpu le ahodaoa!

1 KORIN 1:21

Chemthüikoxle Zange chix je-hwon makhange khünaknue chix mahwon maje füi awanle chitsuak angkya lima achangdaoa. Itülüi, kwome apuk-apuakya kaxho, oja ang khünake tsaingat kaxngui le nyakpuix, ija kaxho to mongong tüikya khünakbu khosün angkya Zang mongto texdaoa.